PHUNGTHLÛKBIA 9:12 - Lai (Hakha) Common Language Bible 2006

¹² Na fim ahcun nangmah ca ṭhatnak a si ko, miruamkai na si ahcun mawhchiat awk cu nangmah na si ko.

Laibaibal Thiang (BSI)

¹² Na fim ahcun na caah a fimmi na si lai, nihsawh a hmangmi na si ahcun nangmah nih na tuar lai.”

PHUNGTHLÛKBIA 9:12 Խաչաձեւ Հղումներ

EZEKIEL 18:20

A thi ding cu midang si loin a sualmi kha a si lai; a fa nih a pa sualnak kha aa hrawm lai lo, a pa zong nih a fapa sualnak kha aa hrawm lai lo. Miding mi nih a dinnak theitlai kha a hmuh lai i miṭhalo nih a ṭhat lonak theitlai kha a zun ve ko lai.

JOB 22:21

“Atu cu, Job, Pathian he khan remnak ser law, na ral ah rel ti hlah law thluachuahnak na hmuh lai.

PHUNGTHLÛKBIA 16:26

Rianṭuantu cu a rawl duhnak nih khan fak deuh in a ṭuanter, zeicahtiah a rawlṭamnak kha daihter a duh.

ISAIAH 28:22

Ralrinnak kan pekmi hna hi nan nih men chuak hlah seh. Nan nih a chuah ahcun nan caah luatnak a har chinchin lai. Ralkapbu Bawipa nih ram cu a dihlak in ka hrawh lai a timi kha ka theih cang.

2 PETER 3:16

Hi kong a ṭial tik paoh ah hin a cakuat dihlak chungah a chimmi cu hihi a si ko. Asinain a cakuat chungah khan hngalh awk a harmi thil an um i cu thil hna cu a hrutmi le lungthin reprai a ngei set lomi pawl nih cun, Cathiang chung biadang zong an rak tuah tawn bantuk khan, a si lo ning in a sullam kha an chuahter. Cucaah anmah rawhralnak kha anmah lila nih an tlunter.

GALATI 6:5

Zeicahtiah kanmah le kan thil cio cu kanmahte nih kan i phorh awk a si.

PHUNGTHLÛKBIA 14:14

Miṭhalo nih a hmuh awk hnga a simi kha a hmuh lai, miṭha nih a tuahmi thawng khan laksawng a hmuh lai.

PHUNGTHLÛKBIA 19:29

Miporhlaw mi hna caah fungfek cu chiah cia a si ko i Mihrut hna keng caah tuknak cu timhcia a si ko.

JOB 19:4

A palh hmanh hei palh ning law ka palhnak cu keimah cungah pei a si ko lai cu.

ZEKHARIAH 12:14

Shimei innchungkhar cu amahte in a ṭap lai i a nu hna cu anmahte in an ṭap cio lai; a tangmi innchungkhar vialte cu anmahte in an ṭap cio lai i an nupi hna cu anmahte in an ṭap cio lai.