ROM 2:13 - Lai (Hakha) Common Language Bible 2006

¹³ Zeicahtiah cun minung cu Pathian he remter a sinak cu Nawlbia theih thawngin si loin Nawlbia nih tuah u a timi tuah thawngin a si.

Laibaibal Thiang (BSI)

¹³ (Zeitintiah nawlbia hngaltu men hi Pathian hmaiah miding an si lo. Nawlbia ningin a tuahtu kha thiamcoter an si lai.

ROM 2:13 Խաչաձեւ Հղումներ

1JOHAN 3:7

Ka fale hna, ahohmanh i hlenter hna hlah u. A dingmi thil a tuahmi paoh cu miding a si ko, Khrih a din bantuk khan;

ROM 2:25

Nawlbia cu nan ngaih ahcun, nan cuarpar tannak cu san a tlai, sihmanhsehlaw nan ngaih ṭung lo ahcun i tan lo lawlaw in rak um u law a ṭha deuh hnga.

GALATI 2:16

Asinain minung hi Pathian he an i remnak cu Jesuh Khrih an zumhnak thawngin a si i Nawlbia nih tuah u a timi tuahnak thawngin a si bal lo ti kha kan hngalh. Kannih zong, Nawlbia nih tuah u, a timi tuahnak thawngin si loin Khrih kan zumhnak thawngin Pathian he remnak kan hmu lai ti caah Jesuh Khrih kha kan zumh. Zeicahtiah Nawlbia nih tuah u, a ti mi tuahnak thawngin ahohmanh nih Pathian he i remnak an hmu lo.

1JOHAN 2:29

Khrih cu a ding ti kha nan hngalh; cucaah ahmaanmi thil a tuahmi paoh cu Pathian fa an si ti kha nan hngalh awk a si.

ROM 10:5

Moses nih Nawlbia zulhnak thawngin Pathian he remnak hmuhnak kong ah a chimmi cu hitihin a si: “Nawlbia nih tuah u a timi a tuahmi paoh cu, cu an tuahnak thawng cun an nung lai,” a ti.

LUKA 8:21

Annih cu Jesuh nih, “Ka nu le ka naule cu maw — ka nu le ka naule cu Pathian bia kha a thei i an theih bantukin a tuahmi paoh kha an si ko,” tiah a leh hna.

ROM 3:30

Pathian cu pakhat pei a si cu, Judah mi cu an zumhnak thawngin amah he cun a remter hna lai i Jentail mi zong cu an zumhnak thawng in a si ṭhiamṭhiam ve ko lai.

LUKA 18:14

Hihi kan chimh hna: Farasi mipa kha si loin hi pa tu hi a sualnak ngaihthiam in inn ah a ṭinmi cu a si. Zeicahtiah amah le amah aa ngantermi cu ṭhumh an si lai i mi tangah aa dormi cu mi ngan ah ser an si lai,” tiah a ti.

EZEKIEL 20:11

Khika ah annih cu ka nawlbia kha ka pek hna i ka phunglam kha ka cawnpiak hna, annih nih zul hna seh law nung hna seh tiah.

SALM 143:2

Keimah na salpa hi na hmaika i biaceihnak ah ka phakter hlah; na hmaiah hin ahohmanh a sual lomi an um lo.

DEUTERONOMI 5:1

Cun Moses nih Israel mi vialte cu a kawh hna i, “Maw Israel, nihin ah nanmah theih ah ka chimmi nawlbia le phunglam hna hi thei tuah u law, cawng hna u law, ṭha tein ul hna u.

DEUTERONOMI 4:1

“Cun atu cu, maw Israel, kan cawnpiakmi hna phunglam hna le nawlbia hna cu ngai u law, tuah hna u, nan nun i nan kal i Bawipa nan pupa Pathian nih an pekmi hna ram cu nan co nakhnga.

GALATI 5:4

Nawlbia zulhnak thawngin Pathian he remnak hmuh aa zuammi cu Khrih sinin nanmah le nanmah nan i ṭhen ko. Nannih cu Pathian vel leng i a ummi nan si ko.

ROM 3:23

zeicahtiah mi vialte cu kan sual dih cio ko i Pathian sunparnak kha kan bau dih cio ko.

ROM 3:20

Nawlbia zulhnak thawngin ahohmanh Pathian hmai i thiam a co khomi an um lo. Nawlbia nih a tuahmi cu, an sualnak hngalhter kha a si ko.

DEUTERONOMI 6:3

Cucaah, maw Israel, Bawipa na pupa Pathian nih bia an kam bangin, cawhnuk le khuaihliti in a luangmi ram chungah cun, nan i remrel i tam piin nan karh nakhnga, thei tuah law, ṭha tein zul tuah hna u.

JEREMIAH 11:6

Cun Bawipa nih a ka thawh i, “Hi bia vialte hi Judah ram chung khua hna le Jerusalem khuachung lam ah khan va thanh hna: Hi biakamnak bia hi ngai hna u law tuah hna u, va ti.

JOHAN 13:17

Atu cu hi biatak hi nan hngalh cang; nan tuah taktak ahcun zeitluk in dik nan i lawmh lai!

1 KORIN 4:4

Ka chiaṭha thleidannak hi a thiang ko, asinain cuti in a thiang ko ti tikah hin ka sual lo tinak a si lo. Ka cung i bia a khiaktu cu Bawipa kha a si.

JEIM 1:27

Sihmanhsehlaw nuhmei ngakṭah ṭha tein zohkhenh le vawlei cungah thurhnawm lo tein um tu hi Pathian kan Pa nih biaknak thiang le biaknak taktak i a ruahmi cu a si.