PHUNGTHLÛKBIA 26:26 - Lai (Hakha) Common Language Bible 2006

²⁶ A lung chung i huatnak a ummi cu hlennak in a thup lai nain a ṭhat lonak cu zapi pumhnak ah a lang lai.

Laibaibal Thiang (BSI)

²⁶ A huatnâk cu hlennâk in thup hmanhsehlaw, a suahsualnâk cu zatlâng theih in langhter a si lai.

PHUNGTHLÛKBIA 26:26 Խաչաձեւ Հղումներ

1 SAMUEL 18:17

Cun Saul nih David cu, “Hika ah hin ka fanu upa deuh Merab a um ko; nupi caah kan pek lai; keimah caah na ral bel ṭha ko law, Bawipa raldohnak cu do ko hna,” tiah a ti. Zeitintiah Saul nih, “Keimah kut cun thi hlah seh, sihmanhsehlaw Filistin mi hna kut tu in thi deuh seh,” tiah a ruah.

1 SAMUEL 18:21

Saul nih, “Amah cu a caah rap a si nakhnga le Filistin mi hna kut cu amah dotu a si nakhnga, amah cu pe ning,” tiah a ruah. Cucaah Saul nih David cu a voi hnihnak a chimh i, “Atu cu ka tupa na si lai,” tiah a ti.

GENESIS 4:8

Cun Kain nih a nau Abel kha a thawh i, “I chawk tuah u sih,” a ti. Lo an va phak tikah khan Kain nih a nau cu a thah.

MATTHAI 23:28

Cu bantuk cu nan si, a lenglei cun mi ṭha ko nan lo, sihmanhsehlaw nan chung cu lih le sualnak in a khat.

LUKA 8:17

Zeicahtiah thuhmi kha a lang lo dingmi zeihmanh a um lo i biathli zong hngalh lo dingmi le ceunak ah chuahpi lo dingmi zeihmanh a um lo.

PHUNGTHLÛKBIA 10:9

Ding tein a kalmi cu him tein a kal, sihmanhsehlaw a lam kha a ningcang loin a tuahmi cu a langh lai.