PHUNGTHLÛKBIA 3:28 - Lai (Hakha) Common Language Bible 2006

²⁸ Nangmah sinah naa chiah ko nain, “Va kal law ra ṭhan te, thaizing ah kan pek lai,” tiah na hawi kha ti hna hlah.

Laibaibal Thiang (BSI)

²⁸ Pêk awk naput ko lio ah, “Kal law, ra ṭhân te, thaizing ah kan pêk te lai,” tiah na innpa sinah ti hlah.

PHUNGTHLÛKBIA 3:28 Խաչաձեւ Հղումներ

LEVITIKAS 19:13

“Na innpa kha na serhsat lai lo i a ramh zong na ramh lai lo. Kuli ṭuanmi rianṭuan man cu zan khuadei a thaizing tiang na sinah i chiah hlah.

2 KORIN 8:11

Cucaah cun rak pehzulh u law rian cu rak lim u. Nan rak thawk lio bantuk khan a lim lei zongah lungthawhnak rak ngei peng u law nan ngeihmi ning cio ah pek rak i zuam u.

PHUNGCHIMTU 9:10

Na tuahmi cu a ṭhat khawh chungin tuah, zeicah tiah Sheol ah cun rian siseh, ruahnak siseh, hngalhnak siseh, fimnak siseh a um ti lo i cuka cu na kalnak ding hmun cu a si.

1TIMOTE 6:18

Ṭhatnak tuah le thil ṭha tuahnak i rum le nunsian le thil ṭhenh sian kha na chimh hna lai.

2 KORIN 9:3

Atu cu kan unau pawl hi nanmah sinah ka hun thlah hna, zeicahtiah hi kong i kan i porhlawtnak bia kha pakpalawng si sual hlah seh ti kan duh. Cucaah ka chimh hna bantuk tein, bawmhnak pek ding nan i timhmi he khan timhcia tein rak um u.

PHUNGCHIMTU 11:6

Zinglei ah thlaici tuh ko, zanlei zongah ngol hlah; zeicahtiah an dihlak in an ṭhat lai le an ṭhat lai lo kha na hngal lo i a zei kha dah a ṭha deuh lai ti zong kha na hngal lo.

PHUNGTHLÛKBIA 27:1

Thaizing kong kha i porhlaw hlah, cu ni nih zei a chuahpi lai kha na hngal lo.

SOLOMON HLA 5:3

Chun ka thuam cu ka chiah cang hnu in, zeitin aih len ser nolh hnga? Thiang cia ka ketan cawi rem dawh cu, zeitinhen thur ṭhan ai hnga?