ROM 15:14 - Lai (Hakha) Common Language Bible 2006

¹⁴ Ka u le ka nau hna, Keimah hrimhrim nih ṭhatnak le hngalhnak in nan khat i nan i cawnpiak kho ko ti kha fiang tein ka hngalh.

Laibaibal Thiang (BSI)

¹⁴ Atu ah ka u le ka nau hna, hngalhnâk vial tein khahter nan si i ṭhatnâk zongin nan khat, pakhat le pakhat â chimhring kho in nan um ca ah, nan kongah keimah zong hnangam tein ka um.

ROM 15:14 Խաչաձեւ Հղումներ

2 PETER 1:12

Hi thil hi nan hngal ko cang nain le biatak nan hmuhmi chungah fek tein nan dir cang ko nain kan chimh ṭhan lengmang ko rih hna lai.

1JOHAN 2:21

Cucaah nan sin i ca ka ṭial hi biatak kha nan hngalh lo caah si loin biatak kha nan hngalh ca le biatak chungin lih bia a chuah bal lo ca tu ah khan a si.

1 KORIN 8:1

Bawlnak sa kong ah hitihin ka ruah: “Kan hngalh cio ko,” an ti bang khan hngalhnak kan ngei cio taktak ko. Sihmanhsehlaw cu bantuk hngalhnak nih cun mi kha an lung a puamter tawn hna; dawtnak bel nih a sersiam hna.

1THESALON 5:11

Cucaah cun atu i nan tuah lengmang bantuk hin pakhat le pakhat thazang i pe u law i bawm u.

KOLOSE 3:16

Khrih bia cu nan chungah tam piin a fimnak he khan um seh. Fimnak in pakhat le pakhat i chim u law i cawnpiak u. Thangṭhatnak hla, Pathian biaknak hla le hla thiang kha sa hna u; Pathian kha lawmhnak in hla in thangṭhat u.

1 KORIN 8:10

A biana ah, mipa pakhat, a chiaṭha thleidannak a dermipa nih, siasal biaknak inn i nannih “hngalhnak a ngeimi hna” rawl nan ei cu an hmuh hna; cu nih cun bawlnak sa cu ei awk a si ko tiah a forh lai lo maw?

1 KORIN 8:7

Sihmanhsehlaw mi kip nih hi biatak hi hngalh a si lo. Mi a cheu cu siasal he an rak i ciahnak kha a sau tuk cang caah nihin ni tiang hrimhrim hin bawlnak sa an ei tikah cu sa cu siasal ta a si tiin an ruah; an chiaṭha thleidannak kha a der i sa nih cun a kan thurter tiin an ruah.

1 KORIN 1:5

Zeicahtiah Khrih thawngin zeizong vialte ah nan rum cang, holh lei le hngalhnak lei zongah nan rum cang.

FILEMON 1:21

Hi ca ka ṭial pah ah hin, kan fialmi cu na tuah lai, ti cu ka hngalh ko, kan fialmi nak tam deuh hmanh na tuah lai ti kha ka hngalh ko.

1THESALON 5:14

U le nau hna, a tha a thumi kha chimhring hna u, a ral a chiami kha ralṭhatnak pe hna u, thazang a dermi kha bawm hna u, pakhat le pakhat lungsau thinfual in um u.

EFESA 5:9

Zeicah ti ahcun ṭhatnak a phunphun le dinnak a phunphun le biatak a phunphun a chuahtertu cu, ceunak cu a si.

HEBRU 6:9

Kan dawtmi kan hawile hna, hi bantukin bia chim hmanh u sih law, nannih kong tu ah cun kan hna a ngam ko. Nannih cu, thluachuahnak a ṭha deuhmi, khamhnak a ngeimi nan si ti kha kan hngalh.

HEBRU 5:12

Nannih cu saya hmanh si awk nan si cang nain, Pathian bia cawnnak hmasa bik chimtu saya kha nan herh rih. Rawl taktak ei kha nan cu cang, sihmanhsehlaw caw hnuk ṭheo nan ding ko rih.

2TIMOTE 1:5

Na pi Lois le na nu Zunis nih an ngeihmi zumhnak bantuk, zumhnak taktak na ngeih kha ka hngalh i atu zongah hin na ngei ko tiah ka zumh.

FILIPI 1:11

Jesuh Khrih lawng nih a kan pek khawhmi ziaza ṭha taktak in nan nunnak cu a khat lai i cucu Pathian sunparnak le thangṭhatnak caah a si lai.

FILIPI 1:7

Ka hnakkar ah nan i tenh zungzal ko. Hi bantukin nan cungah lungthin ka ngeih hi ka ngeih hrim awk a si ko, zeicahtiah nan ka dawt tuk hringhran i thong i ka tlak ah siseh, leng i ka luat ah siseh, Thawngṭha kha ahmaan i biatak a si tiin ka chimnak rian ah khan nan ka bawmh zungzal.

1 KORIN 13:2

Phungchim thiamnak laksawng ka hei ngei ko hnga i hngalhnak phun tling ka hei ngei ko hnga i biathuk vialte ka hei hngalh dih ko hna hnga; cun tlang ṭhial khawhnak zumhnak zong ka hei ngei ko hnga, sihmanhsehlaw dawtnak ka ngeih lo ahcun zeihmanh ka si lo.

1 KORIN 12:8

Thlarau nih cun pakhat cu fimnak bia chim thiamnak a pek i pakhat cu hngalhnak biathuk fiang lak in chim thiamnak a pek.

2 KORIN 8:7

Zumhnak ah siseh, biachimnak ah siseh, hngalhnak ah siseh, midang bawmh duhnak ah siseh, kanmah nan kan dawtnak ah siseh, nan rum ngaingai ko. Cucaah cun hi dawtnak rian zongah hin a siangmi nan si awk kha kan in duh hna.

2 THESALON 1:11

Hi ruangah hin nan ca i thla kan cam zungzal cu a si. Pathian nih an kawhnak hna he aa tlakmi nunning in nan nun nakhnga kan Pathian cu kan hal lengmang. Amah nih cun nan duhmi vialte cu ṭhatnak caah tlinter seh law nan zumhnak rianṭuannak cu tlamtlinter ko seh.