PHUNGTHLÛKBIA 26:12 - Lai (Hakha) Common Language Bible 2006

¹² Amah aa hmuhnak ah ka fim aa timi nakcun, mihrut caah ruahchannak a um deuh.

Laibaibal Thiang (BSI)

¹² Mah le mah mifim ah â ruatmi na hmu cang hna maw? cu hna sin nakin mihrut sinin ruahchannâk a sang deuh.

PHUNGTHLÛKBIA 26:12 Խաչաձեւ Հղումներ

PHUNGTHLÛKBIA 29:20

Ruah hmasa loin bia a chim zauzaumi nakcun, mihrut caah ruahchannak a um deuh.

ROM 12:16

Pakhat le pakhat nan zawn i ruat dih u. Lungpuam in um hlah u, rian hme tete ṭuan duhnak lungthin kha ngei u. Ka fim tiah vaa ruat hlah u.

PHUNGTHLÛKBIA 28:11

Mirum nih cun ka fim tiah an i ruat zungzal, sihmanhsehlaw hngalhthiamnak a ngeimi misifak nih khan anmah nakin a hngalh deuh.

BIAPHUAN 3:17

Ka rum ko, kaa za ko, zeihmanh ka bau lo, na ti. Asinain zeitluk sifak le zaangfah awk tlak dah na si kha naa hngal lo. Na si a fak, puan aih awk hmanh na ngei lo i na mit a caw.

MATTHAI 21:31

A si ahcun, cu hna pahnih lakah khan aho nih dah an pa duhnak kha a tuah?” tiah a hal hna. Annih nih, “Upa u nih khan,” tiah an leh. Jesuh nih cun a thawh hna i, “Hihi kan chimh hna: Ngunkhuai khawltu hna le hlawhhlangnu hna nih Pathian Pennak chungah an in luhkanh cang hna lai hih.

PHUNGTHLÛKBIA 26:5

Mihrut cu a hruhnak nih hmuh awkah aa tlakning in let tuah, cu ti a si lo ahcun, ka fim tiah aa ruat sual lai.

LUKA 18:11

Farasi pa cu a dir i hi bantukin thla a cam: ‘Maw Pathian, kei cu midang bantukin hak a kaumi, lih a chimmi, nu le pa sualnak a tuahmi, ka si lo caah nangmah cu kan lawmh; cun khi ngunkhuai khawltupa bantuk zong khi ka si lo caah kan lawmh fawn.

LUKA 7:44

Cun minu lei kha a hei hoih i Simon cu a thawh i, “Hi nu hi na hmu maw? Na inn chungah ka ra lut i sihmanhsehlaw ka ke ṭawlnak caah ti naa ka pe lo, sihmanhsehlaw amah nih hin cun ka ke kha a mitthli in a ṭawl hna i a sam in a hnawh hna.

PHUNGTHLÛKBIA 26:16

Fim tein bia lehnak a chim khomi minung pasarih nakin, Mithathu cu amah aa ruahnak ahcun a fim deuh.

PHUNGTHLÛKBIA 22:29

Amah a rian ah a thiammipa cu siangpahrang hna hmaiah a dirmi a si lai, mi sawhsawh hna hmai men ah a dirmi a si lai lo.

PHUNGTHLÛKBIA 3:7

Mah mithmuh i a fimmi va si hlah; Bawipa kha ṭih law ṭhat lonak kha mertak ko.

JOHAN 9:41

Jesuh nih cun, “Nan mit cu rak caw seh law, sualphawt nan si hnga lo. Sihmanhsehlaw nanmah nih, ‘Khua kan hmu kho,’ nan ti ruangah hin sualphawt nan sinak cu a tang peng ko,” tiah a leh hna.

PHUNGTHLÛKBIA 12:15

Mihrut nih cun ka ding tiah a ruah zungzal, lungthin cheuhmi a ngaimi cu mifim an si.

PHUNGTHLÛKBIA 28:26

Mah ruahnak i rinh cu hruh a si, sihmanhsehlaw fimnak lam a zulmi cu him tein a lan ko lai.

ISAIAH 5:21

Nan lo cang! Kan fim nan ti, a fim ngaingai ah nan i ruat.