ROM 3:20 - Lai (Hakha) Common Language Bible 2006

²⁰ Nawlbia zulhnak thawngin ahohmanh Pathian hmai i thiam a co khomi an um lo. Nawlbia nih a tuahmi cu, an sualnak hngalhter kha a si ko.

Laibaibal Thiang (BSI)

²⁰ Cucaah nawlbia tuahsernâk in a hmai ah thiamcomi ahohmanh an um lai lo; zeitintiah nawlbia cu sual hngalhnâk a si.

ROM 3:20 Խաչաձեւ Հղումներ

JOB 15:15

Pathian nih a mithiang hna hmanh kha a zum hna lo i Van hna hmanh kha a hmaiah suallo an si lo ahcun,

SALM 130:3

Kan sualnak kha cazin chungah na kan khumhpiak ahcun ahodah sual phawtnak cu a luat khomi a um lai?

SALM 143:2

Keimah na salpa hi na hmaika i biaceihnak ah ka phakter hlah; na hmaiah hin ahohmanh a sual lomi an um lo.

ROM 2:13

Zeicahtiah cun minung cu Pathian he remter a sinak cu Nawlbia theih thawngin si loin Nawlbia nih tuah u a timi tuah thawngin a si.

ROM 3:28

Zeicahtiah minung cu Pathian he remter a sinak cu zumhnak thawng lawnglawng in a si, Nawlbia nih, tuah u, a timi tuahnak thawngin a si lo, tiah pei kan ti cang kha.

ROM 4:13

Pathian nih Abraham le a tefa hna cu, vawlei hi Abraham ta a si lai, tiin bia a kamh hna. Hiti in bia a kamh hna cu Abraham nih khan Nawlbia kha a rak zulh caah a si lo, sihmanhsehlaw Pathian kha a zumh i Pathian nih miding in a cohlan ca tu ah khan a si.

ROM 4:15

Nawlbia nih cun Pathian thinhunnak lawng kha a chuahpi ko; nawlbia a um lonak hmun ah cun nawlbia buar zong a um ve lo.

ROM 5:13

Nawlbia a um hlanah khan vawlei cungah hin sualnak a rak um ko, sihmanhsehlaw nawlbia a rak um lonak hmun ah khan cun sualnak cu sual ah relpiak an si lo.

ROM 5:20

Nawlbia cu a rung um i palhnak kha a karh chinchin, sihmanhsehlaw sualnak a karhnak hmun ah khan Pathian vel cu a karh chinchin ve.

ROM 7:11

Sualnak nih ṭuannak caan ṭha kha aa hmuh i nawlbia cu i hman riangmang in a ka hlen; nawlbia thawng cun sualnak nih cun a ka thah.

ROM 9:32

Zeicahdah an hmuh lo? Zumhnak kha i bochan loin tuahnak tu kha an i bochan caah a si. Cucaah “rilhnak lung” ah khan a ril i

1 KORIN 15:56

Thihnak nih fahnak pek khawhnak hmual a ngeihmi cu sualnak in aa lakmi a si i sualnak nih a ṭhawnnak cu Nawlbia in aa lakmi a si.

GALATI 2:16

Asinain minung hi Pathian he an i remnak cu Jesuh Khrih an zumhnak thawngin a si i Nawlbia nih tuah u a timi tuahnak thawngin a si bal lo ti kha kan hngalh. Kannih zong, Nawlbia nih tuah u, a timi tuahnak thawngin si loin Khrih kan zumhnak thawngin Pathian he remnak kan hmu lai ti caah Jesuh Khrih kha kan zumh. Zeicahtiah Nawlbia nih tuah u, a ti mi tuahnak thawngin ahohmanh nih Pathian he i remnak an hmu lo.

GALATI 2:19

Asinain Nawlbia kong ti ahcun, kei cu a thimi ka si ko cang — Nawlbia nih khan a rak ka thah cang — cucu zeicahdah a si ti ahcun Pathian ca i ka nun khawh nakhnga caah a rak si. Kei cu Khrih he a vailam tahnak ah khan thah ka si cang

GALATI 5:4

Nawlbia zulhnak thawngin Pathian he remnak hmuh aa zuammi cu Khrih sinin nanmah le nanmah nan i ṭhen ko. Nannih cu Pathian vel leng i a ummi nan si ko.

HEBRU 7:19

Moses Nawlbia nih khan zeihmanh thil tlamtling ah a ser khawhmi a um lo. Sihmanhsehlaw atu cu ruahchannak ṭha deuh kha a hung phan i cu thawng cun Pathian kha kan naih khawh cang.