PHUNGTHLÛKBIA 19:22 - Lai (Hakha) Common Language Bible 2006

²² Hakkauh hi ningzahnak a si, misifak si hi lihchimmi sinak in a ṭha deuh.

Laibaibal Thiang (BSI)

²² Minung chunglei nih a duhbik cu zawnruahnâk a si i milihchim nâk in misifak a ṭha deuh.

PHUNGTHLÛKBIA 19:22 Խաչաձեւ Հղումներ

2 KORIN 8:12

Pek duhnak lungthin nan ngeih ahcun nan ngeih lomi thil zoh in si loin nan ngeihmi thil zoh in Pathian nih nan laksawng cu an cohlanpiak hna lai.

PHUNGTHLÛKBIA 19:1

Lungthin a ṭhami misifak cu hrokhrawl in bia a chimmi mirum nakin a ṭha deuh.

TITAS 1:2

Pathian sal le Khrih Jesuh sal ka sinak a langhtertu cu zumhnak le hngalhnak le ruahchannak an si, zumhnak cu Pathian nih a thimmi hna chung i a hung thomi zumhnak, hngalhnak cu kan biaknak phung nih a kan cawnpiakmi biatak hngalhnak, ruahchannak cu zungzal nunnak i ruahchannak. Cu zungzal nunnak cu lih a chim kho lomi Pathian nih caan hramthawk hlan in a kan kamh cangmi nunnak kha a si i atu ah amah nih a caan a rem a timi caan ah a phuan cang. Cu bia a phuanmi rian cu keimah kha ṭuan awkah a ka fial i kan Khamhtu Pathian nawl in cu bia cu ka chim.

2 CHANRELNAK 6:8

Sihmanhsehlaw Bawipa nih ka pa David cu a thawh i, ‘Ka min ca i inn sak awk kha na lung chung i a um caah, mah cucu na lung chung i na umter cu a ṭha;

SALM 62:9

Mi vialte hi thaw bantuk menmen an si, a thi khomi minung hi zeihmanh an man lo. Cuaithlainak cungah chia hna u law zeihmanh an tlai lai lo, thaw nak hmanh in an zaang deuh.

JOB 17:5

Phungthluk bia hlun ah, mi pakhatkhat nih tangka ruangah a hawipa kha a rawi ahcun, A fale mit kha a caw lai, ti a si.

JOB 6:15

Ka unaule hna cu tivacek bantuk hlen hmangmi an si, Tivate a kuang a liammi bantuk an si;

1 CHANRELNAK 29:17

Ka Pathian, nangmah nih lung kha na hneksak i dinnak kha na duhmi a si ti kha ka hngalh; ka lung dinnak in hi thil vialte hi lungtho tein kan pekchanh i atu cu hika i a ummi na mi hna nih lungthote le lunglawm tein an in pekchanh kha ka hmuh cang.

PHUNGTHLÛKBIA 19:21

Minung lung chungah khuakhannak tampi a um ko lai, sihmanhsehlaw Pathian tinhmi lawng kha a hmun lai.

PHUNGTHLÛKBIA 19:23

Bawipa ṭihnak hi nunnak a si, cuti in na um ahcun, hnangam tein na um lai i harnak nih an tawng lai lo.