ROM 12:8 - Lai (Hakha) Common Language Bible 2006

⁸ midang thazang pek kha a si ahcun kan pek hna awk a si, kan ngeihmi thil midang hrawm ve kha a si ahcun siang tein kan hrawm hna awk a si, nawl ngeihnak kha kan laksawng hmuhmi a si ahcun, fak piin rian kan ṭuan awk a si; midang zaangfah kha a si ahcun lunglawm tein kan zaangfah hna awk a si.

Laibaibal Thiang (BSI)

⁸ Chimhringtu zong nih chimhring seh. Thil petu nih siang ngaiin pe seh, hruaitu nih biatak tein hruai hna seh, zângfahtu nih lunglawm tein zângfah seh.

ROM 12:8 Խաչաձեւ Հղումներ

2 KORIN 9:7

Cucaah nanmahle nan lungthin nan i thlehning cio ah rak tho u, nan thawh tikah i ngaihchih bu le hnekchom in si hlah seh, lunglawm tein a thomi kha Pathian nih a dawt hna.

1TIMOTE 5:17

Khrihfabu ṭha tein a hruaitu Khrihfa upa hna cu, an hmuh awk a simi kha a let hnih in hmuh awkah an i tlak; cu hna lak zongah cun phungchim le cawnpiak i a ṭangmi kha hmuh awkah an i tlak khun.

1 KORIN 12:28

Cu bantukin khrihfabu chungah hin Pathian nih mi cu an um nakhnga ding cio ah khan a chiah hna: a hmasa bik ah lamkaltu pawl, a pahnihnak ah profet pawl, a pathumnak ah cawnpiaktu pawl, cun cu hna a hun zultu ah khuaruahhar a tuahtu pawl, cun cu hna a hun changtu ah damter khawhnak pek a simi pawl, asiloah mi bawmh khawhnak pek a simi pawl, asiloah mi hruai khawhnak pek a simi pawl, asiloah holhtheihlo in holh khawhnak pek a simi pawl,

HEBRU 13:17

Nan hruaitu pawl kha an bia ngai hna u law an nawl zul hna u. An rianṭuan ningcang kha Pathian hmaiah chim an duh te lai caah, i din loin nannih kha an in zohkhenh hna. An nawl nan ngaih hna ahcun an rian kha lunglawm tein an ṭuan lai, nan ngaih hna lo ahcun ngaihchia in an um lai i cucu nan caah a ṭhahnem lai lo.

LAMKALTU 15:32

Profet a simi Judas le Silas nih khan unau pawl cu saupi bia an chimh hna i ralṭhatnak le thazang an pek hna.

LAMKALTU 13:15

Cuka mi hna nih Moses Nawlbia Cauk chungin le profet hna caṭialmi chungin an rel hnuah pumhnak inn uktu hna nih cun an i thawh i, “U le nau hna, mizapi caah forhnak bia chim awk nan ngeih ahcun chim tuah hna u,” tiah an ti hna,

HEBRU 13:24

Nan hruaitu vialte hna le Pathian mi vialte hna kha rak ka biakchawnhpiak hna u. Kan unau pawl nih Itali ram in an in biakchawnh hna.

HEBRU 13:22

Ka u le ka nau hna, ca kan kuatmi hna hi a sau zong a sau lem lo i cucaah cun lung ṭhawnnak bia kan chimhmi hna hi lungsau ngaiin rak zul u tiah kan nawl hna.

HEBRU 13:7

Pathian bia a rak in chimtu hna nan hruaitu hmasa hna kha philh hna hlah u. Zeitindah an nuncan kha a si i zeitindah an thihning a si kha ruat ṭhan u law an zumhnak kha cawng hna u.

HEBRU 10:25

Pakhat le pakhat hmun khat i i pumh lengmang kha ngol hlah u sih; a cheu nih cun ngol hmanh hna seh law, kannih cu i forh chin u sih, zeicahtiah Bawipa Ni cu a nai deuh chin lengmang ti kha kan hngalh caah i forh chin lengmang ko u sih.

2 KORIN 8:12

Pek duhnak lungthin nan ngeih ahcun nan ngeih lomi thil zoh in si loin nan ngeihmi thil zoh in Pathian nih nan laksawng cu an cohlanpiak hna lai.

1 KORIN 14:3

Asinain Pathian bia a chimtu nih cun minung sin tu ah khan a chim i bawmhnak le lungṭhawnnak le hnangamnak kha a pek hna.

LAMKALTU 20:28

Nanmah lila kha i veng u law nan zohkhenh awkah Thiang Thlarau nih an pekmi hna tuurun kha ṭha tein va zohkhenh hna u. Pathian nih amah Fapa thihnak thawngin amah ta ah aa sermi khrihfabu tuukhal kha si ko u.

LAMKALTU 20:2

Cuka ram chung khua kha a ṭolpah duahmah hna i thazang peknak bia kha a chimh hna. Cun Grik ram kha a phan i

1TIMOTE 4:13

Mizapi cu ka rat hlantiang Cathiang kha rak relpiak lengmang hna, phung kha rak chim lengmang hna law rak cawnpiak lengmang hna.

1THESALON 2:8

Kannih nih kan in dawt hna caah Pathian sinin a rami Thawngṭha lawng hmanh kha si loin kan nunnak tiang hmanh kha hrawm kan in duh hna. Kan dawt ngaingaimi nan si cang.

1THESALON 2:3

Kan in chimhmi hna cu ahmaan lomi thil a si lo, tinhmi a thurmi he zong a si lo, cun ahohmanh hlen zong kan in tim hna lo.

KOLOSE 3:22

Salle hna, nan bawile kha zeizong ah an nawl ngai hna u. An mit hmuh lawngah an lungton i zuam loin Bawipa nan hmaizah caah lungthin tak tein an nawl ngai hna u.

EFESA 6:5

Sal hna, nan bawile cu ther le phang bu tein an nawl ngai hna u; Bawi Khrih rian nan ṭuan i lungthin tak tein nan ṭuan bantuk khan, an nawl nan ngaih hna zongah cun lungthin tak tein ngai hna u.

2 KORIN 11:3

Evi cu rul nih a zernak le lih in a hlen bantuk khan nannih zong nan lungthin kha a thu sual lai i thiang tein Khrih nan tlaihchannak kha nan ngol sual lai ti ka phang.

2 KORIN 9:13

Hi nan tuahmi nih a langhtermi thawng hin, toidor tein a bia nan rak ngaih le Khrih Thawngṭha nan rak i tlaihnak kongah zumh awk tlak tein nan rak um kha an hmuh tikah, Pathian kha an upat lai; cun an herhbaunak bawmhnak ca le zapi ṭhatnak ca i siang ngaiin nan rak thawhmi ruangah khan Pathian cu an lawmh lai.

2 KORIN 9:11

Zeitik caan paoh ah minunsiang nan si khawh nakhnga Pathian nih cun a za in an rumter zungzal hna lai i kan sinin an hmuhmi nan laksawng ruangah khan Pathian cu mi tampi nih an lawmh lai.

2 KORIN 1:12

Kan i uanmi cu hihi a si: hi vawlei cung kan nunning ah hin le nanmah he kan i pehtlaihnak ning ah hin kan umtu ziaza cu vawlei cung fimnak nih si loin Pathian vel a ṭhawnnak nih a uk i hlangfang le lungthin tak tein nan sinah khua kan sa, hihi kan chiaṭha thleidannak nih fiang tein a kan hngalhpimi a si.

ROM 13:6

Ngunkhuai nan thawhnak cu hi ruang zongah hin a si: nawl ngeitu hna nih khan an rian an ṭuan tikah Pathian ca rian an ṭuan a si.

ROM 12:13

Nan u nan nau a si a fakmi kha nan thil hrawm hna u law khual kha tluninn onh hna u.

MATTHAI 25:40

Cun Siangpahrang nih cun, ‘Hihi kan chimh hna: Ka unau pakhatkhat cungah, zeitluk hmanh in sifak le nauta si seh law, nan tuahmi thil paoh hi ka cung i nan tuah a si,’ tiah a leh hna lai.

ISAIAH 64:5

Ahmaanmi thil tuah duhnak a ngeimi kha na bawmh hna i nangmah nih cutin um hna seh ti na duhning a philh lomi cu na lawmh hna. Kan cungah na thin a rak hung, sihmanhsehlaw kan sual lengmang ṭhiam ko; kan cungah na thin a hung ko nain hlanlio piin kan sual lengmang ko.

ISAIAH 32:8

Sihmanhsehlaw lihchim lomi nih cun thil a tuah tikah lihchim lo tein a tuah i a hmaanmi thil kong ah khan fek tein a dir.

ISAIAH 32:5

Ahohmanh nih mihrut cu hmaizahmi tiah an ruat ti hna lai lo i mihrokhrawl cu lihchim lomi tiah an ruat ti hna lai lo.

PHUNGCHIMTU 11:6

Zinglei ah thlaici tuh ko, zanlei zongah ngol hlah; zeicahtiah an dihlak in an ṭhat lai le an ṭhat lai lo kha na hngal lo i a zei kha dah a ṭha deuh lai ti zong kha na hngal lo.

PHUNGCHIMTU 9:10

Na tuahmi cu a ṭhat khawh chungin tuah, zeicah tiah Sheol ah cun rian siseh, ruahnak siseh, hngalhnak siseh, fimnak siseh a um ti lo i cuka cu na kalnak ding hmun cu a si.

PHUNGTHLÛKBIA 22:9

Siannak lungthin a ngeimi cu thlua a chuak lai, zeicahtiah a rawl kha sifakmi a hrawm hna.

SALM 112:9

A herh a baumi kha siang ngaiin a pek hna, mi cung i zaangfahnak a ngeihmi cu zungzal in a hmun; amah cu a ṭhawng lai i hmaizah a si ko lai.

SALM 37:21

Miṭhalo nih cun thil a cawi hna tikah a cham ṭhan ti hna lo, sihmanhsehlaw miṭha cu vel a ngei i nun a siang.

DEUTERONOMI 16:11

cun Bawipa nan Pathian nih a min umnak dingah a thim laimi hmun ah cun nanmah le nan fapa le nan fanu le nan salpa le nan salnu le nan khua chung i a ummi Levi mi le nan lak i khua a sami khual le pangeilo le nuhmei hna he cun Bawipa nan Pathian hmaiah nan i lawm lai.

DEUTERONOMI 15:14

nan tuurun chungin siseh, nan phuhri chungin siseh, nan mitsur hang nennak khor in siseh, siang ngaiin nan pek lai; Bawipa nan Pathian nih thluachuah an pek hna ningin anih zong kha nan pek lai.

GENESIS 18:19

A hmaanmi le a dingmi thil tuah hi ka nawlbia zulh a si ti kha a fale le a hnu i a ra laimi a tefa hna kha a cawnpiaknak hna hnga, amah cu ka thim cang. Cun bia kaa kammi vialte kha ka tuahpiak lai,” tiah a ti.

LAMKALTU 13:12

Thil a hung ummi kha a hmuh tikah uktu bawi cu a zummi ah a cang i Bawipa kong an cawnpiakmi nih khan a lung a sukhai ngaingai.

LAMKALTU 4:36

Cu bantuk cun Saipras tikulh i a chuakmi Levi mi Josef nih

LAMKALTU 11:23

A va phak i zeitluk in dah Pathian nih annih kha thluachuahnak a pek hna ti kha a hmuh tikah a lung aa lawm i annih cu an dihlak tein Bawipa cu an lungthin a dihumnak in i tlaih awk le a sinah zumhawktlak tein um awk kha a forh hna.

1TIMOTE 6:18

Ṭhatnak tuah le thil ṭha tuahnak i rum le nunsian le thil ṭhenh sian kha na chimh hna lai.