SALM 104:5 - Lai (Hakha) Common Language Bible 2006

⁵ Vawlei cu a umnak hmun ah khan fek tein na bunh i ahohmanh nih an ṭhial kho lo.

Laibaibal Thiang (BSI)

⁵ Nangmah cu vulei hram zungzal i hninlo dingin a bunhtu na si.

SALM 104:5 Խաչաձեւ Հղումներ

JOB 26:7

Pathian nih van puan cu pakpalawng cungah khin a zam i Vawlei cu zeihmanhlo chungah a thlai.

SALM 24:2

Rili cungah vawlei cu a dirter i a hram cu rili thuk chungah khan a bunh.

SALM 33:9

Bia a chim i vawlei cu a hung um, nawl a pek i zeizong vialte an hung chuak.

SALM 96:10

Miphun vialte kha, “Bawipa cu siangpahrang a si, Vawlei cu a umnak hmun ah hninh khawh loin fek tein a bunh, mi vialte kha dinnak in bia a ceih hna lai,” tiah chim hna u.

BIAPHUAN 20:11

Cun bawiṭhutdan raangpi le a cung i a ṭhumi kha ka hmuh hna. A cung i a ṭhumi hmaika cun vawlei le van kha an zaam i an um ti lo.

2 PETER 3:10

Sihmanhsehlaw Bawipa Ni cu ruah lopi ah mifir bantukin a ra lai. Cu Ni ah cun van cu awn cukmak in an lo lai i vancung arfi, nika le thlapa hna cu an kang lai i an rawk dih lai. Vawlei cu a cung i a ummi thil vialte he an lo dih lai.

SALM 136:6

A thukmi ti cungah vawlei kha a sak, a dawtnak cu zungzal in a hmun.

SALM 93:1

Bawipa cu siangpahrang a si! Rumra in aa thuam i a tai cu thazang in aa sawmh. Vawlei cu a umnak hmun ah khan fek tein a chiah i a hninh in hninh khawh a si lo.

BIAPHUAN 6:14

Cazual an zual bantuk khin van cu a lo i tlang le tikulh vialte cu an umnak hmun in an ṭhial dih hna.

PHUNGCHIMTU 1:4

Chan khat cu a liam, a dang chan khat a hung chuak ve, sihmanhsehlaw vawlei cu a sining ṭhiamṭhiam khan a hmun zungzal ko.

1 SAMUEL 2:8

Bawi hna sinah ṭhutter awk le Upatnak ṭhutdan coter awk caah, Sifakmi kha leidip lak in a thawh hna i Retheimi kha vutcam pumhmi lak in a cawi hna. Zeitintiah vawlei tung hna cu Bawipa ta an si i An cungah vawlei cu a chuan.

SALM 119:90

Zumhawktlak na sinak cu chan vialte tiangin a hmun, vawlei cu a umnak ah na chiah i cuka ah cun a um peng ko.

PHUNGTHLÛKBIA 8:29

Ti nih khan a nawlbia cu an buar nakhnga lo rili cu ri a serpiak hna; vawlei hram kha a hmelchunh tik ah khan,