PHUNGTHLÛKBIA 8:15 - Lai (Hakha) Common Language Bible 2006

¹⁵ Keimah thawngin siangpahrang nih uktu bawi an si i keimah thawngin uktu hna nih a dingmi phunglam kha an ser hna.

Laibaibal Thiang (BSI)

¹⁵ Keimah thawngin siangpahrang hna nih an uk i uktu hna nih dik ngaiin bia an khiah tawn.

PHUNGTHLÛKBIA 8:15 Խաչաձեւ Հղումներ

ROM 13:1

Ram uktu bawi kha an nawl va ngai hna u, zeicahtiah Pa-thian hnatlaknak tel loin nawl ngeitu ahohmanh an um lo i nawl ngei liomi hna hi Pathian nih a chiahmi hna an si.

DANIEL 2:21

Khuacaan siseh, caan kha siseh, a thlen lengmang hna, Siangpahrang kha a ṭhumh hna i a kaiter hna; Mifim kha fimnak a pek hna i a hngalmi kha hngalhnak vialte cu a pek hna;

MATTHAI 28:18

Jesuh nih cun a hun naih hna i, “Vancung le vawlei cung i a ummi nawl ngeihnak vialte cu pek ka si cang.

BIAPHUAN 19:16

A puan le a ke ah, “siangpahrang vialte Siangpahrang le bawi vialte Bawi,” tiin aa ṭial.

DANIEL 4:32

Minung bu sinin ṭhawl na si cang i ram sa sinah na um cang lai; cawtum bantukin ram kha kum sarih chung na ei lai. Cu tikah Cung Nung Bik nih hin minung hna pennak chungah hin uktu bawi a si i pek a duhmi hna sinah a pek ko dah ee, ti kha na hngalh lai,” tiah a ti.

BIAPHUAN 19:11

Cun van kha aa hung i rang rang pakhat ka hmuh. A cung i aa citmi cu a min ah Zumhawktlak le Ahmaanmi ti a si; bia a ceih tik le ral a doh tikah dinnak in a ceih i a doh.

DANIEL 4:25

Minung bu sinin nang cu ṭhawl na si lai i ram sa sinah na um lai; cawtum bantukin ram kha na ei lai i vandap nih cin cikcek in kum sarih chung an tlak lai. Khi tikah nangmah nih Cung Nung Bik cu minung pennak cungah khan bawi a si i cu pennak cu pek a duhmi hna sinah khan a pek ko, ti na vun hngalh ruangmang te lai.

JEREMIAH 33:15

Khi ni le khi caan ah, David Nge, a dingmi ka corhter lai; ram chungah a hmaanmi le a dingmi thil kha a tuah lai.

ISAIAH 1:26

Hlanpi ah nan rak ngeihmi hruaitu hna le fimchimtu hna bantuk kha kan pek ṭhan hna lai. Cun Jerusalem cu, dinnak khua, zumhawktlakmi khua, ti a si lai,” a ti.

SALM 99:4

A liannganmi Siangpahrang, nang cu ahmaanmi thil a duhmi na si; Israel mi cungah ding tein le a tlari in thil na tuah.

1 CHANRELNAK 28:5

Cun ka fapa vialte hna lakah (zeitintiah Bawipa nih fapa tampi a ka pek hna) ka fapa Solomon cu Israel cung i Bawipa pennak bawiṭhutdan cung i ṭhut awkah khan a thim.

1 SIANGPAHRANG 10:9

Bawipa na Pathian, nangmah chungah lawmhnak a ngei i Israel mi bawi ṭhutdan cungah an ṭhuttertu cu thangṭhat si ko seh. Bawipa nih Israel cu zungzal in a dawt caah, nangmah nih biading le dinnak cu na tuah nakhnga, siangpahrang ah an ser,” tiah a ti.

1 SIANGPAHRANG 5:7

Hiram nih Solomon bia kha a theih tikah a lung aa lawm ngaingai i, “Hi a nganmi miphun cung i a um dingah David kha a fimmi fapa a petu Bawipa cu nihin ah hin thangṭhat si ko seh,” tiah a ti.

1 SIANGPAHRANG 3:28

Cun Israel mi vialte nih siangpahrang biachahmi kha an theih i siangpahrang cu an khuaruah a har, zeicahtiah biading in biachah khawh awkah Pathian fimnak kha a chungah a um ti an hngalh.

1 SIANGPAHRANG 3:9

Cucaah na mi hi uk khawhnak caah a ṭha le a chia kha ka thleidan khawh nakhnga, na salpa hi hngalhthiamnak lungthin ka pe tuah; zeicahtiah, aho nih dah hi na miphun ngan hi a uk khawh hna lai?” tiah a ti.

1 SAMUEL 16:1

Bawipa nih Samuel sinah cun, “Israel mi hna cung i siangpahrang a sinak in ka hlawt na hmuhmi Saul kong ah hin zei can dah ngaihchia in na um lai? Na ki ah khan chiti rawn law, va kal tuah; nangmah cu Bethlehem khuami Jesse sinah kan thlah lai, zeicahtiah amah fapa hna lakah siangpahrang ca i kaa thimmi a um cang,” tiah a ti.

1 SAMUEL 9:17

Samuel nih Saul kha a hmuh tikah, Bawipa nih amah cu, “A kong kan chimh mipa kha mah pa hi a si! Amah hi ka mi hna uktu ding cu a si,” tiah a chimh.

2 CHANRELNAK 1:10

Cucaah hi miphun hmai i chuahnak ca le luhnak caah hin fimnak le hngalhnak ka pe tuah, zeicahtiah hi na mi, a ngan hringhranmi hi aho nih dah a uk khawh hna lai?” tiah a ti.

SALM 2:10

Cucaah siangpahrang hna, ka bia ngai tuah u, uktu bawi hna, hngal cang tuah u.

PHUNGTHLÛKBIA 8:16

Keimah thawngin bawi nih bawi bantukin an um kho i vawleicung uktu bawi a simi vialte hna nih khan uktu bantukin an um kho.

PHUNGTHLÛKBIA 29:4

Dinnak thawngin siangpahrang nih ram cu a fehter, Sihmanhsehlaw hneknak in tangka hmuhnak kha a ruah tikah a ram cu a rawk tawn.

2 CHANRELNAK 1:11

Pathian nih Solomon cu a leh i, “Mah hihi na lung chungah a um i nangmah nih chawva siseh, rumnak siseh, upatnak siseh, nangmah an huatu hna thah awk kha siseh, nun saunak hmanh kha siseh, na ka hal lo i an cung i siangpahrang ah keimah nih kan chiahmi ka mi hna uknak ding caah khan nangmah caah fimnak le hngalhnak na ka hal caah,