PHUNGTHLÛKBIA 6:12 - Lai (Hakha) Common Language Bible 2006

¹² Hrokhrawl bia he aa chawkmi cu mizeiruaramlo, miṭhalo an si;

Laibaibal Thiang (BSI)

¹² Santlai lo pa, misuaksual pa cu, sullam ngei setlo biachim in â chawk len.

PHUNGTHLÛKBIA 6:12 Խաչաձեւ Հղումներ

MATTHAI 12:34

Rul hna, zeitindah miṭhalo nan si ahcun nan kaa in bia ṭha cu a chuah khawh lai? Kaa nih cun lungchung i a khatmi kha pei a chim cu.

PHUNGTHLÛKBIA 16:27

Mizeiruaramlo nih, congoihnak kha a vahpi, a bia cu kanghtu mei bantuk a si.

PHUNGTHLÛKBIA 4:24

Hrokhrawl bia cu na kaa chungin chuahter hna hlah law Depdetnak bia cu hlaw diam ko hna.

1TIMOTE 5:13

Inn khat hnu inn khat an vak lengmang i an caan kha pakpalawng men ah an hman. Cun cu nak hmanh in a ṭhalo chinmi cu, mi congoih kha an thiam i a kenkip ah khan an vaa sawh i chim awk a si lomi zong kha an chim lengmang.

LAMKALTU 20:30

Cun nanmah bu chung lila zong hin mi a cheu nih a zummi hna kha anmah lei i hruai awkah lih an chim lai caan kha a phan lai.

PHUNGTHLÛKBIA 17:4

Mihrokhrawl cu hrokhrawl bia lawng kha a thlingthla, lihchim hmang nih cun thangchiatnak bia lawng kha a ngai.

PHUNGTHLÛKBIA 8:13

Bawipa ṭihzah cu sualnak huat khi a si. Porhlawtnak, ruamkainak le sualnak lam le biadik lo kha ka huat hna.

SALM 59:7

An chimmi bia cu ngai tuah! An lei cu an kaa chungah vainam bantuk an si nain an i thawh i, “Aho nih dah a kan theih lem lai?” an ti.

JEIM 3:6

Lei cu mei bantuk a si. Thil ṭhalo aa hlumnak kha a si i kan pum chungah hin a dihlak khan ṭhat lonak cu a vahter. Kan nunnak hi a dihlak in mei in a khangh i cu mei cu hell in a thomi mei a si.

PHUNGTHLÛKBIA 11:6

Dinnak nih miding cu a chuah hna, sihmanhsehlaw mirawi hmang cu anmah duhfahnak lila ah khan an i foih

PHUNGTHLÛKBIA 6:14

An lungthin a kawi caah ṭhat lonak khua kha an khan lengmang i rem lonak thlaici kha an tuh thluangthluan;

PHUNGTHLÛKBIA 2:12

Miṭhalo hna lam chung khan an khamh lai i holh ṭhalo hmangmi hna sin khan an luatter lai.

SALM 36:3

A kaa chuak bia cu bia ṭha lo le lih lawng an si i mifim si i thil ṭha tuah kha a ngol cang.

SALM 10:7

A bia cu chiatserhnak le lih le hronak in a khat; huat awk bia le bia ṭhalo chim ah khan a khul a rang.

SALM 10:3

Miṭhalo nih a duhnak ṭhalo kha aa porhlaw i hakkaumi nih Bawipa kha a vawlhpamh i a hlawt.

JEIM 1:21

Cucaah cun a thurhnawmmi ziaza vialte le a ṭha lomi ziar le zar vialte kha hlaw ko hna u. Pathian sinah khan i pe u law khamhnak an pe khotu hna bia, nan lungchung i a tuhmi kha, i cohlan ko u.

JEREMIAH 24:2

Bawm khat chung i cu an ṭha ngaingai, a hmin hmasa bik theipi bantuk khi an si; bawm khat chung i tu cu an chia ngaingai, an chiat tuk caah ei awk a tlak lomi khi an si.

1 SAMUEL 17:28

Cun a u upa bik Eliab nih mi hna sin i bia a chim kha a rak theih i David cungah cun a thin a hung i, “Zeidah na ra tuah?” Kha tuu, tlawmte kha ramlak ah khan aho sinah dah na kaltak hna? Na ninghngalte le raltuk zoh awkah na ra ko hih?” tiah a ti.

PHUNGTHLÛKBIA 10:32

Miding nih cun hi caan he hin zei bia hi dah chim awkah aa tlak ti kha an hngalh, sihmanhsehlaw miṭhalo nih cun mi ca i fahnak a chuahtertu bia lawnglawng kha a chim zungzal.

SALM 101:3

A thurmi tinhmi zeihmanh ka ngei lai lo; zumhtlaklo si kha a huat in ka huat lai.

PHUNGTHLÛKBIA 3:32

Zeicahtiah mi lungthin ṭhalo cu Bawipa caah fihnung an si i miding mi cu Pathian nih a zumhmi an si.

PHUNGTHLÛKBIA 16:30

A mit curcudup in aa aumi cu a lungthin chung i dawtnak a ngei lomi a si, a hmur aa iapmi nih cun thil ṭhalo kha a tlunter tawn.