PHUNGTHLÛKBIA 26:11 - Lai (Hakha) Common Language Bible 2006

¹¹ A hruhnak a nolh ṭhan lengmangmi mihrut cu, A luak a kirhnawh ṭhantu uico bantuk a si.

Laibaibal Thiang (BSI)

¹¹ Uico nih a luak a ei ṭhân bantukin mihrut nih a hruhning a langhter ṭhân tawn.

PHUNGTHLÛKBIA 26:11 Խաչաձեւ Հղումներ

2 PETER 2:22

An tuahsernak nih hin, “Uico nih cun a luak a ei ṭhan,” ti le, “Vok cu kholh hnuah nawncek ah aa bual ṭhan,” timi phungthlukbia kha an hmaanter ngaingai.

MATTHAI 12:45

Cu tikah a kal ṭhan i amah nakin a chia deuhmi thlarau pasarih kha a vaa sawm hna i an ra i cuka ah cun an um; a donghnak ah cun cu pa umtuning cu a hlan nakkhan a chia deuh. Cuticun atu chan, chan ṭhalo, umtuning ding hi a si lai,” tiah a ti.

EXODUS 8:15

Faro nih thil cu a hung ṭha deuh ṭhan ti kha a hmuh tikah a lung a hak ṭhan i Bawipa nih a rak chim bantukte khan Moses le Aaron cu an bia ngaih kha a duh ṭhan hna lo.

PHUNGTHLÛKBIA 23:35

“An ka tuk an ka den i a si ṭheo lai, sihmanhsehlaw zeihmanh ka hngal lo, Zeicahdah kaa hlauh khawh lo ee? Din ṭhan ka herh rih i a si ko hi ta,” na ti lai.

PHUNGTHLÛKBIA 26:10

Mihrut siseh, zuri siseh, rianṭuan ah aa sawmmi cu, A rami paoh a rak kap tawntu thalkah thiam bantuk a si.

PHUNGTHLÛKBIA 27:22

Mihrut cu sum ah sumkhal in su hmanh law a hruhnak cu a thlah hlei lai lo.

ISAIAH 28:8

An ṭhutnak cabuai cu luak a khat i a thiannak hmun pakhat hmanh a um lo.