PHUNGTHLÛKBIA 23:29 - Lai (Hakha) Common Language Bible 2006

²⁹ Ahodah chimpit vansang in a um tawn? Ahodah a ngaih a chia tawn? Ahodah mi he aa si tawn? Ahodah bia a ngei tawn? Ahodah zei ruang lo ah hma a ing tawn? Ahodah mit sen remrum in a um tawn?

Laibaibal Thiang (BSI)

²⁹ Ahodah a van a sang tawn? ahodah a ngaihchia tawn? ahodah â si tawn? ahodah bia a ngei tawn? ahodah ruang um loin hliamhma a tuar tawn? ahodah mit sen kerkur in a um tawn?

PHUNGTHLÛKBIA 23:29 Խաչաձեւ Հղումներ

EFESA 5:18

Zu ri hlah u, zu cu nanmah hrawktu lawnglawng a si ko, Thlarau tu khan khat deuh u.

ISAIAH 5:22

Nan lo cang! Zureu thawl lei i minthang hna! Zu ser le zu lap ton i ṭih ngei lo hna!

ISAIAH 5:11

Nan lo cang! Zu din ah zingkate in nan tho i zan ah tlaipi tiang ri cikcek in nan din.

PHUNGTHLÛKBIA 23:21

Zeicahtiah zurimi le sarammi cu sifahnak an phan lai, ei le ih lawng na rianh ahcun puanchia he na vak tuan ko lai.

NAHUM 1:10

Hling nih a ngerhmi le zuri bantuk le a romi capawl bantukin na kang dih lai.

PHUNGTHLÛKBIA 20:1

Zu hi nihsawhnak mi a phorhtu a si, Ritnak zu hi i siknak a si; zu rit cu hruh a si.

2 SAMUEL 13:28

Cun Absalom nih khan a sinum hna cu nawl a pek hna i, “Amnon kha zu nih a lung a lawmhter tikah, i chingchiah u law, ‘Amnon kha tu u,’ kan ti hna tikah that u. Ṭih hlah u, keimah nih nawl kan pek hna a si lo mei? Nan ral ṭha u law nan lung ṭhawng ko u,” tiah a ti.

GENESIS 49:12

Mitsur zu a din tuk caah a mit cu sen tertur in an um i cawhnuk a din tuk caah a ha cu vaar vervur in an um.

2 SAMUEL 11:13

Cun David nih a sawm i a hmaika ah cun a ei a ding, cucaah a ritter; cun a zanlei ah a bawipa sinum hna sin i va ih awkah a chuak, sihmanhsehlaw a inn ah a vung kal lo.

PHUNGTHLÛKBIA 23:20

Zuri hna he i kom hlah, sarammi hna he zong i kom hlah;

GENESIS 19:33

Cu zan ah cun zu cu an dinh i a fanu upa deuh nih khan a ihpi, sihmanhsehlaw a rit tuk caah cucu a hngal lo.