ROM 7:5 - Lai (Hakha) Common Language Bible 2006

⁵ Kan minung sining in kan rak nun lioah khan Nawlbia nih a cawlcanghtermi kan pumsa duhnak hna kha kan pum chungah hin rian an rak ṭuan i an theitlai cu thihnak a si.

Laibaibal Thiang (BSI)

⁵ Zeitintiah thisa i kan um lioah khan, nawlbia nih a thawhtermi sual duhnâk nih kan pum ṭengnge hna ah thihnâk tiang a chuahpitu theitlai a chuahpi tawn.

ROM 7:5 Խաչաձեւ Հղումներ

EFESA 2:3

A ngaingai ti ahcun, kan dihlak hin anmah bantuk cu kan rak si i kan i chuahkehpimi kan pumsa duhnak zulh khan khua kan rak sa i kan pum le kan lungthin duhnak he aa tlakmi paoh kha kan rak tuah. Midang cio bantukin kannih zong Pathian thinhunnak ing ding kan rak si.

GALATI 5:24

Cun Khrih Jesuh ta a simi nih cun a minung sinak kha tuah a duh tawnmi thil le a pumsa duhnak he khan a thah.

GALATI 3:10

Nawlbia zulh aa bochanmi cu chiatserhnak tangah an um. Zeicahtiah Cathiang nih, “Nawlbia cauk chungah aa ṭialmi a dihlak in a zul zungzal lomi cu Pathian nih chiat a serh hna,” a ti.

ROM 6:13

Cun nan pum a zeihmanh kha thil ṭhalo tuahnak ding caah sualnak kha pe ti hlah u. Thihnak in nunnak ah thawhter ṭhanmi bantukin Pathian sin tu ah i pe u law dinnak tuahnak ding caah nan pum cu a ningpi in Pathian cu pe ko u.

ROM 6:21

asinain zeital a miak nan hmu maw? Atu i nan i zahpimi thil hna dah ti lo hi cu, zeihmanh nan hmu lo. Cu hna an donghnak cu thihnak a si.

1JOHAN 3:4

Sualnak a tuahmi paoh nih Pathian nawl a buar a si; zeicahtiah sual cu nawl buar a si.

KOLOSE 3:5

Nan chung i rian a ṭuanmi vawlei pum duhnak: nu le pa sualnak tehna, dawhcah loin umtu khuasak tehna, hornak tehna, thin ṭhat lo tehna le hakkauhnak tehna hi nan thah hrimhrim awk an si (hakkauhnak hi siasal biakning phun khat a si).

1 KORIN 15:56

Thihnak nih fahnak pek khawhnak hmual a ngeihmi cu sualnak in aa lakmi a si i sualnak nih a ṭhawnnak cu Nawlbia in aa lakmi a si.

JEIM 4:1

Nan i siknak le nan i velhnak vialte hi khuazei in dah an rat? Nuamhnak nan duhnak in an ra i cu nan duhnak cu nan pum chungah khan anmah le anmah aa do lengmangmi an si.

JEIM 1:15

Cu tikah thil ṭhalo duhnak nih cun sualnak kha a pawi i a hrin; cun sualnak cu a ṭhang i patling a si tikah thihnak kha a hrin.

TITAS 3:3

Zeitintiah kanmah hrimhrim zong kha kan rak hrut, nawl ngai loin khua kan rak sa i kan rak palh. Pumsa duhnak le nuamhnak sal kan rak si. Mi kha kan rak nahchuah hna i ziar kan rak ngeih hna; mi nih an rak kan huat i kannih zong nih kan rak huat hna.

EFESA 2:11

Chuahkehnak lei in Jentail mi a simi hna, hlanah zei nan rak si kha i philh hlah u — nannih cu Judah mi nih cuarpartanlo an rak in ti hna, anmah cu cuarpartan an rak i ti; cuarpartan ti nih a sawh duhmi cu mi nih an pum cung i an tuahmi kha a si.

ROM 7:23

sihmanhsehlaw ka chung i phung dang a rak um ve kha ka hngalh — cu phung cu ka lung nih a ṭha a timi phung a rak dohtu kha a si. Cu phung nih cun, ka pum chung i rian a ṭuanmi sualnak phung sal ah khan a ka ser.

ROM 6:23

Zeicahtiah sualnak man cu thihnak a si, sihmanhsehlaw Pathian laksawng cu zungzal nunnak a si i cu nunnak cu kan Bawipa Jesuh Khrih he aa pehtlaimi nunnak a si.

ROM 6:19

Hi bantukin tahchunhnak bia ka hman hi, nannih nih nan hngalh khawh deuh nakhnga ka duh caah a si. Hlanah cun a ṭha lomi thil tuah awkah thurhnawmhnak le ṭhat lonak sal nan rak si. Cu bantuk ṭhiamṭhiam in atu cu a thiangmi thil tuah awkah dinnak sal nan si awk a si.

ROM 5:20

Nawlbia cu a rung um i palhnak kha a karh chinchin, sihmanhsehlaw sualnak a karhnak hmun ah khan Pathian vel cu a karh chinchin ve.

ROM 4:15

Nawlbia nih cun Pathian thinhunnak lawng kha a chuahpi ko; nawlbia a um lonak hmun ah cun nawlbia buar zong a um ve lo.

ROM 3:20

Nawlbia zulhnak thawngin ahohmanh Pathian hmai i thiam a co khomi an um lo. Nawlbia nih a tuahmi cu, an sualnak hngalhter kha a si ko.

ROM 1:26

Cuti an tuah caah cun, minung cu Pathian nih ningzak a simi pumsa duhnak ah khan a thlah hna. Nu hmanh nih khan ningcang tein hman awk a simi an nu sinak cu ningcang lo piin an hman i pakhat le pakhat kha an sual.

JOHAN 3:6

Pumsa lei in ti ahcun mi cu a nu le a pa chungin a chuakmi a si, sihmanhsehlaw thlarau hrin si awkah cun Thlarau in a chuakmi a si awk a si.

MATTHAI 15:19

Zeicahtiah lai a nawntertu, nu le pa sualnak a tuahtertu, thil ṭhalo dangdang a tuahtertu, a firtertu, lih a chimtertu, mi a congoihtertu ruahnak ṭhalo vialte cu a lung chungin a hung chuakmi an si.

2 KORIN 10:3

Vawleicung ah cun kan um taktak, sihmanhsehlaw vawlei cung thil tinhmi ngei in ral kan do lo.