PHUNGTHLÛKBIA 31:9 - Lai (Hakha) Common Language Bible 2006

⁹ Annih cu an bia chimpiak hna law an caah a dingmi biaceihtu va si ko; sifakmi le retheimi kha dirkamh hna.

Laibaibal Thiang (BSI)

⁹ Na kâ pau in ding tein bia ceih, misifâk le chambaumi hna kha nawlpiak hna.

PHUNGTHLÛKBIA 31:9 Խաչաձեւ Հղումներ

ISAIAH 1:17

a dingmi thil tuah tu kha cawng cang u. Dinnak tuah kha i zuam u, cucu mi nih an serhsatmi hna bawmh le ngakṭah hna chanh le nuhmei hna ṭanpi kha a si,” a ti.

LEVITIKAS 19:15

“Biaceihnak ah dinlonak nan tuah lai lo; sifakmi kha na duhdanh hna lai lo, mingan zong kha na hmaizah hlei lai lo, sihmanhsehlaw dinnak in na innpa bia kha na ceih lai.

DEUTERONOMI 1:16

Cun khi caan ah nan biaceihtu hna cu, ‘Nan unau hna an karlak i bia cu ngaihpiak hna u law, mipa le a unau karah siseh, ramdangmi amah he a ummi he karlak ah siseh, ding tein bia nan ceih lai.

JEREMIAH 22:3

Thil nan tuah tikah dingte le hmaan tein tuah u, hremmi kha a hremtu kut chungin chuah u, ramdangmi le ngakṭah le nuhmei hna cungah ṭhat lonak siseh, zaang-ennak siseh, tuah hlah u.

DANIEL 4:27

Cucaah lungthin kan cheuhmi hi ngai tuah, maw siangpahrang: mi sinah siannak tuahnak thawngin na sualnak kha i tlan law retheimi hna cung i ṭhatnak tuahnak khan na ṭhat lonak cu i tlan tuah, cuticun lungdaihnak saupi na hmuh lai,” tiah a ti.

JEREMIAH 23:5

David ruang in a dingmi Nge pakhat ka corhter lai caan a ra lio, tiah Bawipa nih a ti. Cu siangpahrang nih cun fimnak in a uk hna lai i Ram chungah phung le dinnak kha a hmunhter lai.

JEREMIAH 5:28

An thau i an tlornal. Ṭhat lonak tuahnak ah khan, a za cang ti an hngal lo, Ngakṭah nih khuaawng an ton khawh nakhnga dingah biading in bia an ceih lo i sifak rethei kha an ṭanpi hna lo.

ISAIAH 1:23

Na bawi hna cu ralthawh hmangmi le mifir hna hawikom an si; laksawng le ziknawh kha an ei thluangthluan ko. Zung ah khan ngakṭah kha zeitikhmanh ah an ṭanh duh bal hna lo i nuhmei cu an bia kha a ngaih hmanh an ngaihpiak duh bal hna lo.

PHUNGTHLÛKBIA 16:12

Siangpahrang caah cun ṭhat lonak tuah hi fihnung a si, zeicahtiah bawi ṭhutdan cu dinnak in fehter a si.

JOB 29:12

Sifakmi kha bawmh herh in an au tikah ka bawmh hna i, Chanhtu ngei lomi ngakṭah kha ka chanh hna.

BIAPHUAN 19:11

Cun van kha aa hung i rang rang pakhat ka hmuh. A cung i aa citmi cu a min ah Zumhawktlak le Ahmaanmi ti a si; bia a ceih tik le ral a doh tikah dinnak in a ceih i a doh.

JOHAN 7:24

Lenglei zoh lawngin biakhiak hlah ngat u, dingte tu in ta bia cu nan khiah,” tiah a ti hna.

ZEKHARIAH 7:9

Ralkapbu Bawipa bia cu hihi a si: Dinnak taktak kha biaceihnak ah hmang u, pakhat le pakhat zumhawktlak tein um u law i zaangfah u,

PHUNGTHLÛKBIA 20:8

Biaceihnak ṭhutdan cungah a ṭhumi siangpahrang nih cun ṭhat lonak vialte kha a thleidan khawh dih.

2 SAMUEL 8:15

Cucaah David nih Israel mi vialte cu a pen hna i David nih a mi vialte cu biading le ruannak in a uk hna.

HEBRU 1:9

Ahmaanmi thil cu na duh i ahmaan lomi thil cu na huat; Cucaah cun Pathian, na Pathian nih cun an thim i, Na hawile hna nih an hmuhmi nakin a ngan deuh suaumaumi upatnak lunglawmhnak kha aan pek,” tiah a ti.

ISAIAH 11:4

Sifakmi kha an bia ṭha tein a ceihpiak hna lai i nauta pawl kha a ṭanh hna lai. Amah nawl pekning in ram cu dantat a si lai i mi ṭhalo cu an thi lai.

ZEKHARIAH 9:9

I lawm tuah, i lawm tuah, Zion fanu, Fak piin au tuah, Jerusalem fanu, Zeicahtiah zohhmanh na siangpahrang cu na sinah a ra lio, Amah cu teitu a si, teinak cu amah ta a si, Toidor tein laa cungin, laa fa note cungah i cit in a ra.

1 SAMUEL 19:4

Cun Jonathan nih a pa Saul sinah cun David cu a chimthiam i, “Siangpahrang nih a sal David cungah hin sualnak tuah hlah seh, zeicahtiah na cungah a sual lo i a tuahmi cu nangmah caah a ṭhami rian lengmang a si;

1 SAMUEL 20:32

“Zeicaahdah a thih lai, zeidah a tuah i?” tiah Jonathan nih a leh.

PHUNGTHLÛKBIA 29:7

Miṭha nih cun, sifakmi hna nih zeidah an covo si awk a si ti kha a hngalh, Sihmanhsehlaw miṭhalo nih cun cu bantuk zawnruahnak cu a hngal lo.

SALM 82:3

Sifakmi le ngakṭah kha an bia ceihpiak hna u, rethei le bawmtu ngei lo kha hmaan tein ruahpiak hna u.