ROM 5:20 - Lai (Hakha) Common Language Bible 2006

²⁰ Nawlbia cu a rung um i palhnak kha a karh chinchin, sihmanhsehlaw sualnak a karhnak hmun ah khan Pathian vel cu a karh chinchin ve.

Laibaibal Thiang (BSI)

²⁰ Cu hlei ah, nawlbia a um tikah sualnâk a tam chin. Asinain sualnâk a tam pauh le zângfahnâk a tam chinchin ve,

ROM 5:20 Խաչաձեւ Հղումներ

SALM 25:11

Maw Bawipa, ka sualnak cu zeitluk hmanh in ngan seh law, na min ruangah ka ngaithiam ko.

ISAIAH 1:18

Bawipa nih aa thawh i, “Atu cu hi bia hi ṭhate in ruat ṭi tuah u sih. Nan sualnak cu a sen in sen hna hmanh seh law, hawhra bantukin an thiang hna lai; a dum in dum hna hmanh seh law tuuhmul bantukin an vaar lai.

EZEKIEL 16:52

Na unau nu hna nih an hmuh awk a si tiah na ruahmi ṭumchuknak cu na in hrim awk a si lai. Annih sualnak nakin nang na sualnak kha fih an nun tuk deuh caah nangmah he tahchunh ahcun annih cu a sual lo bangin an lang ko; cucaah atu cu ningzahnak le ṭumchuknak cu na in hna lai i na unau nu hna cu a sual lomi kha na lawhter ko hna lai.

NAMBAR 21:9

Cucaah Moses nih dar rul pakhat a ser i tung cungah a tar; cun, rul nih pakhatkhat a cuk hna tikah, dar rul cu an zoh ahcun an nung.

MATTHAI 20:9

Suimilam panga ah ṭuan aa thawkmi pawl kha ngun tangka phar khat cio a pek hna.

MATTHAI 9:13

Va kal u law, ‘Saram thawinak si loin ka duhmi cu zaangfahnak lungthin kha a si,’ tiah Cathiang chungah aa ṭialmi hi a sullam va ruat tuah u. Miding mi pawl kawh awkah ka rat ṭung lo, misual mi hna kawh awkah pei ka rat ko cu,” tiah a ti.

LUKA 7:47

Cucaah hihi kan chimh, dawtnak nganpi a langhtermi nih khan a sualnak tampi a simi cu ngaihthiam an si cang, ti kha a langhter. An sualnak tlawmte lawng ngaihthiam a simi hna nih cun dawtnak tlawmte lawng an langhter ve,” tiah a ti.

JOHAN 10:10

Mifir cu fir duh le thah duh le hrawh duh lawngah an ra. Kei cu nunnak kha an ngeih i duhdim tein an ngeih nakhnga caah ka ra.

JOHAN 15:22

An sinah rak ra lo le biachim loin rak um ning law cu, an cungah sualnak a um hnga lo; sihmanhsehlaw atu cu an sualnak kha zeihmanh i silhnalh khawhnak an ngei ti lo.

ROM 4:15

Nawlbia nih cun Pathian thinhunnak lawng kha a chuahpi ko; nawlbia a um lonak hmun ah cun nawlbia buar zong a um ve lo.

ROM 6:1

A si ahcun zeitindah kan ti lai? Pathian vel cu karh chinchin seh tiah sualnak cu kan tuah chin lengmang lai maw?

ROM 6:14

Sualnak nih cun in uk hrimhrim ti hna hlah seh, zeicahtiah nawlbia tangah nan um ti ṭung lo, Pathian vel tangah pei nan um cang cu.