PHUNGTHLÛKBIA 24:24 - Lai (Hakha) Common Language Bible 2006

²⁴ A sual komi, a sual lo, tiah a titu biaceihtu bawi cu miphun zakip nih chiat an serh i mi vialte nih an huat.

Laibaibal Thiang (BSI)

²⁴ Misuaksual sinah, “Nang cu na ding” a timi cu, mikip nih chiat an serh lai i miphun kip nih an fih lai.

PHUNGTHLÛKBIA 24:24 Խաչաձեւ Հղումներ

PHUNGTHLÛKBIA 17:15

Miṭhalo thiamcoh le miding sualphawt hi, an pahnih in Bawipa mithmuh ah fihnung an si veve.

ISAIAH 5:23

Hi bantuk thil tuah ah cun hi tlukin nan ral a ṭha nain zik an in nawh hna tikah misual cu nan luatter hna i a sual lomi kha an bia ding tein nan ceihpiak duh hna lo.

PHUNGTHLÛKBIA 11:26

A rawl kha zuar a siang lomi cu mi nih chiat an serh, sihmanhsehlaw zuar a siangmi cu mi nih thluachuahnak an pek.

PHUNGTHLÛKBIA 28:27

Sifakmi a pechan lengmangmi cu a chambau bal lai lo, sihmanhsehlaw a mit a chinhkanhtu hna cu chiatserhnak tampi a hmu lai.

EZEKIEL 13:22

Miding mi cu an cungah ṭhat lonak tuah ka tim lo nain an lung nan donghter hna i cu bantuk ṭhiamṭhiam in miṭhalo mi hna cu an lam ṭhalo kha hlawt i khamh an si nakhnga tu si loin thazang nan pek lehlam hna;

ISAIAH 66:24

“An chuah pah ah a ka dohtu hna an ruak kha an hmuh lai. An sa a eitu tholung kha zeitikhmanh ah an thi lai lo i a kanghtu hna mei kha zeitikhmanh ah a mit lai lo. Annih cu an hmuh hna tikah mi vialte cu an luak a chuak lai.”

ISAIAH 5:20

Nan lo cang! Thil ṭha cu thil ṭhalo nan ti i thil ṭhalo cu thil ṭha nan ti. Khuamui kha khuaceu nan ti i khua ceu kha khua mui nan ti. A kha mi kha a thlum nan ti i a thlummi kha a kha nan ti.

PHUNGTHLÛKBIA 30:10

Sinum cu a bawipa sinah congoih hlah, chiat an serh sual lai i mawh na phor sual lai.