PHUNGTHLÛKBIA 22:2 - Lai (Hakha) Common Language Bible 2006

² Mirum le misifak hna cu an i dang lo zeicahtiah Bawipa sermi cio an si.

Laibaibal Thiang (BSI)

² Mirum le misifak nih an ngeihṭi mi cu, BAWIPA cu an dihlak sertu a si hi a si.

PHUNGTHLÛKBIA 22:2 Խաչաձեւ Հղումներ

JOB 31:15

Paw chung i a ka sertu nih cun anmah cu a ser ve hna lo maw? Pathian pakhat nih paw chungah a kan ser cio a si lo maw?

PHUNGTHLÛKBIA 14:31

Misifak kha nan serhsat hna ahcun anmah a Sertu Pathian nan serhsat kha a si, nan zaangfah hna ahcun cucu Pathian biak a si.

1 SAMUEL 2:7

Bawipa nih a pamter tawn hna i a rumter tawn hna; A ṭhumh tawn hna i a hlorh zong a hlorh tawn hna.

PHUNGTHLÛKBIA 29:13

Misifak le anmah a hremtu hna nih khan aa khat in an ngeihmi cu hihi a si: Bawipa nih an pahnih in mit a pek veve hna.

JOB 34:19

Bawi kha a duhdanh hna lo i mirum kha misifak hna nakin a upat hlei lomi siangpahrang cu, Nangmah nih sual na phawt ko maw? Zeicahtiah annih cu an dihlak in Pathian sermi an si,

1 KORIN 12:21

Cucaah mit nih khan kut cu, “Nang cu kan herh lo,” a ti kho lo. Cun lu zong nih ke kha, “Kan herh lo,” a ti kho ve lo.