ROM 9:7 - Lai (Hakha) Common Language Bible 2006

⁷ Abraham fale hna zong an dihlak in Abraham tefa an si dih lem lo. Pathian nih Abraham cu a thawh i, “Isak tefa hna cu nangmah tefa ah rel an si lai,” a ti.

Laibaibal Thiang (BSI)

⁷ Abraham fa le an si ruangah an dihlak in fa an si dih hlei lo, “Isaak ah hin na fale tiah ti an si lai,” tiah ti a si.

ROM 9:7 Խաչաձեւ Հղումներ

GENESIS 21:12

Sihmanhsehlaw Pathian nih Abraham cu a thawh i, “Ngakchiapa le na sal Hagar kongah lungrethei in um hlah. Sarah nih an chimhmi paoh cu tuah ko, zeicahtiah tefa kan kamhmi cu Isak chung hin an chuak lai.

HEBRU 11:18

Pathian nih Abraham cu a rak thawh i, “Tefa na ngeih laimi cu Isak chung chuak hi an si lai,” a rak ti.

GALATI 4:23

Salnu nih a hrinpiakmi fapa cu hawi phungning cio ah hrinmi a si, sihmanhsehlaw a luatmi nu nih a hrinpiakmi cu Pathian biakamnak thawngin hrinmi a si.

FILIPI 3:3

Cuarpartan taktakmi cu anmah kha si loin, kanmah hi pei kan si cu; Pathian Thlarau thawngin Pathian a bia i Khrih Jesuh he aa pehtlaimi nunnak ah aa lawm i lenglei phunglam aa bochan lomi hi pei kan si cu.

LUKA 3:8

Nan nun nan ṭhinh cu nan thil timi ah khan langhter u. ‘Abraham pei a kan hringsortu cu a si tiah,’ ti len hlah u. Pathian nih cun a duh ahcun hi lung hi a lak hna lai i Abraham tefa ah cun a ser khawh ko hna.

JOHAN 8:33

Annih nih, “Kannih cu Abraham tefa kan si i aho sal hmanh kan si bal lo. Cucaah nan luat lai, na ti tikah hin a sullam zeidah a si,” tiah an leh.

LUKA 16:30

Mirumpa nih cun a hun leh i, “Ka pa, Abraham, cucu a za lo, mi pakhatkhat cu thihnak in a thawh i an sin i a va kal ahcun an nunning kha an ṭhinh ko lai,” tiah a ti.

MATTHAI 3:9

‘Abraham cu a kan hringsortu a si,’ tiin kan luat lai, tiah i ruat hlah u. Pathian nih hi lung hna hi Abraham tefa ah cun a ser khawh ko hna, ti hi kan chimh hna.

GALATI 4:28

Ka u le ka nau hna, Isak cu Pathian biakam thawngin Pathian fapa a si bantukin nannih zong Pathian biakam thawngin Pathian fa nan si ve.