ROM 14:1 - Lai (Hakha) Common Language Bible 2006

¹ Zumhnak lei i thazang a dermi kha nan bu chungah rak cohlang ko hna u, an pumpak ruahnak kha rak al len hna hlah u.

Laibaibal Thiang (BSI)

¹ Zumhnâk i zângdermi kha cohlang hna u, an lunghrinhmi thil kha al hna hlah u.

ROM 14:1 Խաչաձեւ Հղումներ

ROM 15:1

Zumhnak ah thazang a ṭhawngmi kannih nih a dermi kha an thilrit phorh kan bawmh hna awk a si. Kanmah duhnak kha kan kawl awk a si lo.

1 KORIN 9:22

Zumhnak lei i a dermi hna sinah, anmah cu ka lak khawh hna nakhnga anmah bantuk i a dermi ah kaa cang. Cucaah zeimaw ti tal in ka khamh kho hna hnga maw tiin mi kip sinah an sining paoh in ka um ve.

ROM 15:7

Khrih nih an cohlan hna bangin, Pathian nih sunparnak a hmuh nakhnga pakhat le pakhat i cohlang cio u.

ROM 14:21

Cucaah sa ei i sum tehna, zu din i sum tehna, nan unau a tlukrilhtertu a si ding paohpaoh tuah i sum tehna kha ahmaanmi thil a si.

2 JOHAN 1:10

Ahohmanh nan sin i an rat tikah hi cawnpiaknak hi an rak i ratpi lo ahcun, tluninn rak onh hna hlah u; “Na cungah daihnak um ko seh,” ti zongah rak ti hna hlah u.

ROM 4:19

Abraham cu kum za khat dengmang a si cang, sihmanhsehlaw mithi bantuk a si ko cangmi a pum le Sarah nih fa a hrin khawh lonak kha a ruah tikah a zumhnak cu a der hlei lo.

LUKA 17:2

Hi ngakchia tete hna lak i pakhat hmanh hi va sualter nakin cu pa cu a hngawng ah facang rialnak lungtumpi i thlaih seh law rilipi chungah hlonh si seh law a caah a ṭha deuh hnga.

MATTHAI 14:31

Hmakhatte ah Jesuh nih a hei banh i a tlaih i, “Na zumhnak a va hme hringhran dah! Zeicahdah lungawṭawm in na um?” tiah a ti.

MATTHAI 12:20

Dinnak kha teinak ah a phakter hlantiang a kiakmi phaikung kha i hlang koin a khiak lai lo i a mit dengmangmi meiinn kha a hmit lai lo.

ISAIAH 42:3

A derthawmmi cungah khan nem tein a um lai i bawmtu a ngei lomi kha a zaangfah hna lai. A hmunmi dinnak kha mi vialte cungah a tlunter lai.

ISAIAH 40:11

A tuurun kha tuukhal nih an tuu an zohkhenh hna bangin a zohkhenh hna lai; tuufa tete kha a pumh hna lai i a kut in a cawi hna lai; an nule kha nem tein a hruai hna lai.

JOB 4:3

Zohhmanh, nangmah nih mi tampi na rak cawnpiak hna i Kut a dermi cu na rak ṭhawnter hna.

EZEKIEL 34:16

A tlaumi kha ka kawl hna lai, a pialmi kha ka kirpi ṭhan hna lai, hma a ingmi kha ka thlop hna lai, a zawmi kha thazang ka pek hna lai, asinain a thaumi le a ṭhawngmi kha ka hrawh hna lai. Zeicahtiah kei cu dinnak a tuahtu tuukhal ka si.

EZEKIEL 34:4

A bami kha thazang nan pe hna lo, a zawmi kha nan hram hna lo, hma a ingmi kha an hma nan menpiak hna lo, a pingah a kalmi kha nan kirpi ṭhan hna lo i a tlaumi kha nan kawl hna lo; cucu vun chim loin annih cu zaangfahnak ngei lo le puarhrang ngaiin nan uk hna.

FILIPI 2:29

Cucaah Bawipa chung i unau pakhat bantukin lunglawmhnak in rak cohlang u. Amah bantuk mi kha hmaizah hna u;

JOHAN 13:20

Biatak kan chimh hna: Rian ka fialmi tluninn a rak onhtu paoh nih keimah an ka onh a si, keimah tluninn a ka onhtu paoh nih a ka thlahtu tluninn a onh a si,” tiah a ti.

MATTHAI 18:10

“Hi ngakchia tete hi pakhat hmanh zawmhtaih hna hlah u. Annih a vengtu hna an vancungmi kha vancung khua ah ka Pa hmaika ah an um zungzal ko.

ZEKHARIAH 11:16

zeicahtiah ram chungah hin tuukhal pakhat ka chiah lai i a tlaumi kha zei ah a rel hna lai lo i lam a pialmi kha a kawl zong a kawl fawn hna lai lo, hma a ingmi kha a thlop hna lai lo i a zawmi kha a cawnghram hna lai lo, sihmanhsehlaw a thaumi sa kha a ei hna lai i an ruh a kiakmi cu a hlonh hna lai,” tiah a ti.

MARKA 7:19

Zeicahtiah a lung chungah lut loin a paw chung tu ah a lut i a pum lengah a chuak ṭhan ko” tiah a ti hna. (Hitihin Jesuh nih a ti tikah hin rawl zeipaoh hi ei awkah aa tlakmi an si ko a ti duhnak a si).

LAMKALTU 28:2

Cuka rammi hna cu kan cungah an ṭha ngaingai. Ruahpi a sur i khua a sik, cucaah meiphu an kan tihpiak i hung to u tiah an kan ti.

ROM 11:15

Zeicahtiah annih cu hlawt an si hmanh ah pei vawlei cu Pathian hawikom i ser a si cu. Cucaah cun annih cu cohlan an si tikah cun zeidah a si chinchin lai? Mithi hna caah nunnak a si lai.

ROM 14:2

Mipa pakhat cu a zumhnak nih zei ei paoh a onh ko, sihmanhsehlaw zumhnak a dermi nih cun anhringso lawng kha a ei.

ROM 14:3

Zeipaoh a eimi nih khan cu bantukin a ei ve lomi kha a zawmhtaih awk a si lo, cun zeipaoh a eimi kha anhringso lawng a eimi nih a soi awk a si ve lo, zeicahtiah Pathian nih cun a cohlan veve ko hna cu ta.

1THESALON 5:14

U le nau hna, a tha a thumi kha chimhring hna u, a ral a chiami kha ralṭhatnak pe hna u, thazang a dermi kha bawm hna u, pakhat le pakhat lungsau thinfual in um u.

HEBRU 5:14

Sihmanhsehlaw rawl taktak cu upa nih khan an ei khawh; annih cu chia le ṭha thleidan khawhnak a ngei cangmi an si.