ROM 6:3 - Lai (Hakha) Common Language Bible 2006

³ Khrih Jesuh he pehtlaihnak chung i tipil kan in ah khan a thihnak he i pehtlaihnak chungah kan i hnim ti kha nan philh dahra?

Laibaibal Thiang (BSI)

³ Asiloah Krih Jesuh i baptisma a ing cangmi kannih hi a thih nâkah baptis kan si cang ti kha nan hngal lo maw?

ROM 6:3 Խաչաձեւ Հղումներ

GALATI 3:27

Khrih chungah tipil nan ing i Khrih nunnak in nan i thuam.

ROM 6:8

Kannih cu Khrih he kan thih ṭi cang ahcun, amah he kan nung ṭi lai ti zong kha kan zumh.

1 KORIN 12:13

Cu bantukin kannih vialte zong hi, Judah mi kan si ah, Jentail mi kan si ah, sal kan si ah, miluat kan si ah, kan dihlak in pum pakhat chungah khan Thlarau pakhat nih tipil a kan pek i kan dihlak in Thlarau pakhat kha din awkah pek kan si.

1 PETER 3:21

cucu atu i nanmah an khamhtu hna tipil innak a rak sawhtu hi a si. Tipil innak cu pum hnawm kholh hi a si lo, chiaṭha thleidannak thiang nih Pathian sin i biakamnak a tuahmi tu hi a si. Tipil innak nih cun Jesuh Khrih thihnak in a thawh ṭhannak thawngin an khamh hna i

LAMKALTU 2:38

Peter nih annih cu a thawh hna i, “Nan dihlak in, pakhat hmanh bau loin, nan sualnak khan i mer tuah u, nan sualnak kha, ngaihthiam nan si nakhnga nan sualnak khan i mer u law Jesuh Khrih min in tipilnak ing tuah u; cun Pathian laksawng Thiang Thlarau kha nan hmuh lai.

MATTHAI 28:19

Cucaah khuazakip ah va kal u law miphun vialte kha ka zultu ah va ser hna u; Pa le Fapa le Thiang Thlarau min in tipilnak va pe hna u law,

JEIM 4:4

Zumh awk tlak lo minung hna! Vawlei he i hawikomh hi Pathian he i ral a si ti kha nan hngal lo maw? Vawlei hawikom si a duhmi paoh nih cun Pathian ral ah an i ser ko.

1 KORIN 9:13

Biakinn chung i rian a ṭuanmi hna nih Biakinn in an rawl kha an hmuh ti le biakṭheng cung i raithawinak a pechanmi hna nih raithawinak sa kha an co ve ti cu nan hngalh.

ROM 7:1

Ka u le ka nau hna, nannih nih phung kha nan dihlak in nan hngalh ko caah chim ka duhmi hi nan hngalh khawh ko lai. Phung nih hin minung cu a nun chung lawngah a uk.

ROM 6:16

Bawi pakhatkhat sinah na nawl kan ngaih lai, tiin nan i pek ahcun nannih cu cu bawi a nawl nan zulhmi sal cu nan si — cu bantukin sualnak cu a nawl nan zulh ahcun, sualnak sal cu nan si i sualnak nih a chuahpimi cu thihnak a si; cun cu bantuk ṭhiamṭhiam cun Pathian cu a nawl nan zulh ahcun, cu nawlngaihnak nih a chuahpimi cu Pathian he i remnak kha a si.

LAMKALTU 19:5

Cucu an theih tikah annih cu Bawipa Jesuh min in tipilnak kha an ing.

1 KORIN 6:9

Miṭha lomi nih cun Pathian Pennak cu an co lai lo ti kha fiang tein nan hngalh ko. Nanmah le nanmah kha i hleng len hlah u; misual mi le siasal a biami le vacung pa duhmi le nu nih nu he sualnak, pa nih pa he sualnak a tuahmi le,

1 KORIN 5:6

Nan i porhlawt hi ahmaan lo. Phungthluk ah, “Thilnu tlawmte nih chang nawnmi cu a ning piin a thawhter,” timi bia cu nan hngalh.

LAMKALTU 8:16

Zeicahtiah Thiang Thlarau cu annih lakah khan aho cung hmanh ah a tlung rih lo; Bawipa Jesuh min in tipil lawng an rak ing rih.

2 KORIN 13:5

Nanmah le nanmah kha ṭha tein i hneksak tuah u: zumhnak nunning khan a nungmi nan si maw? I hneksak tuah u. Hneksaknak nan innak ah khan nan tluk sual dah ti lo ahcun, Khrih Jesuh cu kan chungah a um ti kha nan hngalh ko a si lo mei?

1 KORIN 15:29

A si ah mithi hna can i tipil pekmi hna kha tah, zeitin? Zei tuah khawh dah an i ruahchan? Annih nih an ti bantukin mithi cu nunnak ah thawhter an si ṭung lo ahcun, zeicahdah mithi hna can ah cun tipil cu pek an si kun?

1 KORIN 3:16

Pathian biakinn nan si kha nan hngalh i Pathian Thlarau nan chung i a um zong kha nan hngalh.

1 KORIN 6:19

Nan pum cu Thiang Thlarau biakinn a si kha nan hngal lo maw? Cu Thlarau cu nan chungah a um i Pathian nih an pekmi hna a si kha nan hngal lo maw? Nannih cu nanmah ta nan si lo, Pathian ta nan si;

1 KORIN 9:24

Tlik zuamnak ah an dihlak in tlik cu an i zuam nain laksawng a hmumi cu pakhat lawng a si ti kha nan hngalh. Cucaah laksawng hmu ding tein tli u.

1 KORIN 10:2

Annih nih Moses zultu si awkah minmei chung le rili chungah khan tipilnak an in.