SALM 106:1 - Lai (Hakha) Common Language Bible 2006

¹ Bawipa cu thangṭhat ko u! Bawipa sinah lawmhnak bia chim tuah u, zeicahtiah amah cu a ṭha, a dawtnak cu zungzal in a hmun.

Laibaibal Thiang (BSI)

¹ BAWIPA cu thangṭhat u. Maw BAWIPA sinah lawmhnâk bia chim u, zeitintiah amah cu a ṭha! A vêlngeihnâk cu zungzal in a hmun.

SALM 106:1 Խաչաձեւ Հղումներ

1THESALON 5:18

zei bantuk thil nan ton hmanh ah lunglawm in um u. Khrih Jesuh chung i nan nunning ah hin hitihin nung hna seh, tiah Pathian nih an duh hna.

SALM 105:1

Bawipa sinah lawmhnak bia chim u, a lianhngannak kha thanh u; cun a tuahmi thil kha miphun vialte chim hna u.

1 CHANRELNAK 16:34

Bawipa cu lawm tuah u, zeitintiah amah cu a ṭha; Zeitintiah a fekmi a dawtnak cu zungzal in a hmun!

SALM 136:1

Bawipa cu a ṭhat caah lawm tuah u, a dawtnak cu zungzal in a hmun.

JEREMIAH 33:11

Sihmanhsehlaw hi hmun ah hin thanuamnak thawng le lunglawmhnak thawng, nupi ṭhitu aw le a mo aw cu theih an si ṭhan lai. Mi nih ka biaknak inn ah lunglawmhnak laksawng an rak put tikah hla an sa lai i, A lianngan bik Bawipa cu lawm tuah u, Zeicahtiah amah cu a ṭha, A fekmi a dawtnak cu zungzal in a hmun, an ti lai. Hi ram cu hmasa ah a rak rum tlukte khan ka rumter ṭhan lai,” tiah Bawipa nih a ti.

SALM 118:1

Bawipa cu a ṭhat i a dawtnak cu zungzal in a hmunh caah lawm tuah u!

SALM 105:45

zeicahdah cuticun a tuah ti ahcun, ka mi nih ka nawl kha ngai hna seh law ka phunglam kha zul hna seh ti a duh caah a si. Bawipa cu thangṭhat ko u!

SALM 107:1

Bawipa cu lawm tuah u, zeicahtiah amah cu a ṭha. a fekmi a dawtnak cu zungzal in a hmun.

EZRA 3:11

cun annih nih Bawipa cu an thangṭhat i an lawmh i, “Bawipa sin i lunglawmhnak chim hi a ṭha; Zeitintiah a fekmi a dawtnak cu Israel leiah zungzal in a hmun,” tiin an i sak tonh. Bawipa inn hram cu bunh a si caah mi vialte nih Bawipa cu an thangṭhat tikah fak piin an au.

MATTHAI 19:17

Jesuh nih cun, “Zeicahdah ‘zei thil ṭha dah,’ timi cu na ka hal? A ṭhami cu pakhat lawng pei a um ko cu. Nunnak chung i luh na duh ahcun nawlbia kha tah na zulh ko hna,” tiah a leh.

SALM 119:68

Zeitluk in dah na ṭhat i zeitluk in dah vel na ngeih! Na nawlbia cu ka cawnpiak tuah hna.

SALM 103:17

Sihmanhsehlaw Bawipa nih amah a upatmi hna a dawtnak hna cu, zungzal in a hmun i a ṭhatnak nih chan vialte tiang a nguh,

1 CHANRELNAK 16:41

An sinah cun Heman le Jeduthun le, Bawipa cu a fekmi a dawtnak kha zungzal in a hmunh caah a sinah lawmhnak bia chim awk ca i thimmi hna le fiang tein min chimmi a cheu hna kha an um,

SALM 135:3

Bawipa cu a ṭhat caah thangṭhat u zaangfah thiammi a si caah a min cu hla in thangṭhat u.