SALM 10:7 - Lai (Hakha) Common Language Bible 2006

⁷ A bia cu chiatserhnak le lih le hronak in a khat; huat awk bia le bia ṭhalo chim ah khan a khul a rang.

Laibaibal Thiang (BSI)

⁷ A hmurkâ cu chiatserhnâk, hlennâk le lamhchihnâk bia in a khat; a lei tangah buainâk le sualpalhnâk a um.

SALM 10:7 Խաչաձեւ Հղումներ

SALM 7:14

Miṭhalo nih thil ṭhalo a tuaktanning kha ruat hmanh; harnak chuahter ding kha khua a khan i hlennak kha a tuah.

JOB 20:12

“Ṭhat lonak cu a kaa chungah a thlum in a thlum i a lei tangah aa chiah,

SALM 144:11

A puarmi ka ral hna kut chung khan ka khamh ko, ramdangmi hna ṭhawnnak chung hin ka khamh tuah, annih cu biatak a chim bal lomi, biatak ka chim lai tiah chiat i serh hnu hmanh i lih a chim ṭhiamṭhiammi an si.

SALM 140:9

Ka ral kha teitu siter hna hlah, an ka tlerhnak cu anmah cung lila ah tlakter.

SALM 140:3

An lei cu rul lei bantuk a si i an bia cu rawchok sivai bantuk a si. Selah

SALM 73:8

Midang kha zeihmanh ah an rel hna lo i thil ṭhalo lawng kha an ceih. An ruam a kai i zeitindah midang kha kan hrem khawh hna lai ti lawng kha an ceih.

SALM 64:3

An lei kha nam bantukin an i tat i bia ṭhalo kha thal bantukin an kah.

SALM 59:12

An kaa chungah sualnak a um an bia cu bia sual lawngte an si; an i porhlawtnak ah cun anmah lila i foih hna seh. Annih cu chiatserhnak bia a chimmi le lihchimmi an si caah

SALM 52:4

Na bia in mi fahnak pek kha na duhmi a si, nang cu milip na si.

SALM 36:3

A kaa chuak bia cu bia ṭha lo le lih lawng an si i mifim si i thil ṭha tuah kha a ngol cang.

MATTHAI 12:34

Rul hna, zeitindah miṭhalo nan si ahcun nan kaa in bia ṭha cu a chuah khawh lai? Kaa nih cun lungchung i a khatmi kha pei a chim cu.

JEREMIAH 9:6

Palhnak kha palhnak nih a zulh chin lengmang i Hlennak kha hlennak nih a zulh chin lengmang. Keimah hngalh kha an duh lo, tiah Bawipa nih a ti.

JEREMIAH 9:3

An lei cu an hriam a si, kuaih ciami likuk bantuk a si, Biatak si loin lih tu kha ram chungah hin bawi a si. Ṭhat lonak pakhat in ṭhat lonak pakhat ah an kal i Keimah cu zeihmanh ah an ka rel lo, tiah Bawipa nih a ti.

ISAIAH 59:4

Biaceihnak hmun ah nan kal, sihmanhsehlaw ahohmanh bia hmaan a chimmi nan um lo. Nan bia tei khawhnak caah lih kha nan i bochan. Midang harnak peknak caah khua nan khan i cucu nan tlinter taktak.

PHUNGTHLÛKBIA 30:8

Lihchim le hrokhrawl cu ka sinin lamhlapi ah ṭhial ko hna; Chamhbaunak siseh, rumnak siseh, ka pe hlah; ka ca i a herhmi rawl in ka cawm ko.

PHUNGTHLÛKBIA 21:6

Lihchim in hmuhmi chawva cu a zuangmi tikhu le thihnak rap an si.

SALM 144:8

annih cu biatak a chim bal lomi, biatak ka chim lai tiah chiat i serh hnu hmanh ah lih a chim ṭhiamṭhiammi an si.

SALM 62:4

Nan duhmi cu upatnak hmun i a ṭhutnak khan ṭhumh hi a si ko i lihchim zong hi nan duh hringhranmi a si fawn. Nan kaa cun thluachuahnak bia nan chim, sihmanhsehlaw nan lungchung cun chiat nan serh.

SALM 58:3

Miṭhalo cu an chan chung vialte palhnak a tuahmi an si, an chuah ni in lihchim an i thawk.

SALM 55:21

A chimmi bia cu thawhpat nakin a nal deuh sihmanhsehlaw a lung chungah cun huatnak a um; a bia cu chiti bantukin a nem, sihmanhsehlaw nam bantukin mi a chun.

SALM 41:6

Keimah zoh i a rami kha lung thiang in an ra lo, ka thangchiatnak lawng kha an hlat i an chuah tikah a kenkip ah an chim.

SALM 12:2

Pakhat le pakhat an i hleng i hlepar faknak hmur le lung hnih ngei in bia an chim.

SALM 5:9

Ka ral nih an chimmi bia cu zeitikhmanh ah zumh khawhmi bia an si lo, Zeicahtiah annih cu mi hrawh lawnglawng kha an duh; an kaa cu chilh lomi thlan bantuk a si i an bia cu hlennak bia le nal bia lawnglawng an si.

JOB 15:35

Mi ṭhat lonak ding kha fapawi in an i pawi i ṭhat lonak kha an hrin, An paw chungin a chuakmi fa cu hlennak kha a si,” tiah a ti.

SALM 50:19

Ṭhat lonak bia chim kha nan i tim zungzal i lihchim kha a sum in nan i sum lo.

SALM 59:13

na thinhun in hrawk dih hna, hrawk dih cikcek hna. Cu tikah Israel uktu cu Pathian a si i vawleicung vialte zong a uk chih dih ti kha an hngalh lai.

AMOS 8:4

“Sifakmi kha a rialchih i retheimi kha a ramhmi hna, hihi ngai tuah u;