PHUNGTHLÛKBIA 25:8 - Lai (Hakha) Common Language Bible 2006

⁸ Na mit nih a hmuhmi kha khulrang in zung ah chuahpi hlah, Zeicahtiah tehte dang nih na palhnak kha a hnuah a langhter khawh ahcun zeitindah na um lai?

Laibaibal Thiang (BSI)

⁸ Biaceihnâk hmun ah rianrang tukin kal hlah, zeitintiah na innpa hna nih ningzak in na zo an in langh lai i a donghnâk ah zeitindah na tuah lai?

PHUNGTHLÛKBIA 25:8 Խաչաձեւ Հղումներ

MATTHAI 5:25

“Mi pakhatkhat nih taza an cuai i zung ah an chuahpi ahcun, a caan a um rih lio, zung nan phak hlanah khan, amah he cun remnak tuah i zuam; cuka na phak hnuah cun biaceihtu sinah khan hluai na si lai i biaceihtu nih cun palik sinah an chanh chin lai i thong ah an in thlak lai.

PHUNGTHLÛKBIA 17:14

Sik hram i thawk hi ti khamnak a pem hramthawk bantuk khi a si. A kauh chin hlanah ngol ko.

PHUNGTHLÛKBIA 30:33

Zeicahtiah hnuk hang cu cawh lengmang ahcun a khal i hnar cu thongh ahcun thisen a chuak, Cu bantukin thinhunnak cu chuahter lengmang ahcun rem lonak a chuak.

PHUNGTHLÛKBIA 18:6

Mihrut mi hmur nih cun siknak a chuahpi, a kaa nih fung tuknak a sawm.

PHUNGTHLÛKBIA 14:12

Lam dik tiah na ruahmi kha thihnak lei kalnak lam a si kho ko.

JEREMIAH 5:31

Profet hna nih lih in bia an chim i tlangbawi hna zong nih anmah tining paoh kha an zulh ve; Ka mi hna nih cu ti i tuah cu an duhning a si ko, Sihmanhsehlaw a donghnak a phak tikah, zeitindik nan um te fang lai.

2 SAMUEL 2:26

Cun Abner nih Joab kha a hei auh i, “Zungzal in maw mah le mah hi kan i doh ko lai! A donghnak cu a fak lai tiah na hngal ko lo maw? Na mi hna cu, nan unau hna dawi hi ngol cang u, tiah zeitik ah dah na ti hna lai,” tiah a ti.

1 SIANGPAHRANG 3:25

Cun siangpahrang nih a thawh i, “A nungmi ngakchiate kha cheu hnih ah cheu u law, cheu khat cu pakhat kha pe u law cheu khat cu a dang pakhat kha pe u,” tiah a ti.

PHUNGCHIMTU 7:9

Na thin i sum khawh kha i zuam, lungchung in mi uam peng hi hruh a si.