PHUNGTHLÛKBIA 30:14 - Lai (Hakha) Common Language Bible 2006

¹⁴ Sifakmi kha ṭam dih awkah le chambaumi kha ei dih awkah, a ha vainam a si i a khabe ah kawngthun aa bunhmi an um.

Laibaibal Thiang (BSI)

¹⁴ Anha cu chiandeih bantuk, anha tang lei cu namte bantuk a simi chan an um, hi lei cungin misifak hna le sem a ngaimi hna ei dih an timhnâk a si.

PHUNGTHLÛKBIA 30:14 Խաչաձեւ Հղումներ

SALM 57:4

Mi seh hmang chiandeih hna lakah ka it, an ha cu fei le thal bantuk an si, an lei cu kawngthun har bantuk an si.

SALM 3:7

Bawipa, ra ko sawh! Ka Pathian, ka khamh ko! Ka ral vialte cu na tei dih hna i miṭhalo vialte cu na hrawh dih hna.

SALM 14:4

Bawipa nih, “An hngal hnga lo maw? Ṭhat lonak a tuahmi vialte hi mihrut maw an si dih hnga? ka mi kha an ramh hna i cucu an i cawmnak, ka sinah thla an cam bal lo,” a ti.

JOB 29:17

Miṭhalo mi hna cu an hao kha ka rak thlongh hna i, An ha in an i sehmi kha ka rak chuh hna.

BIAPHUAN 9:8

An sam cu nu sam bantuk a si i an ha cu chiandeih ha bantuk a si.

AMOS 8:4

“Sifakmi kha a rialchih i retheimi kha a ramhmi hna, hihi ngai tuah u;

PHUNGCHIMTU 4:1

Cun hi vawlei cung i a um lengmangmi dinlonak hi ka zoh ṭhan. Hremmi hna cu an ṭap lengmang, sihmanhsehlaw ahohmanh nih an bawm hna lo. Anmah a hremtu hna kha thil ti khawhnak a ngeimi cu an si caah ahohmanh nih an bawm duh hna lo.

SALM 58:6

Maw Pathian, an ha cu khiak dih hna, Maw Bawipa, hi ṭihnung chiandeih hna hi an ho phawi dih hna!

SALM 12:5

Bawipa nih aa thawh i, “Sifakmi cu an hrem hna i retheimi cu aihram lengmang in an tuah hna caah atu cu ka ra lai i an ngaihmi himnak cu ka pek hna lai,” a ti.

MATTHAI 23:13

“Phungbia cawnpiaktu saya hna le Farasi mi hna, nan caah ngaihchia a va si dah! Mi depde hna. Vancung Pennak cu mi kha nan kharkanh hna, asinain nanmah cu nan lut duh ṭung lo i luh a duhmi zong kha nan awnh fawn ṭung hna lo.

ZEFANIAH 3:3

A chung i bawi hna cu chiandeih a huk lengmangmi an si, A biaceihtu bawi hna cu zinglei tiang a ngang kho lomi cenghngia an si,

HABAKKUK 3:14

Na hriamnam in a lu cu na hliam i amah a zultu hna cu a sin khan thlichia nih a choih hna. Sifakmi hna cu an i thuhnak hmun ah khan ei awkah annih nih an kaa an i aan.

AMOS 4:1

Nannih Samaria tlangcung i a tlongmi Bashan caw, sifak kha a hrem i retheimi kha a rial chih i vale kha, zu rak pu u, a ti lengmangmi hna, hihi ngai tuah u:

AMOS 2:7

Annih nih sifakmi kha an lu vawlei ah an lamh chih hna i Mi nauta pawl kha lam thlang ah an en hna. Pa le fa nih nu pakhat kha an pahnih in an fuh i Cuticun ka min kha an thurhhnawmhter.

ISAIAH 32:7

Amah cu miṭhalo a si i thil ṭhalo kha a tuah; sifakmi kha an rawk khawh nakhnga a lih in khua a khan lengmang i an hmuh hngami kha hmu loin an um nakhnga aa zuam.

PHUNGTHLÛKBIA 28:3

Misifak a hremtu hna bawi cu, rawl zeihmanh a ngan lotu ruah bantuk a si.

PHUNGTHLÛKBIA 22:16

Sifak mi hrem cu miaknak a si sawk ko lai, sihmanhsehlaw mirum sin, i ser cu sifahnak a si.

PHUNGTHLÛKBIA 12:18

Ruah set loin chimmi bia nih cun nam chunh bangin mi a chunh, sihmanhsehlaw mifim bia nih cun hma kha a damter.

SALM 52:2

Midang hrawhnak ding caah khua na khang lengmang, na lei cu a harmi nam bantuk a si, lih lawng kha na chim ṭualmal ko.

SALM 124:6

Kan ral nih hrawh awkah a kan siang lotu Bawipa cu lawm ko u sih.

PHUNGTHLÛKBIA 30:15

Cangvat nih fanu pahnih a ngeih hna; pakhat nih, “Ka pe,” a ti i a dang pakhat nih, “Ka pe,” tiah a ti ve. thil pathum cim hngal lo an um; thil pali “A za cang” a ti bal lomi an um:

ISAIAH 3:14

Bawipa nih cun, a mi hna an upa le an hruaitu pawl kha biaceih awkah a chuahpi hna lai. Taza a cuainak hna cu hitihin a si: “Mitsur dum kha nan ramh dih hna i nan inn cu misifak nan chuhmi hna thil kha a khat.

JOB 41:14

Aho nih dah a hmai innka cu a hun khawh lai? A ha tian cu ṭihnung a si.

SALM 57:5

Maw Pathian, na lianhngannak cu van ah khin langhter law na sunparnak cu vawlei cung dihlak ah hin langhter ko.

ISAIAH 3:15

Ka mi nan rial hna cu nan rial hna awk hrimhrim a si lo i misifak nan deh nan hlen hna i an thil nan chuh hna cu nan tuah hrimhrim awk a si lo tiah Bawipa Ralkapbu Pathian nih ka ti,” a ti.

ISAIAH 10:2

Cu ti nan tuah caah cun sifakmi nih an hmuh awk hnga a simi kha an hmu kho lo i an bia kha ding tein ceihpiak a um bal lo. Cu phung cun nannih nih nuhmei le ngakṭah kha an thil le an ri nan chuh hna.

EZEKIEL 22:6

Nangmah chungah hin Israel mi bawi vialte hna nih an thil ti khawhnak cu thisen chuahnak caah an hman;

EZEKIEL 34:3

A hnuk kha nan din, a hmul kha nan i aih i a thaumi kha nan thah hna, sihmanhsehlaw tuu kha nan cawm hna lo.