PHUNGTHLÛKBIA 25:5 - Lai (Hakha) Common Language Bible 2006

⁵ Siangpahrang hmaika in miṭhalo cu ṭhial hna u law a bawiṭhutdan cu dinnak in a fek lai.

Laibaibal Thiang (BSI)

⁵ Siangpahrang hmai i misuaksual kha hloh hna ulaw, a bawiṭhutdan cu dinnâk in fehter a si lai.

PHUNGTHLÛKBIA 25:5 Խաչաձեւ Հղումներ

PHUNGTHLÛKBIA 20:8

Biaceihnak ṭhutdan cungah a ṭhumi siangpahrang nih cun ṭhat lonak vialte kha a thleidan khawh dih.

PHUNGTHLÛKBIA 16:12

Siangpahrang caah cun ṭhat lonak tuah hi fihnung a si, zeicahtiah bawi ṭhutdan cu dinnak in fehter a si.

PHUNGTHLÛKBIA 20:28

Zumhawktlak sinak le zumhnak ṭha nih siangpahrang cu a kilven i a bawi ṭhutdan cu dinnak nih a dirter.

ISAIAH 16:5

Khi tikah David tefa pakhat cu siangpahrang a si lai i a mi kha zumhawktlak le dawtnak in a uk hna lai. A hmaanmi thil tuah ah khan a khul a rang lai i mi kha dinnak cu a tuahter hna lai.)

ISAIAH 9:7

A lianhngannak cu a ṭhang chin lengmang lai; a ram cu a dai zungzal lai. Siangpahrang David tefa pakhat bantukin a ram cu a uk lai i atu thawk in caan donghnak tiang, hmaante le ding tein a uk lai. Ralkapbu Bawipa nih hi vialte hi tuah hrimhrim awkah aa tim.

PHUNGTHLÛKBIA 29:14

Siangpahrang nih misifak hna bia zong kha ruannak in a ceih ahcun a bawi ṭhutdan cu zungzal in a hmun lai.

ESTHER 7:10

Cun siangpahrang nih, “Cuka ah cun amah kha va thlai u,” a ti. Cucaah Mordekai ca i a phunmi thahnak tung ah khan amah Haman cu an thlai. Khi tikah siangpahrang thinhunnak cu a dam.

1 SIANGPAHRANG 2:46

Cun siangpahrang nih Jehoiada fapa Benaiah cu nawl a pek i a va kal i a tuk i a thi. Cucaah pennak cu Solomon kut chungah fehter a si.

1 SIANGPAHRANG 2:33

Cuticun Joab lu cung le a tefa hna lu cungah zungzal in an thisen cu a kir ṭhan lai; sihmanhsehlaw David cung le a tefa hna cung le a innchungkhar cung le a bawi ṭhutdan cungah cun Bawipa sinin a rami daihnak cu zungzal in a um thluangthluan lai,” tiah a ti.

1 SIANGPAHRANG 2:45

Sihmanhsehlaw Solomon Siangpahrang cu thluachuah a hmu lai i Bawipa hmaiah zungzal in David bawi ṭhutdan cu fehter a si lai,” tiah a ti fawn rih.

PHUNGTHLÛKBIA 25:6

Siangpahrang hmaika ah vaa hmanh len hlah, Mi ngan hna sin zongah va ṭhu hlah;