PHUNGTHLÛKBIA 23:10 - Lai (Hakha) Common Language Bible 2006

¹⁰ Hlanlio ramri tung kha ṭhial hna hlah, Ngakṭah kha an lo chut hna hlah;

Laibaibal Thiang (BSI)

¹⁰ Hlanlio pi rikham mi cu ṭhialhlah, ngakṭah hna ram zong va tawng hlah.

PHUNGTHLÛKBIA 23:10 Խաչաձեւ Հղումներ

PHUNGTHLÛKBIA 22:28

Nan pupa hna nih an rak chiahmi ramri tung kha ṭhial hna hlah.

ZEKHARIAH 7:10

ngakṭah le nuhmei, ramdangmi le sifakmi kha serhsat hna hlah u, pakhat le pakhat nan cungah ṭhat lonak kha i tlunter hlah u,” a ti.

DEUTERONOMI 27:17

“ ‘A innpa ramri a ṭhialmi cu chiat seh,’ tiah an thanh lai. Cun mi vialte nih, ‘Amen’ an ti lai.

JEIM 1:27

Sihmanhsehlaw nuhmei ngakṭah ṭha tein zohkhenh le vawlei cungah thurhnawm lo tein um tu hi Pathian kan Pa nih biaknak thiang le biaknak taktak i a ruahmi cu a si.

JEREMIAH 22:3

Thil nan tuah tikah dingte le hmaan tein tuah u, hremmi kha a hremtu kut chungin chuah u, ramdangmi le ngakṭah le nuhmei hna cungah ṭhat lonak siseh, zaang-ennak siseh, tuah hlah u.

DEUTERONOMI 19:14

“Bawipa nan Pathian nih co awkah an pekmi hna ram chung i nan co laimi ram chungah a ummi, hlanmi nih an rak chiahmi nan innpa ramri kha nan ṭhial lai lo.

MALAKHI 3:5

Zung nan chuah tikah kan chuahpi hna lai i eihthiammi hna le vacung pa duhmi hna le lih in chiat a sermi hna le man phalh in fialmi hna rianṭuantu hna le nuhmei le ngakṭah cungah a ding loin thil a titu hna le khualmi kha lam thlangah a eng i keimah a ka ṭih lomi hna kha, anmah ralchanh in tehte ka si lai tiah ralkapbu Bawipa nih a ti.

JEREMIAH 7:5

Nan umtuning le nan thil tuahmi kha i remh u law, pakhat le pakhat ṭhalo piin i ti hlah u law,

SALM 94:6

Nuhmei le ngakṭah kha an thah hna i kan ram chungah a ummi khual kha an nawn hna.

JOB 22:9

Nuhmei cu kutro in na kalter hna i Ngakṭah hna cu chanhtu ngei loin na tuk hna.

JOB 6:27

Ngakṭah hna sal i lak awkah camcawhfung hmanh nan khiah ko hnga i Nan hawi ṭha bik hmanh cu chawlehnak ah nan hman ko hnga.

JOB 24:9

Ngakṭah kha miṭhalo nih sal ah an ser hna i Misifakpa a fa kha a leiba caah an tlaihpiak.

EXODUS 22:22

Nuhmei le ngakṭah kha zawmtai hna hlah u,

PHUNGTHLÛKBIA 15:25

Bawipa nih aa porhlawmi inn cu a ṭheh, sihmanhsehlaw nuhmei thilri kha a humhak hna.

JEREMIAH 7:6

ramdangmi le ngakṭah le nuhmei kha dekhleng hna hlah u law hi hmun ah hin a sual lomi thisen kha chuah hlah u law nanmah lila fahnak ding caah pathian dang kha zul hna hlah u.