ROM 6:2 - Lai (Hakha) Common Language Bible 2006

² Tuah naisai hlah. Sualnak ah cun kan thi cang, zeitindah cu chungah cun kan um peng khawh lai?

Laibaibal Thiang (BSI)

² Sualpeng naisai hlah! Kannih sual i a thi cangmi hi zeitindah sualin kan nun khawh lai?

ROM 6:2 Խաչաձեւ Հղումներ

1JOHAN 3:9

Pathian fa a simi paoh nih cun sualnak an tuah peng lo, zeicahtiah Pathian thlaici kha an chungah a um; cun Pathian cu an Pa a si caah an sual kho peng lo.

KOLOSE 3:3

Zeicahtiah nan thi cang i nan nunnak cu Khrih he Pathian chungah aa thup.

ROM 7:4

Cu bantuk cu nannih zong nan si ve, ka naule hna. Nawlbia lei in ti ahcun nannih cu a thimi nan si cang, zeicahtiah Khrih pum chungah nan i tel cang; cun Pathian rian ah santlaimi kan si nakhnga, atu cu thihnak in thawhtermipa ta kha nan si cang.

1 PETER 2:24

Khrih nih a pum hrimhrim in kan sualnak cu vailam tahnak ah khan a kalpi i cucaah kannih cu sualnak ah khan kan thi cang i dinnak ah kan nung cang. A hma in nan dam cang.

GALATI 2:19

Asinain Nawlbia kong ti ahcun, kei cu a thimi ka si ko cang — Nawlbia nih khan a rak ka thah cang — cucu zeicahdah a si ti ahcun Pathian ca i ka nun khawh nakhnga caah a rak si. Kei cu Khrih he a vailam tahnak ah khan thah ka si cang

ROM 7:6

Sihmanhsehlaw thong chungah a rak kan hrengtu Nawlbia ah khan kan thih cang caah Nawlbia khan kan luat cang. Cucaah ning hlun, ṭialmi nawlbia lam zulh khan Pathian rian cu ṭuan ti loin ning thar, Thlarau lam zulh in kan ṭuan cang.

1 PETER 1:14

Pathian nawl kha ngai u, nan rak hruh lio i nan rak ngeihmi duhnak nih khan nan ziaza cu in uk ti hna hlah seh.

KOLOSE 2:20

Khrih he nan thi ṭi cang, cucaah van le vawlei a uktu thlarau hna sin khan nan luat. Cucaah zeicahdah hi vawlei ta a simi nun bantukin nan nun?

GALATI 6:14

Kei tu cu Bawipa Jesuh Khrih vailam lawng hi kaa porhlawtpi ko lai, zeicahtiah Khrih vailam thawng hin vawlei hi ka caah a thimi thil a si cang i kei zong hi vawlei caah cun a thimi ka si ve.

SALM 119:104

Na nawlbia in fimnak ka hmuh, cucaah ziaza ṭhalo vialte kha ka huat hna.

ROM 5:11

Cu lawng cu a si rih lo, kannih cu Pathian hawikom i a kan sertu kan Bawipa Jesuh Khrih thawngin Pathian ah cun kan i lawm.

GENESIS 39:9

Hi inn chungah hin amah tlukin nawl ka ngei i a ka sianh lomi zeihmanh a um lo, a nupi nangmah dah ti lo cu. Cucaah cun cu bantuk thil ṭhalo cu zeitindah ka tuah khawh lai i Pathian cungah ka sual lai?” tiah a leh.

LUKA 20:16

Amah cu a ra lai i cu hna cu a thah hna lai i dum cu midang kha a zohter hna lai,” tiah a ti. Cucu mizapi nih khan an theih tikah, “Si sawh hlah seh,” an ti.

ROM 6:15

A si kun ahcun zeitin? Nawlbia tangah um ti loin Pathian vel tangah kan um cang caah kan sual awk a si lai maw? Si hrimhrim hlah.