ROM 1:8 - Lai (Hakha) Common Language Bible 2006

⁸ A hmasa bik ah, nan dihlak ruangah ka Pathian cu Jesuh Khrih thawngin ka lawmh; zeicahtiah vawlei khuazakip ah nan zumhnak thawng hi an rak theih dih cang.

Laibaibal Thiang (BSI)

⁸ A hmaisa bikah, vawlei vialte ah nan zumhnâk kong a than dih caah nan dihlak cung i kâ lawmhnâk kha Jesuh Krih thawngin ka Pathian sinah ka chim.

ROM 1:8 Խաչաձեւ Հղումներ

ROM 16:19

Thawngṭha kong i zumhawktlak nan si kha a mi kip nih an theih i cucaah cun nan kongah hin ka lung aa lawm. Ṭhatnak leiah cun mifim si u ti kan duh hna, sihmanhsehlaw chiatnak leiah cun ngakchia cuampual si ko u ti kan duh hna.

1 KORIN 1:4

Khrih Jesuh thawngin an pekmi hna a vel ruangah hin ka Pathian cu ka lawmh zungzal.

ROM 6:17

Sihmanhsehlaw Pathian cu lawm cio ko u sih. Zeicahtiah nannih cu sualnak sal nan rak si nain cawnpiaknak nan hmuhmi chung i a ummi biatak kha nan lungthin dihlak in nan zulh cang.

1 PETER 4:11

Zeizong kip ah Jesuh Khrih thawngin Pathian nih thangṭhatnak a hmuh nakhnga, phung a chimmi nih Pathian bia kha chim u, rian a ṭuanmi nih Pathian pekmi thazang khan ṭuan u, sunparnak le lianhngannak cu zungzal in zungzal tiang amah ta a si. Amen.

1 PETER 2:5

Nanmah zong kha, lung nung bantukin ra tuah u law, thlarau biakinn saknak caah cun i hmang tuah u. Cuka ah cun a thiangmi tlangbawi bantukin cohlan awk a tlakmi thlarau raithawinak kha Jesuh Khrih thawngin Pathian cu nan pekchanh lai.

HEBRU 13:15

Cucaah Pathian cu thangṭhat zungzal ko u sih. Cu thangṭhatnak cu Jesuh min kan kaa in kan phuan kha a si i cucu Jesuh thawngin Pathian sinah kan pekchanhmi kan raithawinak a si.

KOLOSE 1:3

Nan ca i thla kan cam tikah, kan Bawipa Jesuh Khrih i a Pa kan Pathian sinah lawmhnak bia kan chim zungzal.

FILIPI 1:3

Nan kong ka ruah fate, nan dihlak ruangah ka Pathian cu ka lawmh zungzal;

EFESA 1:15

Bawipa Jesuh nan zumhnak le Pathian mi hna nan dawtnak ka rak theih thawkte khan,

FILIPI 1:11

Jesuh Khrih lawng nih a kan pek khawhmi ziaza ṭha taktak in nan nunnak cu a khat lai i cucu Pathian sunparnak le thangṭhatnak caah a si lai.

EFESA 5:20

Kan Bawipa Jesuh Khrih min in zeizong kip caah Pathian cu lawm u.

MATTHAI 24:14

Cun miphun vialte hna ca i tehte si awkah Vancung Pennak kong Thawng Ṭha hi khuazakip ah chim a si lai — cun cu hnu lawngah cun donghnak cu a si lai!

EFESA 3:21

khrihfabu chungah Khrih Jesuh thawngin, zungzal in zungzal tiang sunglawi ko seh! Amen.

LAMKALTU 11:28

an lak i pakhat a min Agabas an timi kha a dir i vawleicung dihlak ah mangṭam a fak ngaimi a tlung lai, tiah Thlarau ṭhawnnak thawngin, a rak chimchung. (Cu mangṭam cu Klaudias siangpahrang a si lioah khan a tlung).

LUKA 2:1

Khi caan ah Siangpahrang Awkastas nih nawlbia a chuah i, ‘Ram chung i a ummi vialte nih milu relnak caah nan min nan i thla dih lai,’ tiah a ti.

LAMKALTU 28:22

Sihmanhsehlaw na ruahnak cu theih kan duh ko, zeicahtiah hi nan phu hi khuazakip ah mi nih an thangchiat lengmangmi a si,” an ti.

ROM 10:18

Sihmanhsehlaw biahalnak tuah ka duhmi cu: Bia cu an thei bal taktak lo maw, ti hi a si. A theih cu an theih ko — Cathiang nih a chim bantuk tu khan a si i a si ko. Zeitindah a chim tiah: “An aw thawng cu vawleicung khuazakip ah a thang dih; An bia cu vanhramdeng tiang a phan,” a ti.

2 KORIN 2:14

Sihmanhsehlaw Pathian cu lawm ko u sih. Zeicahtiah Khrih teinak puai i a kal nuahmahmi mibu chungah khan kannih cu Khrih he kan i pehtlaihnak thawngin Pathian nih thongtla bantukin a kan hruai zungzal. Khrih kong hngalhnak cu khuazakip ah zihmui bantukin karhter awkah Pathian nih kannih cu a kan hman.

EFESA 1:16

nanmah ruang i Pathian lawmh cu a ngol in ka ngol lo. Ka thlacamnak ah kan philh hna lo.

1THESALON 1:2

Nanmah kong ah Pathian kha kan lawmh zungzal i thla kan cam fate nanmah kha kan in campiak zungzal hna.

1THESALON 2:13

Cun kan Pathian sin i kan i lawmhnak zong a dang a um rih: Pathian bia nan sin kan phakpi tikah khan minung bia bantukin si loin Pathian bia bantukin nan rak cohlan — Pathian bia cu a si taktak, nan sin kan phakpimi cu. Cuticun zeitindah a si khawh tiah, Pathian nih a zummi nan lakah rian a ṭuan caah a si.

2 THESALON 1:3

U le nau hna, nanmah ruangah Pathian cu a zungzal in kan lawmh. Nannih nan zumhnak kha a ṭhan i pakhat le pakhat nan i dawtnak le midang nan dawt hnanak kha a ngan chinchin caah, cu ti Pathian kan lawmh cu ahmaanmi thil a si.

2TIMOTE 1:3

Kan pupa hna nih an rak biak bantukin kei zong nih lungthiang tein ka biakmi Pathian cu, chun he zan he ka thlacamnak i nangmah kan theih fate, ka lawmh zungzal.

FILEMON 1:4

Ka nau Filemon, thla ka cam fate nangmah kong kha ka chim i ka Pathian kha ka lawmh.