PHUNGTHLÛKBIA 2:14 - Lai (Hakha) Common Language Bible 2006

¹⁴ Ṭhat lonak tuah ah aa lawm i hlenthawinak ah cun aa nuammi an si;

Laibaibal Thiang (BSI)

¹⁴ Thilṭhalo tuahnâk ah an i lawm i misuaksual dinlonâk ah an i lawm tawn.

PHUNGTHLÛKBIA 2:14 Խաչաձեւ Հղումներ

PHUNGTHLÛKBIA 10:23

Ṭhat lonak tuah hi mihrut caah cun lentecelh bantuk a si i sihmanhsehlaw hngalhthiamnak a ngeimi caah cun fimnak hi a nuammi a si.

ROM 1:32

Hi bantukin a nunning a simi cu thih awk a tlakmi a si, tiah Pathian nawlbia nih a timi kha an hngalh ko. Asinain hi bantuk thil cu anmah nih an tuah lengmang lawng si loin midang a tuah vemi zong kha an hnatlakpi hna.

JEREMIAH 11:15

Cun Bawipa nih, “Ka dawtmi nih thil ṭhalo hna a tuah tikah, ka innchung i umnak dingah hin, zei nawl dah a ngeih ti? Nan cung i a tlung dengmang cangmi rawknak hi biakṭheng cung i nan pekchanhmi thawinak sathau nih hin a donh khawh lai maw?

1 KORIN 13:6

Dawtnak cu midang sualnak cungah khan diriam in a um lo, biatak tu ah khan aa lawm.

ZEFANIAH 3:11

Khi ni ah cun ka mi hna cu, Keimah dohnak caah nan rak tuahmi thil ruangah khan nan ning a zak ti lai lo; zeicahtiah nan mi aa porhlawmi le a ruam a kaimi vialte hna kha nan lakin ka ṭhial dih hna lai i ka tlang thiang cungah hin ruamkai in nan um ti lai lo.

HOSEA 7:3

Siangpahrang cu an ṭhat lonak khan a lung an awih i bawi hna cu an mi hlenthiamnak khan an lung an lawmhter hna,

HABAKKUK 1:15

Ngatlaitu hna nih khan sio in an sio hna, sur sau in an hnuh hna i sur in an pumh hna, Cun an tlaihmi kha a tam caah an i lawm i an lam.

PHUNGTHLÛKBIA 21:10

Miṭhalo nih cun ṭhat lonak kha a duh zungzal ko, A innpa cungah zaangfahnak a ngei lo.

PHUNGTHLÛKBIA 4:16

Zeicahtiah annih cu thil sual pakhat tal an tuah lo ahcun an it kho lo i mi pakhat tal an tlukrilhter hna lo ahcun an i hngilh kho lo.