SALM 10:11 - Lai (Hakha) Common Language Bible 2006

¹¹ Miṭhalopa nih cun aa thawh i, “Pathian cu a zeihmanh a poi lai lo, a mit aa chinh i a ka hmu bal lai lo,” a ti.

Laibaibal Thiang (BSI)

¹¹ A lungthin in, “Pathian nih a philh cang i a hmai zong a thuhkanh cang; zeitikhmanhah a hmu ti lai lo,” tiah a ti.

SALM 10:11 Խաչաձեւ Հղումներ

EZEKIEL 8:12

A ka thawh i, “Israel mi upa hna nih mui lak i an tuahmi khi na hmu maw? Anmah cio nih an i suaimi milem an chiahnak ah hmunthiang cio i an tuahmi khi? Annih nih cun Bawipa nih a kan hmu lo tiah an ruah i ram hi a hlawt cang, tiah an ruah.

SALM 94:7

An i thawh i, “Bawipa nih cun a kan hmuh lem lai maw? Bawipa nih cun a hngalh lem lai maw?” an ti.

SALM 73:11

An i thawh i, “Pathian nih cun a hngal lai lo, Cungnung Bik nih cun a hmu lem lai lo,” an ti.

SALM 10:6

Amah le amah cu, “Ka sung bal lai lo; harnak ka tong bal lai lo,” aa ti.

EZEKIEL 9:9

Cun a ka leh i, “Israel mi le Judah mi ṭhat lonak cu a ngan hringhran ko; ram cu lainawnnak in a khat i khuapi cu dinlonak in a khat. Hi ram hi Bawipa nih a hlawt cang tiah an ruah. Bawipa nih zeihmanh a hmu lo, tiah an ruah.

PHUNGCHIMTU 8:11

Zeicahdah mi nih ṭhat lonak kha an tuah lengmang? Ṭhat lonak an tuahmi caah khan khulrang in dantatnak an in lo caah a si.

SALM 64:5

Thil ṭhalo tuahnak ding khua an khanmi ah khan, pakhat le pakhat thazang an i pe, khuazei ah dah kan rap kha kan chiah hna lai tiah an i ceih. “Kan rap cu ahohmanh nih hmu hna hlah seh,” an ti.

LUKA 7:39

Jesuh rawlhrawn a sawmtu Farasi mi nih khan mah cucu a hmuh tikah a lung chungin, “Hi pa hi profet a si taktak ahcun amah a tawngtu nu hi ahodah a si i zeitluk a sualminu dah a si ti kha a hngalh lai,” tiah a ti.

MARKA 2:6

Khika i a rak ṭhu vemi Phungbia saya a cheukhat hna nih cun,

SALM 59:8

Sihmanhsehlaw Maw Bawipa, nang nih cun na nihsawh ko hna; miphun vialte cu capo men ah na saih ko hna.

SALM 64:6

Ṭhatlo tuahnak ding khua cu an khan i “Ṭhatlo tuahnak ding khua kan khanmi cu a ṭha tuk,” an ti. Minung lungthin le ruahnak hi khuaruahharmi thil thuk a si hrimhrim ko.

HOSEA 7:2

Thil ṭhalo an tuahmi vialte kha ka hngalh camcin ko ti kha a ruah awk an hngal lo; An sualnak nih khan a kulh hna i ka hmaika khan an luat kho lo.