ROM 9:30 - Lai (Hakha) Common Language Bible 2006

³⁰ A si ahcun zeitindah kan chim kun lai? Hitihin kan ti lai: Pathian he rem a rak i zuam lomi Jentail mi kha an zumhnak thawngin Pathian he an i rem cang;

Laibaibal Thiang (BSI)

³⁰ Zeidah kan chim kun lai? Gentel mi, dinnâk a dawi lomi hna nih zumhnâk thawngin dinnâk kha an phâk cang,

ROM 9:30 Խաչաձեւ Հղումներ

FILIPI 3:9

Keimah dinnak timi, Nawlbia zulhnak thawngin hmuhmi phun kha, ka ngei ti lo, atu cu Khrih zumhnak thawngin pekmi dinnak, Pathian sinin a ra i zumhnak chungah aa bunhmi dinnak lawng kha ka ngei cang.

HEBRU 11:7

Noah kha, a hmuh khawh lomi hmailei thil kongah, Pathian nih ralrinnak a pek tikah, cu ralrinnak bia a theihtertu cu zumhnak a si. Pathian bia kha a ngaih i lawng pakhat a ser i cu chungah cun amah le a innchungkhar kha him tein an um. Cuticun a zumhnak khan vawleicung mi vialte cu, an palh, ti kha a langhter i zumhnak thawngin a rami dinnak kha Pathian sinin a hmuh.

GALATI 2:16

Asinain minung hi Pathian he an i remnak cu Jesuh Khrih an zumhnak thawngin a si i Nawlbia nih tuah u a timi tuahnak thawngin a si bal lo ti kha kan hngalh. Kannih zong, Nawlbia nih tuah u, a timi tuahnak thawngin si loin Khrih kan zumhnak thawngin Pathian he remnak kan hmu lai ti caah Jesuh Khrih kha kan zumh. Zeicahtiah Nawlbia nih tuah u, a ti mi tuahnak thawngin ahohmanh nih Pathian he i remnak an hmu lo.

ROM 4:11

A cuarpar aa tan cu a hnuah a si, Abraham nih a cuarpar aa tannak cu a zumhnak ruangah Pathian nih cuarpar aa tan hlan in miding in a cohlan cang ti hmelchunhnak caah a si. Cucaah Abraham cu, Pathian a zum i an cuarpar an i tan lo nain Pathian nih miding in a cohlanmi vialte hna, thlarau lei an pa a si.

EFESA 2:12

Kha lioah khan cun Khrih he nan rak i ṭhen. Ramdang mi nan rak si i Pathian thimmi hna chungah khan nan rak i tel lo. Pathian nih a mi hna sinah a tuahmi biakamnak cungah bunhmi biakamhmi chungah khan tinvo zeihmanh nan rak ngei lo. Hi vawleicung ah hin ruahchannak ngei lo le Pathian ngei loin khua nan rak sa.

GALATI 5:5

Kannih kan i ruahchanmi cu Pathian nih kannih cu amah he a kan remter lai ti hi a si i cucu Pathian Thlarau nih zumhnak thawngin a tuahmi thil kannih nih ngangngan ngaiin kan hngahmi hi a si.

ROM 10:20

Cun Isaiah nih ralṭha deuh vak in: “A ka kawl lomi nih khan an ka hmuh, A ka hlam lomi sinah khan ka lang,” a ti fawn.

ROM 10:6

Asinain zumhnak thawngin Pathian he i remnak kong ah cun hitihin ti a si: “Nangmah le nangmah cu, Ahodah vancung ah khin a hung kai lai?” i ti hlah (cu a sullam cu Khrih kha run ṭumpi awkah ti a si).

ROM 9:14

A si ahcun Pathian cu a ding lo kan ti kho lai maw? Ti kho hlah.

ISAIAH 51:1

Bawipa nih aa thawh i, “Khamhnak hmuh a duhmi hna, ka bia ngai tuah u, bawmhnak hmuh a duh i ka sin i a rami hna, ngai tuah u. Nannih nan chuahnak lungpi kha ruat hmanh u, nannih an in cawh hnanak lungkhor kha ruat hmanh u.

1 PETER 4:3

Lawkihmi nih an rak tuah tawnmi kha a za ceo nan rak tuah ve ko cang. Pumsa duhnak tehna, hornak tehna, zu ritnak tehna, zu hmun i nuamhnak tehna, bawilamnak tehna le fihnung a simi siasal biaknak tehna kha nan rak tuah hna.

1TIMOTE 6:11

Sihmanhsehlaw nang cu Pathian mi na si caah hi thil vialte hi hrial hna. Dinnak le Pathian hmaizahnak le zumhnak le dawtnak le in-khawhnak le lungnemnak kha tuah i zuam hna.

GALATI 3:24

Cucaah Khrih a rat hlan cu Nawlbia nih khan a kan uk, Khrih a rat cu zumhnak thawngin Pathian he remnak kan hmuhnak hnga caah a si.

GALATI 3:8

Pathian nih Jentail mi cu zumhnak thawngin amah he a remter hna lai ti kha Cathiang nih a rak chimchung cang. Cucaah Cathiang nih Thawngṭha cu Abraham kha a rak chimh chung cang i, “Nangmah thawng hin Pathian nih vawleicung mi vialte kha thluachuah a pek hna lai,” a rak ti.

ROM 10:10

Zeicahtiah kan lung in kan zumh i Pathian he i remnak kan hmuh; kan kaa in kan chim i khamh kan si.

ROM 9:31

sihmanhsehlaw thimmi miphun, Pathian he remnak ding caah phung a kawlmi hna nih khan cucu an hmu lo.

ROM 5:1

Atu cu zumhnak thawngin thiamcoter kan si caah kan Bawipa Jesuh Khrih thawngin Pathian he kan i rem.

ROM 4:22

Cucaah cun Abraham cu zumhnak thawngin “Pathian nih miding in a cohlan”.

ROM 4:13

Pathian nih Abraham le a tefa hna cu, vawlei hi Abraham ta a si lai, tiin bia a kamh hna. Hiti in bia a kamh hna cu Abraham nih khan Nawlbia kha a rak zulh caah a si lo, sihmanhsehlaw Pathian kha a zumh i Pathian nih miding in a cohlan ca tu ah khan a si.

ROM 4:9

David nih a chimmi lunglawmhnak hi cuarpar tanmi hna ca lawngah maw a si? Si hlah. Cuarpar tan lomi hna ca zongah a si ko. “Abraham nih Pathian a zumh i cu a zumhnak ruangah cun Pathian nih miding bantukin a cohlan,” ka timi kha ka nolh rih lai.

ROM 3:5

Ahmaan lomi thil kan tuahmi nih ahmaanmi thil Pathian nih a tuahnak fiang chinchin in a langhter ah tah, zeitin? Zeidah kan chim khawh lai? Pathian nih kannih cu dan a kan tat tikah a palh a si maw? (Minung biachim in hei chim ko ning law.)

PHUNGTHLÛKBIA 21:21

Dinnak le zaangfahnak zulh aa zuammi nih cun Nunnak le upatnak a hmuh lai.

PHUNGTHLÛKBIA 15:9

Miṭhalo hna ziaza cu Bawipa caah fihnung a si, sihmanhsehlaw dinnak a kawlmi kha a dawt hna.