ROM 11:14 - Lai (Hakha) Common Language Bible 2006

¹⁴ Ka phun hawimi kha an nahchuahter kaa zuam i cuticun tlawmpal tal ka khamh kho phum hna hnga maw ka ti.

Laibaibal Thiang (BSI)

¹⁴ hi thil ruangah hin zeiti tal khin ka phunhawi hna hnah ka chuahter i mi cheukhat khamh an si khawh nâkhnga.

ROM 11:14 Խաչաձեւ Հղումներ

1 KORIN 7:16

Khrihfa nu, ka va cu ka khamh kho hrimhrim lai lo tiah zeitindah na ti khawh lai? Khrihfa pa, ka nupi cu ka khamh kho hrimhrim lai lo, tiah zeitindah na ti khawh lai?

1TIMOTE 4:16

Nangmah kha ṭha tein i ralring law na cawnpiaknak zong kha i ralring fawn. Cun nangmah naa khamh hleiah na bia a theimi kha na khamh khawh hna nakhnga hi thil hi ngol loin tuah lengmang ko hna.

TITAS 3:5

cu a kan khamhnak cu hrinṭhannak ti thawng le Thiang Thlarau nih mi tharter khawhnak a ngeihmi ṭhawnnak thawngin a si.

2TIMOTE 2:10

Cun hi vialte ka innak hi Pathian nih a thimmi hna zawn ka ruah caah a si i Khrih Jesuh thawngin hmuhmi a sunglawimi le zungzal in a hmunmi khamhnak kha hmu hna seh ti ka duh caah a si.

1 KORIN 1:21

Minung nih anmah fimnak in Pathian hngalh khawh lo ding kha Pathian nih a fimnak in a rak tuahmi a si. Kan chimmi “hruh bia” tu hin Pathian nih zumhnak a ngeimi cu khamh a duh hna.

ROM 11:11

Judah mi cu an rilh tikah an rawk taktak maw? Rawk taktak hlah. An sual caah cun pei khamhnak cu Jentail mi sin a phak cu, Judah mi nahchuahter awkah cun.

JEIM 5:20

misual kha aa palhmi lam in a kirpi ṭhantu nih, cu misual mi thlarau cu thihnak in a khamh lai i sualnak tampi ngaihthiamnak a umter lai, ti kha va philh hlah u.

ROM 9:3

Anmah ca i a ṭha ding a si ahcun keimah hi Pathian chiatserhnak in i Khrih he i ṭhen hmanh kha ka duh deuh.

FILEMON 1:12

Amah cu na sinah ka rak in kuat ṭhan i hi kan kuat ah hin ka lung kha kan kuat chih.

GENESIS 29:14

Laban nih cun a thawh i, “Asi, nangmah cu ka thi le ka sa taktak na si,” tiah a ti. Cuka ah cun Jakob cu thla khat pumte a um.

2 SAMUEL 19:12

Nannih cu ka unau nan si, ka ruh le ka sa nan si; a si kun ahcun, zeicahdah siangpahrang kirpi ṭhan awkah a hmanung bik nan si lai,’ a ti, tiah rak chim hna u.

ROM 10:19

Biahalnak tuah ka duh rihmi cu: Israel mi nih an hngal lo maw, ti hi a si. A let hmasa biktu ding cu Moses kha a si. Zeitindah a chim tiah: “Nannih cu miphun taktak a tling lomi kha kaan nahchuahter hna lai; Nannih cu mihrut miphun cungah khan nan thin kan hunter hna lai,” a ti.

1 KORIN 10:33

Ka tuahningte khan tuah ve u; ka tuahmi thil paohpaoh ah hin midang lawmhtertu si kha kaa zuam tawn; keimah ca ṭhatnak ding kha ruat loin mi vialte ṭhatnak ding tu kha ka ruat deuh; cu ti ka ruah cu khamhnak an hmuh khawh nakhnga caah a si.

1TIMOTE 1:15

Khrih Jesuh cu misual mi hna khamh awkah vawlei ah a rung ṭum, timi hi ahmaanmi le cohlan awk a tlakmi le zumh awk bia a si. Keimah cu an lakah a sual bik ka si ko,

2TIMOTE 1:9

Pathian nih cun amah mi hrimhrim si awkah a kan khamh i a kan auh; cucu kanmah tuahmi ruangah si loin amah nih aa tinhmi le vel a kan ngeih ca ruang tu ah khan a si. Hi a vel cu caan hramthawk hlan in Jesuh Khrih in a kan pek cang,

HEBRU 1:14

A si ahcun vancungmi cu ahodah an si kun? Vancungmi cu Pathian rian a ṭuantu thlarau, khamhnak a hmu hngami bawmh awkah Pathian nih a thlahmi kha an si.

HEBRU 2:3

kannih nih khamhnak hi tluk a nganmi hi zeirello in kan um ahcun, zeitluk in dah dantatnak cu kan luat lo chinchin lai? Hi khamhnak cu a hmasa bik ah Bawipa hrimhrim nih khan a thanh i a theimi hna nih khan a thanhmi cu ahmaan tiah an kan chimh.