PHUNGTHLÛKBIA 24:28 - Lai (Hakha) Common Language Bible 2006

²⁸ Zei ruang setsai lo ah na innpa cungah tehte va si hlah, Amah kong ah thil a ping i a kalter khotu ding bia zong va chim hlah.

Laibaibal Thiang (BSI)

²⁸ Chan um lo in na innpa ralchanh in biahngaltu va si hlah, zeitintiah na hmurkâ in na hlen lai maw?

PHUNGTHLÛKBIA 24:28 Խաչաձեւ Հղումներ

EFESA 4:25

Cucaah lihchim um ti hlah seh. Aho cio paoh nih a unau cu biatak chim seh, zeicahtiah kan dihlak in hmunkhat ah Khrih pum chung nge kan si cio.

PHUNGTHLÛKBIA 25:18

A hawikom cungah a hmaan lomi tehte a simi cu thingtan le vainam le a harmi cantiang bantuk a si.

BIAPHUAN 22:15

Sihmanhsehlaw uico bantuk a simi hna le eih thiammi hna le horduhcuaimi hna le lainawngmi hna le siasal biami hna le bia in siseh tuahnak in siseh lih a chimmi hna kha cu, khuapi lengah cun an um lai.

BIAPHUAN 21:8

Sihmanhsehlaw miralchia le mirawi hmang le fih awk lungthin a ngeimi le lainawngmi le horduhcuaimi le camh hmangmi le siasal biami le lihchimmi vialte hna an umnak ding cu, mei le kat in a alhmi tili, thih voi hnihnak kha a si,” a ti.

KOLOSE 3:9

Nan mi hlun cu a hman tawnmi a ziaza he khan nan i phoih cang i

JOHAN 15:25

Cucu a si awk a si ko, zeicahtiah cuticun pei an Phung chung i, ‘Zei ruang lo ah an ka huat,’ tiah aa ṭialmi kha a tlin khawh ding a si cu.

MATTHAI 27:23

Sihmanhsehlaw Pilat nih cun, “Zei sualnak dah a tuah?” tiah a vun hal hna. Cu tikah fak piin an au ciammam i, “Vailam ah khenhchih ko,” an ti.

PHUNGTHLÛKBIA 21:28

Tehte deu cu a rawk lai, Sihmanhsehlaw thil ṭha tein a ruat dildelmi pa bia cu cohlanpiak a si lai.

PHUNGTHLÛKBIA 19:9

A dinglo tehte cu dantat loin a luat lai lo, Lih lawng a chim lengmangmi cu a rawk lai.

PHUNGTHLÛKBIA 19:5

A dinglo tehte cu dantat loin a luat lai lo, Lih a chimtu cu a luat ve lai lo.

PHUNGTHLÛKBIA 14:5

Zumh awk tlakmi tehte nih cun lih kha a chim lo, sihmanhsehlaw tehte dinglo nih cun lih kha a thaw ah aa chuahchih.

SALM 52:1

Mi liannganpa, zeicahdah ṭhat lonak na tuahmi cu naa porhlawt? Pathian dawtnak cu a fek ko.

SALM 35:11

Miṭhalo nih sual an ka phawt i ka hngalh hrimhrim lomi sualnak kha an ka puh.

SALM 35:7

Sullam zeihmanh um loin keimah foihnak ding caah rap an chiah i keimah tlaknak ding caah khor thukpi an cawh.

JOB 2:3

Cun Bawipa nih Satan cu a thawh i, “Ka sal Job hi na ruat bal maw? Vawlei cungah hin amah bantuk soisel awk um lo, miding, Pathian a ṭih i ṭhat lonak a mertakmi hi an um lo. Amah cu zei ruang lo ah hrawh awkin na ka canghter cang nain, a tlinnak cu fek tein aa tlaih peng ko,” tiah a ti.

EXODUS 23:1

“Ahmaan lomi thawngpang kha mi sinah nan chim chin lai lo. A sualmipa kha ahmaan lomi tehte sinak in va bawm hlah.

EXODUS 20:16

“Nan minung hawi cungah tehte dinglo nan si lai lo.

LEVITIKAS 6:2

“Ahohmanh nih, a innpa kha chawva kennak kong ah siseh ṭilva zohkhenhnak kong ah siseh a hlen i, ramhnak in siseh, a innpa kha hremnak in siseh,

LEVITIKAS 6:3

thiltlau kha a hmuh i cu kong ah lihchimnak le ding loin chiatsernak in siseh, Bawipa cungah a sual i phung a buar ahcun mah hi thil vialte minung nih an tuah tawnmi hna chungah hin

LEVITIKAS 19:11

“Nan fir lai lo; hlennak in thil nan ti fawn lai lo, pakhat le pakhat lih nan i chim fawn lai lo.