PHUNGTHLÛKBIA 24:9 - Lai (Hakha) Common Language Bible 2006

⁹ Mihrut nih khua an khanmi cu sualnak kha a si tawn i mi nihsawh a hmangmi cu huatnak kha an tong zungzal.

Laibaibal Thiang (BSI)

⁹ Mihrut hna ruahnâk cu sual a si, nisawh a hmangmi cu minung ca zongah fihnung a si.

PHUNGTHLÛKBIA 24:9 Խաչաձեւ Հղումներ

MATTHAI 15:19

Zeicahtiah lai a nawntertu, nu le pa sualnak a tuahtertu, thil ṭhalo dangdang a tuahtertu, a firtertu, lih a chimtertu, mi a congoihtertu ruahnak ṭhalo vialte cu a lung chungin a hung chuakmi an si.

2 KORIN 10:5

Pathian hngal kho hna hlah seh tinak ca i chonmi vampang porhlawtnak vialte kha kan baoh dih; minung lungthin kha sal ah kan va tlaih hna i Khrih nawl kha kan ngaihter hna.

ISAIAH 55:7

Miṭhalo nih an zulhmi an lam kha hlaw hna seh law an ruahning kha thleng hna seh. Bawipa kan Pathian leiah cun i mer hna seh, amah cu mi zaangfah a thiam i khulrang in mi a ngaithiam khotu a si.

LAMKALTU 8:22

Cucaah cun hi thil ṭhalo na ruahmi hi i ngaihchih law hi bantuk thil ṭhalo na ruahmi hi an ngaihthiam khawh nakhnga Bawipa sinah thla cam.

MATTHAI 9:4

Jesuh nih an ruahmi kha a hngalh i, “Zeicahdah cu bantuk thil ṭhalo cu nan ruah?

PHUNGTHLÛKBIA 29:8

Mi nihsawh hmangmi nih khua chungah mei an thawhter tawn, Sihmanhsehlaw mifim mi nih cun mi thinlinhnak kha an daihter.

PHUNGTHLÛKBIA 24:8

Ṭhatlo tuahnak khua a khang lengmangtu cu a min ah Harnak Sertu ti a si lai,

MATTHAI 5:28

Sihmanhsehlaw kei nih cun, ahohmanh nih nu kha sual duhnak lungthin he a zoh ahcun, cu pa cu a lung chungin a sual cang, tiah kan ti hna.

JEREMIAH 4:14

Maw Jerusalem, palhnak na tuahmi kha na lung chungin i thianh law, Khamh na si ko rih hnga dah kaw! Zei can dah na ruahnak ṭhalo cu na chungah a cam lai?

GENESIS 6:5

Bawipa nih minung cu khuazakip ah an ṭhat lo tuk hringhran le an lungchung cu ruahnak ṭhalo lawnglawng a khah kha a hmuh tikah,

PHUNGTHLÛKBIA 23:7

“Ei tuah hen, ding tuah hen,” an ti lai, Sihmanhsehlaw cucu a chim duh taktakmi a si lo.

PHUNGTHLÛKBIA 22:10

Mi lungpuam kha dawi u law rem lonak a lo lai, siknak le holh ṭhalo a dong lai.

SALM 119:113

Na sinah zumhawktlak in a um lomi cu ka huat hna, sihmanhsehlaw kei cu na phunglam kha ka duh.

GENESIS 8:21

Bawipa nih cu rim thaw cu a theih tikah, “Minung tuahmi ruangah vawlei cu zeitikhmanh ah chiat ka serh ṭhan ti lai lo; minung cu a no lio tein a ruahnak cu a ṭhalo ti kha ka hngalh. Atu i ka tuah bantuk hin zeitikhmanh ah thilnung vialte kha ka hrawk ṭhan ti hna lai lo.

PHUNGTHLÛKBIA 9:7

Miruamkai a chimhringtu nih cun rak nihsawhnak kha a in tawn, miṭhalo nun a chimtu nih cun hma a in tawn.

PHUNGTHLÛKBIA 21:24

Aa porhlaw i a ruam a kai i ninghngal in mi zei ah a rel lomi cu a min ah “Nihsawhtu” ti a si.