ROM 1:15 - Lai (Hakha) Common Language Bible 2006

¹⁵ Cucaah cun nannih Rom khua i a ummi sin zong i Thawngṭha chim ka duhnak cu a si.

Laibaibal Thiang (BSI)

¹⁵ Keimah lei ah, nannih Rom khua i a ummi sin zongah thawngṭha chim dingin timhcia ka si.

ROM 1:15 Խաչաձեւ Հղումներ

ROM 15:20

Ka saduhthah cu Khrih an theih bal lonak hmun i Thawngṭha chim kha a si zungzal, zeicahtiah midang i a hram an rak thawk cianak hmun i va sak cu ka duh lo;

1 KORIN 9:17

Ka rian hi keimahte nih kaa thim i ka tuahmi a si ahcun, ṭuan man ka hmuh lai ti zong cu kaa ruahchan hnga, sihmanhsehlaw ka rian hrimhrim a si tiin ka ṭuan hi Pathian nih hi rian hi ka kut chungah a ka pek caah a si.

ISAIAH 6:8

Cun Bawipa nih, “Ahodah ka fial lai? Ahodah ka lamkal a si lai?” a ti kha ka theih. Kei nih, “Keimah ka kal lai! Ka thlah tuah,” tiah ka leh.

MATTHAI 9:38

Cucaah rawlṭuan uktu bawi sinah cun, rawl ṭuantu tam deuh a thlah hna nakhnga, thla va cam tuah u,” a ti.

1 SIANGPAHRANG 8:18

Sihmanhsehlaw Bawipa nih ka pa David cu a thawh i, ‘Ka min ca i inn sak awk kha na lung chung i a um caah, mah cucu na lung chung i na umter cu a ṭha;

2 KORIN 8:12

Pek duhnak lungthin nan ngeih ahcun nan ngeih lomi thil zoh in si loin nan ngeihmi thil zoh in Pathian nih nan laksawng cu an cohlanpiak hna lai.

ROM 12:18

Mi vialte he i rem awk kha nan i zuam khawh chungin i zuam u.

LAMKALTU 21:13

Sihmanhsehlaw a kan thawh i, “Zeidah nan tuah? Hi bantukin nan ṭah ahcun ka lung nan ka hnoter. Jerusalem ah hin Bawi Jesuh caah ṭemnak huah lawng hi kaa tinhmi a si ṭung lo, thihnak tiang hmanh ka in lai tiah pei kaa timh cu,” tiah a kan ti.

JOHAN 4:34

Jesuh nih cun a thawh hna i, “Ka rawl cu a ka thlahtu duhnak zulh le a ka fialmi rian liim kha a si.

MARKA 14:8

A tuah khawh tawk pei a tuah cu: ka pum zihmui in a ka toih cu vui awk ca i a hlankan in a rak ka timh chung pei a si cu.

ROM 10:15

Cun lamkaltu kha an thlah hna lo ahcun zeitindah bia cu thanh a si khawh lai? Cathiang nih, “Thawngṭha a chimtu hna ke cu a vaa dawh dah,” a ti bantuk khan a si taktak.