PHUNGTHLÛKBIA 25:12 - Lai (Hakha) Common Language Bible 2006

¹² Chimhringtu a fimmi cu, a bia ngaih a duhmi caah cun, Sui kutdonghrolh le sui hlawn bantuk a si.

Laibaibal Thiang (BSI)

¹² Fim ngai i chimhringtu biangaitu cu sui hnatonh le suiṭha phun ṭamhmi bantuk a si.

PHUNGTHLÛKBIA 25:12 Խաչաձեւ Հղումներ

SALM 141:5

Miṭha nih cun dawtnak in ka si hna seh law dan ka tat ko hna seh, sihmanhsehlaw miṭhalo nih cun ka lu ah sathau ka thuh hna hlah seh, zeicahtiah cu bantukin ka cungah an tuah ahcun, thil ṭhalo an tuahmi i aa tel vemi ah an ka ser khawh sual ai hnga.

PHUNGTHLÛKBIA 15:5

Mihrut nih a pa chimhhrinnak kha zei ah a rel lo, sihmanhsehlaw mawhchiatnak zei ah a relmi cu mifim a si.

PHUNGTHLÛKBIA 20:12

Theihnak hna hna le hmuhnak mit hna hi Bawipa sermi an si dih.

PHUNGTHLÛKBIA 9:8

Miruamkai cu nun chim hlah, an huat sual lai, mifim cu nun chim law an dawt lai.

JOB 42:11

Cun a sinah cun a unau vialte le a farle vialte le hlanlio i amah theihhngalh a rak simi vialte kha an ra i a inn ah cun amah he khan rawl an ei ṭi; cun a cung i Bawipa nih ṭhat lonak a tluntermi vialte ruangah khan annih nih amah cu an hramh i an hnemh; cun tuu pakhat le sui kutdonghrolh pakhat cio an pek.

MATTHAI 12:35

Miṭha nih cun thil ṭha aa khonmi chung khan thil ṭha a chuah hna i miṭhalo nih cun thil ṭhalo aa khonmi chung khan thil ṭhalo a chuah hna.

EXODUS 32:2

Annih cu Aaron nih khan, “Nan nupile le nan fapale hna le nan fanule hna nih an i tonhmi sui tumbul kha va phoih hna u law rak pu hna u,” a ti hna.

EXODUS 35:22

Nu he pa he an ra; rak put a duhmi paoh nih khan ṭamhnak ṭhim hna le hnatonh hna le kutdonghrolh hna le ṭhi hna le sui hlawn a phunphun kha an rak put hna. Bawipa sin pekmi thawhlawm caah tiin an pekchanhmi sui hlawn kha an rak put cio hna.

2 SAMUEL 1:24

Maw Israel fanu hna, Saul cu ṭah tuah u, Amah nih maimaw puan an aihter hna i lungvar le sui in an ṭamh hna.

JOB 28:17

Sui le thlalang nih an tluk kho lo i Sui thiang hlawn zong nih a thleng kho lo.

PHUNGCHIMTU 7:5

Mihrut mi nih na thangṭhatnak hlasak in an sak nakin, mifim mi nih an in sik kha a ṭha deuh.

EZEKIEL 16:12

hnartonh kan tonh, hnatonh kan tonh i suiluchin kan chinh.