PHUNGTHLÛKBIA 21:2 - Lai (Hakha) Common Language Bible 2006

² Mi kip nih mahle umtuning cio hi mahle mit cio ah cun a dik in hmuh a si, Sihmanhsehlaw lungthin cuai a thlaitu cu Bawipa a si.

Laibaibal Thiang (BSI)

² Mahhmuhnâk ah kan umtuning hi a dik cio in kan ruah, asinain BAWIPA nih lungthin hi cuai ah a thlai tawn.

PHUNGTHLÛKBIA 21:2 Խաչաձեւ Հղումներ

PHUNGTHLÛKBIA 16:2

Na tuahmi cu a ṭha dih in na ruah ko lai, sihmanhsehlaw Bawipa nih naa tinhnak na lungthin cu a hngalh dih.

PHUNGTHLÛKBIA 16:25

Na ruahnak i lam ding a si na timi kha thihnak lei kalpitu lam a si ko hnga.

LUKA 16:15

Jesuh nih a thawh hna i, “Nannih hi minung mithmuh i miding aa lawhtermi pawl nan si, sihmanhsehlaw Pathian nih cun nan lungthin cu a hngalh ko. Zeicahtiah minung nih man sung ngai i an ruahmi cu Pathian mithmuh ah cun pakpalawng a si ko.

JEREMIAH 17:10

Bawipa nih minung ruahnak cu ka dah dih i an lungthin cu ka zet dih, An tuahnak nih a phut ningin le an ziaza ning cio in ka cham hna.

PHUNGTHLÛKBIA 30:12

Anmah an i hmuhnak ah cun a thiang i, an fihnunnak aa thianh ṭung lomi an um fawn;

1 SAMUEL 16:7

Sihmanhsehlaw Bawipa nih Samuel sinah cun, “A muisam in siseh, a pumrua in siseh, zoh hlah, zeicahtiah amah cu ka hlawt cang; zeitintiah Bawipa nih cun mi i an zohning in a zoh lo; mi nih cun lenglei langhning kha an zoh, sihmanhsehlaw Bawipa nih cun lungthin kha a zoh,” tiah a ti.

PHUNGTHLÛKBIA 24:12

Naa thawh i, “Hi pa hi ka rak hngalh bal ṭung lo,” na ti ahcun, na lungthin a hngaltu Pathian nih khan an chingchiah lai. Nangmah an zohkhenhtu Pathian nih a hngalh kha hngal ko law mi cu an tuahning khan a cham cio ko hna lai.

JEIM 1:22

A bia kan theih paoh ahcun a za, tiah nanmah le nanmah kha i hleng len hlah u. A bia cu a tuah tu in tuah deuh u.

SALM 36:2

Amah le amah sang tuk i aa ruah caah cun Pathian nih ka sualnak kha a hmu lai lo i sual a ka phaw lai lo tiah a ruah.

GALATI 6:3

Ahohmanh nih, zeihmanh si set ṭung loin, pa ka si ve tiin aa ruah ahcun amah le amah aa hlen a si.

PHUNGTHLÛKBIA 20:6

Mi kip nih zumh awk tlak ka si an ti cio, sihmanhsehlaw hei hneksak tuah hna law, aho fang khi dik zumh awk tlak taktak cu an hei si!

BIAPHUAN 2:23

Cun a zultu hna zong kha ka thah hna lai i Khrihfabu vialte nih khan keimah cu minung lungthin le duhnak a hngal dihtu ka si kha an hngalh lai. Nannih cu nan tuahmi ning cio ah kan cham hna lai.

PHUNGTHLÛKBIA 12:15

Mihrut nih cun ka ding tiah a ruah zungzal, lungthin cheuhmi a ngaimi cu mifim an si.

JOB 31:6

Pathian nih dinnak cuaithlainak ah cun ka thlai seh law ka sual lo kha a hngalh ko lai.

PHUNGTHLÛKBIA 17:3

Sui le ngun cu mei in hneksak an si, minung lung cu Bawipa nih a hneksak.

DANIEL 5:27

tekel ti cu cuai thlainak ah thlai na si cang i na tling lo ti kha hmuh a si cang, tinak a si; u-pharsin ti cu, na pennak cu cheu a si cang, tinak a si i Media mi le Persia mi kha pek an si cang, ti a si,” tiah a ti.