PHUNGTHLÛKBIA 21:16 - Lai (Hakha) Common Language Bible 2006

¹⁶ Hngalhthiamnak lam zul loin a pialmi cu thihnak nih a bawh ko.

Laibaibal Thiang (BSI)

¹⁶ Theithiamnâk lam pialtâktu hna cu mithi hna pumhnâk ah an i din ve lai.

PHUNGTHLÛKBIA 21:16 Խաչաձեւ Հղումներ

HEBRU 10:38

Ka miding mi hna nih cun an zumh lai i an nung lai; Sihmanhsehlaw ahohmanh aa letmi cu an cungah ka lung aa lawm lai lo,” tiah a ti bang khan a si lai.

SALM 125:5

Sihmanhsehlaw anmah lam, lam ṭhalo a zulmi hna cu, miṭhalo dan na tat hna tikah khan, dantat ve ko hna. Israel cungah daihnak um ko seh.

SALM 49:14

Tuu bantukin a thi dingin ruah an si cang i an tuukhal cu thihnak a si lai. Miding mi nih khan zinglei ah an tei hna lai i mithi hna ram ah an pum cu a thu a man lai, cuka cu an inn in aa hlatmi hmun a si lai.

JUDAS 1:12

Annih cu hawikomhnak rawl nan dum ṭi tik i rawl lak i hnawm a ummi bantuk khi an si, ningzah zeihmanh hngal loin an ei i an ding. Anmah zawn lawng an i ruat. Ruah a chungah a um lomi khuadawm, thli nih a choih lengmangmi bantuk khi an si. Fur caan hmanh i thei a tlai lomi thingkung bantuk an si; a hram bongh i a thi taktakmi thingkung bantuk an si.

1JOHAN 2:19

Hi hna hi kan bu chungmi ngaingai an rak si bal lo, cucaah an kan chuahtaknak cu a si; kan bu chung mi ngaingai kha rak si hna seh law cu, kan sinah hin an um peng ko hnga. Annih cu pakhat hmanh kan bu chung mi ngaingai an rak si lo ti kha a fian nakhnga annih nih khan an kan chuahtak.

EFESA 2:1

Hlanah cun nawl nan ngaih lo ruang le nan sual ruangah thlarau lei in nan rak thi.

ZEFANIAH 1:6

Bawipa kha hnulei an chit i Bawipa kha an kawl lo i ruahnak an hal lo.

PHUNGTHLÛKBIA 13:20

Mifim hna sinah i chawk ve lengmang law na fim lai, mihrut hna he i kom law a ping ah an in hruai lai.

PHUNGTHLÛKBIA 9:18

Sihmanhsehlaw khika ah thihnak a um ti kha an hngal lo i a sawmmi a hawile hna cu Sheol a thuknak i a ummi an si kha an i hngal lo.

PHUNGTHLÛKBIA 2:13

Annih cu muihnak lam zulh awkah dinnak lam a hlawt i

PHUNGTHLÛKBIA 11:19

Dinnak tuah awk aa rialchih pengmi cu a nung lai, sihmanhsehlaw dinlonak tuah aa sehchih pengmi cu a thi lai.

EZEKIEL 18:24

“Cun miding mipa nih a ziaza ding kha a hlawt ko hnga i miṭhalo mipa nih fihnung a phunphun a tuahmi kha a tuah ve ko hnga; mah hihi tuah buin a nung ko hnga maw? Nung hlah, dinnak a rak tuahmi vialte kha hngalhpiak a si lai lo; zumhawktlak loin a nung, a sual i cucaah cun a thi lai.

PHUNGTHLÛKBIA 5:23

Chimhhrinnak a um lo caah a thi i a hruhnak a ngan caah a tlau.

PHUNGTHLÛKBIA 19:16

Nawlbia kha zul hna law sau deuh na nung lai, zeirello in um hna law na thi lai.