SALM 104:4 - Lai (Hakha) Common Language Bible 2006

⁴ Thlitu cu na lamkaltu ah na hman hna i nimtlau cu na sal ah na hman hna.

Laibaibal Thiang (BSI)

⁴ A vanmi hna cu thlarau ah a canter hna i a rianṭuantu hna cu meialh ah a canter tawn hna.

SALM 104:4 Խաչաձեւ Հղումներ

HEBRU 1:7

Cun Pathian nih vancungmi pawl kong ah cun, “Pathian nih a vancungmi hna cu thlitu ah a ser hna i a rianṭuantu hna cu meizik ah a ser hna,” tiah a chim.

2 SIANGPAHRANG 2:11

Cun an kal lengmang i bia an i ruah lio lengmang ah cun, zohhmanh, mei rangleng pakhat le mei rang hna nih annih pahnih cu an ṭhen hna. Cun Elijah cu phuchim in vancung ah a kai.

2 SIANGPAHRANG 6:17

Cun Elisha nih thla a cam i, “Maw Bawipa, a hmuh khawh nakhnga, a mit hi hun auter ko,” tiah a ti. Cucaah Bawipa nih tlangvalpa mit cu a auter i a hmuh; cun zohhmanh, Elisha velchum ah cun, tlang cu rang le mei rangleng in a khat.

HEBRU 1:14

A si ahcun vancungmi cu ahodah an si kun? Vancungmi cu Pathian rian a ṭuantu thlarau, khamhnak a hmu hngami bawmh awkah Pathian nih a thlahmi kha an si.

SALM 148:8

Nimtlau le rial, hawhra le khuadawm, a nawl a ngaimi thlichia, nannih nih Bawipa cu thangṭhat ko u!

EZEKIEL 1:13

Thilnung hna cu an mui cu meiṭil vang hiamhuam in a ummi bantuk khi an si i an lakah cun meizik khi i chawk lengmang seh law cu ko cu a lo; mei cu a ceu ngaingai i mei chung cun nimtlau an chuak.

LAMKALTU 23:8

(Zeicahtiah Sadusi mi nih cun mi hi thihnak in an tho ṭhan lai lo, vancungmi an um lo, thlarau zong a um lo, an ti; sihmanhsehlaw Farasi mi nih cun a pathum te hin an zumh dih).

ZEKHARIAH 6:5

Mah hna hi vawlei cung dihlak Bawipa a tuammuaitu vancung thlitu pali cu an si i atu cu chuah an i zal cang.