PHUNGTHLÛKBIA 28:20 - Lai (Hakha) Common Language Bible 2006

²⁰ Zumh awk tlakmi cu thluachuahnak tampi a hmu lai, sihmanhsehlaw khulrang in rum aa zuammi cu dantatnak hmu loin a um lai lo.

Laibaibal Thiang (BSI)

²⁰ Zumh awk a tlâkmi nih thluachuah tampi a hmuh lai, asinain chikkhat te i rum ai timmi cu dântak lo in a um lai lo.

PHUNGTHLÛKBIA 28:20 Խաչաձեւ Հղումներ

PHUNGTHLÛKBIA 13:11

Khulrang in hmuhmi rumnak cu a ziam zau, sihmanhsehlaw tlawmpal, tlawmpal tein khonmi cu a karhcho.

BIAPHUAN 2:10

Sifahnak na in dingmi kha zeihmanh ṭih hna hlah. Hi bia hi ngai hmanh. Khuachia nih khan nangmah hneksaknak caah nanmah lak i a cheu cu thong ah a thlak hna lai; harnak na inmi cu ni hra chung a si lai. Thih tiangin ka cungah zumhawktlak tein um ko; cun nunnak suiluchin kha kan pek lai.

PHUNGTHLÛKBIA 28:22

Mikhiar nih cun khulrang in rum aa hnawh, sihmanhsehlaw herhbaunak nih a ka tlunh lai ti kha a hngal lo.

PHUNGTHLÛKBIA 20:21

Khulrang tuk in hmuhmi chawva cu, a donghnak ah thlua a chuak lai lo.

PHUNGTHLÛKBIA 10:6

Thluachuahnak cu miding hna lu cungah a um, sihmanhsehlaw miṭhalo hna kaa nih cun zaang-ennak kha an i hmawm.

SALM 101:6

Zumhawktlak bikbik kha ka hawikom ah kaa thim hna lai i ka sal cu an nunning soi awk a um lomi kha an si lai.

NEHEMIAH 7:2

ka unau Hanani le ralvennak inn uktu Hananiah kha Jerusalem khua zohkhenhnak rian cu ka pek hna, zeicahtiah amah cu midang tampi nakin zumhawktlak deuh le Pathian a ṭih deuhmi a si.

BIAPHUAN 2:13

Na umnak hmun kha ka hngalh; Satan nih a bawiṭhutdan a chiahnak hmun a si kha ka hngalh. Ka cungah zumhawktlak in na um i keimah ca i zumhawktlak a simi tehte Antipas kha Satan umnak hmun i an thah ah khan, na zumhnak cu na ṭhial tak hlei lo.

LUKA 16:1

Jesuh nih a zultu kha a thawh hna i, “Mirumpa pakhat a rak um i cu mirumpa nih cun thil zohkhenhtu pakhat a ngei i a thil zohkhenhtu nih cun a tangka kha a duhduh in pakpalawng ah a hman tiah an chimh.

LUKA 12:42

Bawipa nih a leh i, “A si ahcun, aho cu dah zumhawktlak le a fimmi sal cu a si? Zumhawktlak le a fimmi sal cu a bawipa nih a innchungkhar zohkhenhtu ah a chiah i sal dang kha anmah le an caan te cio ah an co awk hnga rawl a pemi hna cu a si.

PHUNGTHLÛKBIA 23:4

Rumnak hmuh awkah i hre tuk hlah, ngol awkah fimnak a za ngei tuah.

PHUNGTHLÛKBIA 20:6

Mi kip nih zumh awk tlak ka si an ti cio, sihmanhsehlaw hei hneksak tuah hna law, aho fang khi dik zumh awk tlak taktak cu an hei si!

PHUNGTHLÛKBIA 17:5

Misifak nihsawh cu a Sertu nehsawh kha a si, Mi nih van chiat an ton tikah a di a riammi cu dantat loin a luat lai lo.

1 SAMUEL 22:14

Cun Ahimelek nih siangpahrang cu a leh i, “A si ah, na sinum vialte lakah, siangpahrang tupa a simi, nangmah pum rungvengtu hna haotu, na inn chungah upat a simi David tluk in, ahodah zumh awk tlak a um?

MATTHAI 24:45

“Cu a si caah aho cu dah zumh awk a tlakmi le a fimmi sal cu a si? Cu bantukin zumh awk a tlak i a fimmi sal cu, a Bawipa nih a sal hawi zohkhenhtu dingah, a caan hmaan tein an rawl a petu dingah, a chiahmi kha a si.

MATTHAI 25:21

A bawipa nih cun, ‘Sal ṭha, zumhawktlak sal, na tuahmi cu a ṭha ngaingai. Tangka tlawmte na lehthalnak ah zumhawktlak na si, cucaah tangka tampi tawngthamtu ah kan chiah lai. Ra lut law ka lunglawmhnak hi i hrawm ve,’ tiah a ti.

PHUNGTHLÛKBIA 19:2

Hngalhnak um ṭung lo duhnak lawng hi a ṭha lo, Namhnaw in a kalmi nih a lam kha a thlau tawn.