PHUNGTHLÛKBIA 29:4 - Lai (Hakha) Common Language Bible 2006

⁴ Dinnak thawngin siangpahrang nih ram cu a fehter, Sihmanhsehlaw hneknak in tangka hmuhnak kha a ruah tikah a ram cu a rawk tawn.

Laibaibal Thiang (BSI)

⁴ Diknâk in siangpahrang nih a ram a fehter, asinain ziknawh a latu nih a hrawh dih tawn.

PHUNGTHLÛKBIA 29:4 Խաչաձեւ Հղումներ

PHUNGTHLÛKBIA 29:14

Siangpahrang nih misifak hna bia zong kha ruannak in a ceih ahcun a bawi ṭhutdan cu zungzal in a hmun lai.

MIKAH 7:3

Ṭhat lonak tuah kha a thiam ngaingaimi an si dih. Bawi nih si hna seh, biaceihtu nih si hna seh, ziknawh kha an duh dih. Nawl ngeimipa nih khan a duhnak kha a chimh hna i hmunkhat ah khua an khang ṭi.

DANIEL 11:20

Amah cu pakhat nih a hun chaan lai i cu pa nih cun hramhram in siangpahrang ngunkhuai cu kholh awkah bawi pakhat a thlah lai, sihmanhsehlaw hi siangpahrang zong cu tlawmpal ah khin a donghnak a phan lai i asinain mah cucu lenglang in siseh, raltuknak hmun ah siseh, a si lai lo.

PHUNGTHLÛKBIA 20:8

Biaceihnak ṭhutdan cungah a ṭhumi siangpahrang nih cun ṭhat lonak vialte kha a thleidan khawh dih.

ISAIAH 49:8

Bawipa nih a mi cu a thawh hna i “Nanmah khamhnak caan kha a phak tikah, kan dawt hnanak kha ka langhter lai i bawmhnak nan ka hal i nan aunak kha kan leh hna lai. Nanmah cu kan ven kan huhphenh hna lai i nanmah thawngin mi vialte he biakamnak ka ser lai. Atu lio i a rawk dihmi nan ram ah khan kan umter ṭhan hna lai.

ISAIAH 9:7

A lianhngannak cu a ṭhang chin lengmang lai; a ram cu a dai zungzal lai. Siangpahrang David tefa pakhat bantukin a ram cu a uk lai i atu thawk in caan donghnak tiang, hmaante le ding tein a uk lai. Ralkapbu Bawipa nih hi vialte hi tuah hrimhrim awkah aa tim.

PHUNGTHLÛKBIA 16:12

Siangpahrang caah cun ṭhat lonak tuah hi fihnung a si, zeicahtiah bawi ṭhutdan cu dinnak in fehter a si.

PHUNGTHLÛKBIA 8:15

Keimah thawngin siangpahrang nih uktu bawi an si i keimah thawngin uktu hna nih a dingmi phunglam kha an ser hna.

SALM 99:4

A liannganmi Siangpahrang, nang cu ahmaanmi thil a duhmi na si; Israel mi cungah ding tein le a tlari in thil na tuah.

SALM 89:14

Na pennak cu dinnak le biading cungah a hram bunh a si, na tuahmi thil kip chungah hin dawtnak le zumhawktlak sinak an um.

2 CHANRELNAK 9:8

Bawipa na Pathian, nangmah chungah lawmhnak a ngei i Bawipa na Pathian ca i siangpahrang ah a bawi ṭhutdan cungah an ṭhuttertu cu thangṭhat si ko seh! Na Pathian nih Israel mi cu a dawt hna i zungzal in hmunhter a duh hna caah, nangmah nih biading le dinnak kha na tuah nakhnga, an cung i siangpahrang ah an ser,” tiah a ti.

1 SIANGPAHRANG 2:12

Cucaah Solomon cu a pa David bawi ṭhutdan ah a ṭhu i a pennak cu fek tein a hmunhter.

2 SAMUEL 8:15

Cucaah David nih Israel mi vialte cu a pen hna i David nih a mi vialte cu biading le ruannak in a uk hna.

1 SAMUEL 13:13

Cun Samuel nih Saul cu, “Na tuahmi hi hruhnak ngaingai a si; Bawipa na Pathian nih an pekmi a nawlbia cu na zul lo; zeicahtiah atu cu, Bawipa nih na pennak cu Israel mi cungah zungzal ca in a hei fehter ko hnga.

JOB 11:6

Fimnak hi thap tampi a um i Minung fimnak nih a phak khawh lomi thil thuk an um ti kha an chimh hnga. Pathian nih na sualnak a cheu cu hmu duh loin an umpiak kha hngal tuah.

PHUNGTHLÛKBIA 14:34

Miphun a lianhngantertu cu dinnak a si, sualnak cu zei miphun paoh caah ningzahnak a si.

PHUNGTHLÛKBIA 16:10

Pathian chimhmi biakhiahnak cu siangpahrang hmur ah cun a um, biaceih tikah a kaa nih sualnak a tuah lo.