PHUNGTHLÛKBIA 21:13 - Lai (Hakha) Common Language Bible 2006

¹³ Misifak hna an au tikah a hna aa chehmi cu, amah a au ve tikah ahohmanh nih an theihpiak ve lai lo.

Laibaibal Thiang (BSI)

¹³ Mi sifâk au nâk aw a hna a cheh kanhtu hna cu, vansang au i an um tikah ngaihpiak an si ve lai lo.

PHUNGTHLÛKBIA 21:13 Խաչաձեւ Հղումներ

PHUNGTHLÛKBIA 28:27

Sifakmi a pechan lengmangmi cu a chambau bal lai lo, sihmanhsehlaw a mit a chinhkanhtu hna cu chiatserhnak tampi a hmu lai.

MATTHAI 6:14

“Mi nih nan cungah an tuahmi ṭhat lonak kha nan ngaihthiam hna ahcun, vancung i a ummi nan Pa zong nih an ngaihthiam ve hna lai.

PHUNGTHLÛKBIA 1:28

Khi tikah cun an ka auh lai, sihmanhsehlaw ka let hna lai lo; An ka kawl len lai, sihmanhsehlaw an ka hmu lai lo.

MATTHAI 7:2

midang na soi hna ning te khan Pathian nih an soi lai i midang cung i na hmanmi tahnak te kha Pathian nih na cungah a hman ve lai.

SALM 58:4

Rul bantukin sivai an ngei, rawchok hnachet bantuk an si, zeihmanh an thei lo,

SALM 18:41

Bawmhnak hal in an ai, sihmanhsehlaw ahohmanh nih an khamh kho hna lo; Bawipa kha an auh, sihmanhsehlaw a let hna lo.

LAMKALTU 7:57

Cu bia an theih tikah fak piin an au i an kut in an hna kha an i phih i an hei zuanhnawh i

NEHEMIAH 5:13

Ka puan zong kha ka thin i. “Hi biakamnak a tuah lomi paoh cu hi bantukin an inn cio le an rian cio in Pathian nih thing ko hna seh. Cu bang cun thin si ko hna seh law, lawngkarao in chiah si ko hna seh,” ka ti. Cun aa pummi vialte nih, “Amen,” an ti i Bawipa kha an thangṭhat. Cun mi nih bia an i kam bangkhan an tuah.

LUKA 13:25

“Inn ngeitu cu a tho lai i kutka cu a khar lai; cun nannih cu a leng i nan dir i kutka khar cu nan kingh i, ‘Bawipa, innka kan hunh tuah,’ nan ti tikah, ‘Khuazei in dah nan rat kha ka hngal lo,’ tiah an leh hna lai.

1JOHAN 3:17

Mipa pakhat cu mirum a si nain a unau herhbaunak kha a hmuh tikah a lung innka a khar ahcun, zeitindah Pathian ka dawt tiah a ti khawh lai?

JOB 29:12

Sifakmi kha bawmh herh in an au tikah ka bawmh hna i, Chanhtu ngei lomi ngakṭah kha ka chanh hna.