SALM 103:14 - Lai (Hakha) Common Language Bible 2006

¹⁴ Zei in dah ser kan si kha a hngalh i leidip men kan si kha a philh lo.

Laibaibal Thiang (BSI)

¹⁴ Zeitintiah kan ruangam hi a hngalh i Leidip kan si hi a philh lo.

SALM 103:14 Խաչաձեւ Հղումներ

PHUNGCHIMTU 12:7

Kan pum cu vawlei leidip ah a kir ṭhan lai i kan thaw cu a kan petu Pathian sinah a kir ṭhan lai.

JOB 10:9

Tlak in na ka ser kha philh hlah; Leidip ah maw na ka canter ṭhan lai?

SALM 89:47

Bawipa, minung cu a nunnak hi zeitluk in dah a tawi ti kha philh hlah; mi vialte cu a thi dingin na kan ser dih kha philh hlah!

GENESIS 3:19

Rawl na hmuh khawhnak dingah, vawlei i na kir ṭhan hlan tiang, thlan hripi puak in na cawl a hau lai; Nangmah cu, cu vawlei cun sermi na si. Leidip na si i leidip ah na kir ṭhan lai,” a ti.

JOB 7:21

Zeicahdah ka phungbuarnak cu na ka ngaihthiam ko lo i, Ka ṭhat lonak cu na ka hlonhpiak ko lo? Zeicahtiah atu cu vawlei chungah ka it lai; Na ka kawl lai, sihmanhsehlaw ka rak um ti lai lo,” tiah a ti.

ISAIAH 29:16

Zeizong vialte kha a bingtalet in an ser dih. Zeidah a biapi deuh, um sertu maw tlak dah? Mi nih an sermi thil nih khan, a sertu minung cu, “Na ka ser lo,” a ti khawh lai maw? Asiloah, “Na tuahmi hi zei a si na hngal lo,” a ti khawh lai maw?

JOB 13:25

Thli nih a choihmi thinghnah cu na dawi lai maw? Favai ro tah na dawi lai maw?

GENESIS 2:7

Cun Bawipa Pathian nih vawlei khan tlak tlawmpal a lak i mipa ah a ser; nunnak petu thaw kha a hnar chungah a chuahhnawh i mipa cu a hung nung.