PHUNGTHLÛKBIA 22:7 - Lai (Hakha) Common Language Bible 2006

⁷ Mirum nih misifak kha an uk hna, cawitu cu coihtu sal a si.

Laibaibal Thiang (BSI)

⁷ Mirum hna nih misifâk hna cungah nawl an ngei tawn, cawitu cu a cawihtu sinum a si.

PHUNGTHLÛKBIA 22:7 Խաչաձեւ Հղումներ

2 SIANGPAHRANG 4:1

Profet fapa hna lak i pakhatpa nupi nih Elisha cu a auh i, “Na salpa ka vapa cu a thi cang; cun nang nih na salpa cu Bawipa a ṭihmi a rak si kha na hngalh, sihmanhsehlaw lei kan batmipa kha, ka fale pahnih hna cu sal si awk i lak awkah a ra cang,” tiah a ti.

PHUNGTHLÛKBIA 22:16

Sifak mi hrem cu miaknak a si sawk ko lai, sihmanhsehlaw mirum sin, i ser cu sifahnak a si.

PHUNGTHLÛKBIA 18:23

Misifak nih cun bia an chim ah a nawl tein an nawl tawn hna, sihmanhsehlaw mirum nih cun an leh hna tikah a hrilh in an hrilh.

JEIM 2:6

Asinain nannih nih cun sifakmi cu nan zawmhtaih hna. Ahodah hremnak an petu hna le biaceihtu hmaiah an chuahpi tawntu hna kha an si? Mirummi an si lo maw?

MATTHAI 18:25

Cu sal nih cun a leiba chamnak a ngeih lo caah a bawipa nih cun cu pa cu a nupi he a fale he a ngeihmi thil vialte he leiba chamnak dingah cun sal ah zuar si hna seh, tiah a ti.

PHUNGTHLÛKBIA 22:22

Sifakmi cu sifak an si ruangah zeitikhmanh ah va ramh hna hlah, Retheimi zong zung chungah va hrial hlah.

PHUNGTHLÛKBIA 14:31

Misifak kha nan serhsat hna ahcun anmah a Sertu Pathian nan serhsat kha a si, nan zaangfah hna ahcun cucu Pathian biak a si.

JEIM 5:1

Nannih mirum hna, ka bia hi ngai tuah u. Nan cung i harnak a tlung ding ruangah hin ṭap u law ai len tuah u.

AMOS 8:6

cun sifakmi kha ngun in caw hna u sih law retheimi kha kedan tuah khat caah tlai hna u sih, nan ti fawn. Cucaah hihi ngai tuah u:

AMOS 8:4

“Sifakmi kha a rialchih i retheimi kha a ramhmi hna, hihi ngai tuah u;

AMOS 4:1

Nannih Samaria tlangcung i a tlongmi Bashan caw, sifak kha a hrem i retheimi kha a rial chih i vale kha, zu rak pu u, a ti lengmangmi hna, hihi ngai tuah u:

ISAIAH 24:2

Ahopaoh nih cu bantuk thil cu ton a si ko lai — tlangbawi nih si hna seh, zapi nih si hna seh, sal nih si hna seh, bawi nih si hna seh, thil cawtu nih si hna seh, a zuartu nih si hna seh, tangka mi a cawihtu nih si hna seh, tangka mi sinin a cawimi nih si hna seh, mirum si hna seh, misifak si hna seh, cu bantuk cu an ton dih ko lai.

JEIM 5:4

Nan lo chung i rian a ṭuanmi, an nihlawh nan pek hna lomi an aunak thawng kha a thang i nan rawlṭuantu hna an aunak thawng kha Pathian Lianngan Bik Bawi i a hna chung a phan cang.

AMOS 2:6

Mah hihi Bawipa bia an si: Israel nih ṭhat lonak kha pakhat hnu pakhat in a tuah lengmang caah A cung i ka tlunter dingmi dantatnak kha ka let lai lo. Annih nih a sual lomi kha ngun ah an zuarh hna i Sifakmi kha kedan tuah khat ah an thlen hna.