PHUNGTHLÛKBIA 4:23 - Lai (Hakha) Common Language Bible 2006

²³ Na lung kha ṭha tein veng tuah, Zeicahtiah cuka cun nunnak cerhti kha a put.

Laibaibal Thiang (BSI)

²³ Thildang vialte nâkin na lungthin ṭha tein kilveng, zeitintiah nunnâk rak chuahnâk hram a si.

PHUNGTHLÛKBIA 4:23 Խաչաձեւ Հղումներ

LUKA 6:45

Miṭha nih a lung chung i thil ṭha a khonmi chung khan ṭhatnak a chuahter; miṭhalo nih a lung chung i thil ṭhalo a khonmi chung khan chiatnak a chuahter. Zeicahtiah mi nih a kaa in a chimmi hi a lung chung i a khatmi kha a si,” tiah a ti.

PHUNGTHLÛKBIA 13:3

Na biachimmi kha i ralring law na nunnak kha naa veng kho lai, ralrin loin bia a chimmi nih cun amah lila kha aa hrawk ko.

JEREMIAH 17:9

Lungthin hi zeizong vialte nakin a zer bik, Aho nih dah minung lungthin hi a hngalh khawh lai? Damh khawh ti lo tiangin a zaw cang.

MATTHAI 15:19

Zeicahtiah lai a nawntertu, nu le pa sualnak a tuahtertu, thil ṭhalo dangdang a tuahtertu, a firtertu, lih a chimtertu, mi a congoihtertu ruahnak ṭhalo vialte cu a lung chungin a hung chuakmi an si.

PHUNGTHLÛKBIA 23:19

Ka fapa, ngai law fim tuah, ahmaanmi lam zulh awk kha i sehchih tuah.

PHUNGTHLÛKBIA 28:26

Mah ruahnak i rinh cu hruh a si, sihmanhsehlaw fimnak lam a zulmi cu him tein a lan ko lai.

MARKA 14:38

Cun annih cu, “Nan dihlak in hngilh loin um u law tukforhnak chungah nan tlak nakhnga lo, thla cam u, thlarau nih cun a duh ko, sihmanhsehlaw titsa cu a thazang a tlawm,” tiah a ti.

DEUTERONOMI 4:9

“Ṭha tein i ralring u law, i zohkhenh u, nan mit nih a hmuhmi thil cu nan philh sual hna nakhnga lo le nan nunchung ah nan lung chungin an tlau sual nakhnga lo; nan fale le nan tule hna kha hngalhter hna u —

HEBRU 12:15

Pathian vel kha ahohmanh nih nan mertak sual nakhnga lo i ralring u. A khami thingkung, a hung ṭhang i mi tampi harnak a petu bantuk kha ahohmanh si sual hlah u.

PHUNGTHLÛKBIA 4:7

Fimnak cu hlaw hlah, amah nih cun him tein an zohkhenh lai; amah cu daw law an huhphenh lai;

PHUNGTHLÛKBIA 3:21

Ka fapa, fimnak ṭha le ruahthiamnak cu i ken hna, na mit hmuhnak chungin liamter hna hlah;

PHUNGTHLÛKBIA 22:5

Miṭhalo mi hna lam ah cun hling le rap an um; aa ralringmi nih cun a hrial in a hrial hna.

PHUNGTHLÛKBIA 11:16

Vel a thiammi nu cu hmaizahnak a hmu, sihmanhsehlaw ziaza a thiang lomi cu ningzahnak a si. Chawlehnak le chawhrawlnak ah na ral a chiat ahcun awkhlawh na si ko lai, na ral a ṭhat ahcun na rum ko lai.

PHUNGCHIMTU 5:13

Mah hihi thil ṭhalo ngai a si, sihmanhsehlaw vawlei cungah hin ka hmuh cangmi a si: mi nih hin an tangka hi an herh caan caah an khon tawn,

MATTHAI 15:18

Sihmanhsehlaw kaa chungin a chuakmi thil cu lung chungin a chuakmi thil an si i cu hna nih cun mi cu an thurter.

2 SIANGPAHRANG 10:31

Sihmanhsehlaw Jehu cu Bawipa, Israel Pathian nawlbia kha a lungthin a dihumnak in zulh awkah aa ralring lo; Jeroboam nih Israel mi a sualternak hna a sualnak kha a pialtak hna lo.

PHUNGTHLÛKBIA 16:17

Miding hna nih cun ṭhat lonak a hrialtu lam kha an zulh, cucaah khuazei i na kal kha zoh tuah, na nunnak an khamh khawh lai.