ROM 5:12 - Lai (Hakha) Common Language Bible 2006

¹² Sualnak cu mipa pakhat thawngin vawlei cungah hin a tlung i cu a sualnak nih cun thihnak kha a ratpi. Cun mi vialte cu an sual dih caah thihnak nih cun mi vialte cu a ciah dih hna.

Laibaibal Thiang (BSI)

¹² Cucaah mi pakhat ruangah sual vawlei ah a luh bantukin, sual ruangah thihnâk a lut. Cun mi vialte an sual dih bangin mi vialte sinah thihnâk a phân.

ROM 5:12 Խաչաձեւ Հղումներ

ROM 5:19

Mipa pakhat nawlngaih lo ruangah mi tampi kha misual i ser an si bantukin mipa pakhat nawlngaih ruangah mi tampi cu miding ah ser an si lai.

ROM 6:23

Zeicahtiah sualnak man cu thihnak a si, sihmanhsehlaw Pathian laksawng cu zungzal nunnak a si i cu nunnak cu kan Bawipa Jesuh Khrih he aa pehtlaimi nunnak a si.

ROM 3:23

zeicahtiah mi vialte cu kan sual dih cio ko i Pathian sunparnak kha kan bau dih cio ko.

JEIM 1:15

Cu tikah thil ṭhalo duhnak nih cun sualnak kha a pawi i a hrin; cun sualnak cu a ṭhang i patling a si tikah thihnak kha a hrin.

GENESIS 2:17

sihmanhsehlaw a ṭha le a ṭhalo hngalhnak pe khotu thingkung a tlai hi cu na ei lai lo. Cu thingthei cu na ei hrimhrim lai lo. Na ei ahcun, na ei ni hrimhrim ah na thi lai,” a ti.

SALM 51:5

Sual cia in hrin ka si, ka nu nih a ka pawi ah khan, misual ka si cang.

GENESIS 3:19

Rawl na hmuh khawhnak dingah, vawlei i na kir ṭhan hlan tiang, thlan hripi puak in na cawl a hau lai; Nangmah cu, cu vawlei cun sermi na si. Leidip na si i leidip ah na kir ṭhan lai,” a ti.

GENESIS 3:6

Nu nih cun thingkung cu mithlang ngai a si le a thei cu mitthi ngai a si kha a hmuh tikah a fimmi si cu zeitluk in dah a nuamh hnga ti kha a ruat. Cucaah a thei cu a lawh i a ei. Cun a va zong kha tlawmpal a pek ve i a ei ve.

ROM 5:21

Cucaah sualnak nih cun thihnak kha hmang in a kan uk bantukin Pathian vel nih cun dinnak kha hmang in a kan uk i Jesuh Khrih kan Bawipa thawngin zungzal nunnak ah a kan kalpi.

JEIM 3:2

Kan dihlak hin palhnak kan tuah cio tawn. A biachim ah palhnak a tuah lomi cu mitling a si i a pum aa uk khomi a si.

EZEKIEL 18:4

A nungmi paoh cu keimah ta an si dih, an hringtu nu le pa si hna seh, an fale si hna seh, an dihlak in ka ta an si. A sualmi paoh cu a thi ko lai.

ROM 5:18

Cucaah cun sualnak pakhat tuahmi nih mi vialte kha sual a phawt hna bantukin dinnak pakhat tuahmi nih mi vialte kha a luatter hna i nunnak a pek hna.

ROM 6:21

asinain zeital a miak nan hmu maw? Atu i nan i zahpimi thil hna dah ti lo hi cu, zeihmanh nan hmu lo. Cu hna an donghnak cu thihnak a si.

1 KORIN 15:56

Thihnak nih fahnak pek khawhnak hmual a ngeihmi cu sualnak in aa lakmi a si i sualnak nih a ṭhawnnak cu Nawlbia in aa lakmi a si.

EFESA 2:3

A ngaingai ti ahcun, kan dihlak hin anmah bantuk cu kan rak si i kan i chuahkehpimi kan pumsa duhnak zulh khan khua kan rak sa i kan pum le kan lungthin duhnak he aa tlakmi paoh kha kan rak tuah. Midang cio bantukin kannih zong Pathian thinhunnak ing ding kan rak si.