PHUNGTHLÛKBIA 23:17 - Lai (Hakha) Common Language Bible 2006

¹⁷ Misual kha tluk i zuam hna hlah, nifate in Bawipa a ṭihmi bel kha hngar ko hna;

Laibaibal Thiang (BSI)

¹⁷ Na lungthin in misual hngar hlah seh, nitlâk tein BAWIPA ṭih kha hngar deuh.

PHUNGTHLÛKBIA 23:17 Խաչաձեւ Հղումներ

PHUNGTHLÛKBIA 28:14

Bawipa a ṭih zungzalmi cu mi thluachuak an si, sihmanhsehlaw a lung a hahtermi cu vanchiatnak chungah an tla lai.

1 PETER 1:17

Pathian sin i thla nan cam tikah, amah cu kan Pa tiah nan kawh; amah nih cun mi vialte kha an tuahning cio ah duhdanh zeihmanh um loin bia a ceih hna. Cu Pathian cu a sin i thla nan cam tikah, kan Pa, tiin nan kawh ṭung ahcun, hi vawleicung nan nun lioah hin amah upat bu tein nan um awk a si.

2 KORIN 7:1

Ka dawtmi ka hawile hna, hi biakamnak vialte hi kanmah pei pek kan si cu. Cucaah pum siseh, thlarau siseh, a thurhnawmhtertu paohpaoh kha i thianh u sih law Pathian ṭih bu tein um u sih.

PHUNGTHLÛKBIA 15:16

Bawipa ṭih bu tein tlawmte ngeih hi tampi ngeih i hnahnawk ngai i um nakin a ṭha deuh.

LAMKALTU 9:31

Cuticun Judea ram le Galilee ram le Samaria ram i a ummi khrihfabu vialte nih khan daihnak caan an hmu. Bawipa kha ṭihzah ngaiin an um i Thiang Thlarau bawmhnak thawngin an ṭhang i an karh.

PHUNGCHIMTU 5:7

Mang cu manh len ko, cun na tuahmi rian zong cu pakpalawng si koin na chimmi bia cu tam ko hna hmanh seh law Pathian cu na ṭih ṭhiamṭhiam awk a si.

PHUNGTHLÛKBIA 3:31

Zaang en hmangmi cu va hngar hna hlah, a lam zong kha zeihmanh vaa thim hlah;

SALM 111:10

Bawipa ṭih hi fim hram i thawh cu a si; cu bantukin a nungmi cu hngalhnak ah an ṭhang, Bawipa cu zungzal in thangṭhat si ko seh.

PHUNGTHLÛKBIA 24:1

Miṭhalo hna tluk kha i zuam hlah, annih cu hawikom i i ser zong kha i zuam hlah.

PHUNGTHLÛKBIA 24:19

Ṭhat lonak tuahtu hna kha zuam hna hlah, miṭhalo kha tluk i tim hna hlah;

PHUNGTHLÛKBIA 24:21

Ka fapa, Bawipa le siangpahrang cu ṭih hna, anmah a dohtu hna he khan i kom hlah;

PHUNGCHIMTU 5:6

Nangmah bia lila kha sualnak chung i an luhpitu siter hlah, Pathian tlangbawi cu, khakha ka ti duhmi a si lo, tiah chimh awk herh in um hlah, zeicah Pathian cu na cungah a thin na hunter lai? Zeicahdah na rak tuahmi cu na hrawhter lai?