SALM 103:13 - Lai (Hakha) Common Language Bible 2006

¹³ Pale nih an fale an zaangfah hna bantuk khin Bawipa nih amah a ṭihmi cu a zaangfah hna.

Laibaibal Thiang (BSI)

¹³ Pa nih a fale a zângfah bantukin, BAWIPA nih amah ṭhzahtu kha a zângfah tawn hna.

SALM 103:13 Խաչաձեւ Հղումներ

JEREMIAH 31:20

“Efraim, nangmah cu ka dawt bikmi fa na si. Na min ka chim fate, nangmah kha dawtnak in kan ruat tawn. Nangmah cu ka lung nih an ngai i na cungah zaangfahnak ka ngei lai,” tiah Bawipa nih a ti.

SALM 103:17

Sihmanhsehlaw Bawipa nih amah a upatmi hna a dawtnak hna cu, zungzal in a hmun i a ṭhatnak nih chan vialte tiang a nguh,

PHUNGTHLÛKBIA 3:12

Zeicahtiah pa nih a duhmi a fapa cu a chimhhrin bangin Bawipa nih a dawtmi kha a chimhhrin ve hna.

JEREMIAH 31:9

Inn ah an ra tlung, an tlun pah in an ṭap, Sihmanhsehlaw ka hnemh hna lai i keimah cu a cawngtu hna ka si lai. A luangmi tiva ah ka hruai hna lai; An lam kha a mil tuk caah an tlu an ril lai lo. Zeicahtiah keimah cu Israel mi caah an pa ka si cang i Efraim cu ka fapa upa bik a si.

MALAKHI 4:2

Sihmanhsehlaw ka min a ṭihzahmi nannih caah cun, dinnak ni, a thla ah damnak a hun i zuanpimi ni cu a hung chuak lai i kawm chungin chuahmi cawfano hna bantukin nan luat lai i nan i lawm lai.

SALM 147:11

asinain a lung a tongmi cu amah a ṭihmi le a fekmi a dawtnak aa bochanmi kha an si.

MATTHAI 6:32

(Hi thil hna cu Pathian bia lomi hna nih an lungre an i theihpi zungzalmi pei an si cu.) Vancung khua i a ummi nan Pa nih hi thil vialte cu nan herh dih hna ti kha a hngalh ko.

SALM 103:11

Van cu vawlei nakin a san deuh ngaingai bantukin a dawtnak cu amah a ṭihmi hna caah cun a ngan ve.

LAMKALTU 13:26

“Ka u le ka nau hna, Abraham tefa hna le hika i a ummi Jentail mi vialte, Pathian a biami hna: hi khamhnak bia hi kanmah hi pei pek kan si cu.

JOHAN 20:17

Jesuh nih cun, “Ka tlai peng ko tuah hlah, zeicahtiah ka Pa sinah ka kir rih lo. Sihmanhsehlaw ka unau pawl sinah khan va kal law, ‘Ka Pa le nan Pa, ka Pathian le nan Pathian a simi sinah khan ka kal lai,’ a ti tiah va chim hna,” tiah a ti.

MATTHAI 6:9

Cucaah hi bantuk hin thla nan cam awk a si: ‘Vancung khua i a um kan Pa, Na min thiang cu upat si ko seh;

DEUTERONOMI 3:5

Mah khua vialte hna hi, hau a ngei lomi khuate tampi hna hleiah hau sang pipi in kulhmi le kutka le hrenhnak a ngeimi an si.

NAMBAR 11:12

Hi mi vialte hi ka rak pawi hna maw? ‘Nau cawnghramtu nih nau hnuktlai lio a cawi bangin na ṭang ah cawi hna law, an pupa hna sinah pek awkin chiat ka sermi ram ah kalpi hna,’ na ti cu keimah nih maw ka hrin hna?

LEVITIKAS 26:44

Asinain cu vialte ruang hmanh ah cun, an ral hna ram chung i an um tikah, ka hlaw hna lai lo, annih kha hrawh cikcek i annih he ka biakam kha hrawh tiangin ka hua fawn hna lai lo; zeitintiah keimah cu Bawipa an Pathian ka si.